Lukas 12:22 - Buku Tomoroli' Pojanci to Bo'u

²² Na'uli' Yesus mpo'uli'-raka ana'guru-na: ”Toe pai' ku'uli'-kokoi, neo'-koi sese' mpopekiri tuwu'-ni. Neo' ni'uli': ’Napa-le' to takoni'-e? Napa-le' to tapohea-e?’

Lukas 12:22 Iomraidhean Croise

Lukas 12:11

”Ane rakeni-koi hi tomi posampayaa pai' rapakilu-koi hi topohura agama ba topoparenta sabana petuku'-ni hi Aku', neo'-koi me'eka' ba beiwa mpai' tompoi'-ni ba napa mpai' to kana ni'uli'.

Lukas 12:23

Apa' katuwu'-ni meliu ngkai pongkoni' pai' pohea.

Lukas 12:29

Jadi' neo'-koi sese' rahi mpenonoi napa to nikoni' ba napa to ni'inu. Neo'-koi me'eka'.

1 Korintus 7:32

Konoa-ku ompi' bona neo'-koi sese' mpenonoi katuwu'-ni. Tauna to uma motobinei, mpenonoi Pue'-i-wadi, doko' mpakagoe' nono Pue'.

Filipi 4:6

Neo' mpokakoro' ba napa–napa. Hi butu nyala-na tida oa'-koi mosampaya, mekakae, merapi' hi Alata'ala, pai' mpo'uli' oa' tarima kasi.

Ibrani 13:5

Neo' wo'o-koi ngkahina rahi doi. Pokagoe'-mi-hana napa to ria hi koi'. Apa' ria lolita Alata'ala to mpo'uli': ”Uma-ko kupelele', uma-ko kupalahii.”