Lukas 12:19 - Buku Tomoroli' Pojanci to Bo'u

¹⁹ Oti toe mpai', uma-apa mobago, apa' wori'-mi timamahia-ku, hono' nte ba hangkuja mpae kupake'. Wae-pi, ntora-ama, ngkoni', nginu, pai' ntora goe'-a-damo!’

Lukas 12:19 Iomraidhean Croise

Lukas 12:18

Aa, kurata reke! Kukero lau-di poropo'-ku, pai' kuwangu to meliu kabohe-na, bona hi retu-mi mpai' pontimamahia hawe'ea pae-ku pai' rewa-ku.

Lukas 16:19

”Ria hadua topo'ua'. Pohea-na hewa pohea magau', paka' to masuli' oli-na. Tuwu'-na butu eo-na hewa toposusa'-damo.

Lukas 21:34

”Mo'inga'–inga'-koi, neo'-koi sese' ntora mosusa' pai' nginu palangu–langu, ba ntora mpenonoi katuwu'-ni hi dunia', alaa-na lempe' moto-koi hi eo karata-ku. Apa' rata ncorobaa-a mpai'.

1 Korintus 15:32

Hi rehe'i-a hi ngata Efesus, ria-ama hangkani radulu tauna to buko' mpobinata. Hiaa' ane rapa'-na kutodohaka hawe'ea toe bula-ku tuwu' hi wongko dunia' toi, pai' tauna to mate uma-pi tuwu' nculii', napa-mi-kuwo kalaua-na? Ane tomate uma mpai' rapotuwu' nculii', agina lau-pi ngkoni' pai' nginu-tamo mpali' kagoea', apa' mepulo romengi mpai', mate-tamo, pai' hudu ree-wadi katuwu'-ta. Wae-mi lolita tauna hantongo'.

Filipi 3:19

Tauna to hewa toe bate mporata silaka hi rala naraka. Konoa woto-ra moto, toe-mi to rapue'. Gau'-ra to me'eai', toe-mi to rapomobohe-ki nono-ra. Katuwu'-ra to hi dunia' toi, toe-wadi to rapoinono.

1 Timotius 5:6

Aga tobalu to mpali' kagoea'-ra-wadi, hewa to mate-mi kao'-ra nau' tuwu'-ra-pidi.

1 Timotius 6:17

Ane tauna to mo'ua' hi rala dunia' toi, tudui'-ra bona neo' molangko nono-ra pai' neo' ncarumaka rewa dunia', apa' rewa dunia' uma ria katoroa'-na. Agina ncarumaka-ra Alata'ala to mpowai'-ta hawe'ea rasi' hante uma ria huka'-na bona tapokagoe'.

2 Timotius 3:4

Mpopanawu' doo-ra, mekahia'-ra pai' rika' pekiri-ra, mpopeliu kapantea-ra. Uma-ra mpotuku' konoa Alata'ala, mpotuku' kagoea'-ra-wadi.

Yakobus 5:5

Koi' hewa porewua to raruduhi pai' rasumale', apa' hi dunia' toi tuwu' mpomaradika-koi, mpali' kagoea'-ni, tapi' ka'omea-na mpai' bate rahuku'-koi.

1 Petrus 4:3

Apa' hono'-mi-hawo kahae-ni mpobabehi hewa to rababehi tauna to uma mpo'incai Pue'. Nto'u toe, uma katonoa tuwu'-ni, mpotuku'-koi kahinaa-ni to uma lompe', nginu palangu–langu, ntora mosusa', ntora bibo–bibo, pai' mepue'-koi hi pue'–pue' to uma natao rapue'.

Pangila 18:7

To Babel toe hewa hadua tobine to mpakancola woto-na pai' mpobabehi napa konoa-na. Toe pai' kuperapi' bona nisesa' pai' nipakasusa'-ramo hewa toe lau. Molangko lia nono-ra, ra'uli': ’Aku' toi magau' bine. Bela-a tobalu, uma-a mpai' mporata kasusaa'.’