Lukas 12:17 - Buku Tomoroli' Pojanci to Bo'u

¹⁷ Na'uli'-mi hi rala nono-na: ’Napa-le' to kubabehi-e? Uma-pi liu poropo'-ku kupontimamahii wua' polia'-ku.

Lukas 12:17 Iomraidhean Croise

Matius 16:7

Aga uma ra'incai batua-na walatu toe, helee momepololitai moto-ramo, ra'uli': ”Pai' na'uli' hewa toe-le, apa' uma takiwoi ngkeni roti we'i.”

Matius 5:42

Ane ria to mperapii'-ta ba napa–napa, wai'-i-hawo. Pai' neo' takabosii' doo to doko' mpeboloi-ta ba napa–napa.

Lukas 10:25

Ria hadua guru agama Yahudi to doko' mpemai–mai kasala' petompoi' Yesus. Napekune'-i: ”Guru, napa-hawo to kana kubabehi bona mporata-a katuwua' to lompe' duu' kahae–hae-na?”

Lukas 11:41

Napa to hi rala sangkiri' pai' piri-ni wai'-raka to mpe'ahii' tuwu'-ra. Ane hewa toe-mi po'ingku-ni, hawe'ea jadi' moroli' hi koi'.

Lukas 12:16

Ngkai ree, Yesus mpololitai-ra hante hanyala lolita rapa', na'uli': ”Ria hadua topo'ua' to tebua' lompe'-ki polia'-na.

Lukas 12:18

Aa, kurata reke! Kukero lau-di poropo'-ku, pai' kuwangu to meliu kabohe-na, bona hi retu-mi mpai' pontimamahia hawe'ea pae-ku pai' rewa-ku.

Lukas 12:22

Na'uli' Yesus mpo'uli'-raka ana'guru-na: ”Toe pai' ku'uli'-kokoi, neo'-koi sese' mpopekiri tuwu'-ni. Neo' ni'uli': ’Napa-le' to takoni'-e? Napa-le' to tapohea-e?’

Lukas 12:29

Jadi' neo'-koi sese' rahi mpenonoi napa to nikoni' ba napa to ni'inu. Neo'-koi me'eka'.

Lukas 12:33

Toe pai' ku'uli', pobalu'-mi rewa-ni, pai' oli-na wai'-raka tokabu. Babehi-mokoi karepe' to uma bisa moheu'. Batua-na, babehi kehi to lompe'. Apa' kehi to lompe' toe ma'ala rarapai'-ki rewa to nitimamahi hi suruga, to uma ria karontoa-na, apa' uma ria to mpanako pai' uma ria anutuwu' to mposerohi.

Lukas 16:3

”Mokanono-imi topobago toei, na'uli': ’Napa-le' to kubabehi-e? Naleso'-ama mpai' sepu'-ku ngkai bago-ku. Momangki uma kukulei'. Kakarapi'–rapi', me'ea'-a.’

Lukas 16:9

”Toe pai' ku'uli'-kokoi: Kana tapake' ka'uaa' hi dunia' tohe'i mpotulungi doo, bona ane uma-pi mpai' mokalaua ka'uaa' dunia' toi, ratarima lompe'-ta hi po'ohaa' to tida duu' kahae–hae-na.

Lukas 18:22

Mpo'epe toe, na'uli'-mi Yesus: ”Hanyala-pi to kana nubabehi. Pobalu'-mi hawe'ea rewa-nu pai' doi oli-na bagi-raka tokabu. Ane nubabehi hewa toe, bohe mpai' rasi' to nurata hi rala suruga. Oti toe, pai' tumai-moko mpotuku'-a.”

Lukas 19:17

”Na'uli' magau' toei: ’Lompe'-mi, iko pahawaa' to lompe'. Wae-pi, apa' monoa'-ko hi to hangkedi', ku'ongko'-moko jadi' topohawa' to mpohawai' hampulu' ngata.’

Lukas 3:11

Na'uli' Yohanes: ”Hema-koi to rontonga' baju-ni, hantonga' wai'-raka-rawo to uma nakariai. Pai' tauna to ria pongkoni'-ra, bagii-ra-rawo to uma ria pongkoni'-ra.”

Suro 16:30

Nakeni-ramo hilou hi mali-na pai' na'uli'-raka: ”Napa-kuwo to kana kubabehi bona neo'-a mpai' rahuku'?”

Suro 2:37

Kara'epe-na ntodea lolita Petrus toe, soho'-mi nono-ra, pai' mepekune'-ra hi Petrus pai' hi suro Pue' Yesus ntani'-na, ra'uli': ”Ane wae, napa-mi-kaiwo to kana kibabehi?”

Roma 12:13

Tulungi doo hampepangalaa'-ta to hi rala kakuraa'-ra. Jole' metorata.

1 Timotius 6:17

Ane tauna to mo'ua' hi rala dunia' toi, tudui'-ra bona neo' molangko nono-ra pai' neo' ncarumaka rewa dunia', apa' rewa dunia' uma ria katoroa'-na. Agina ncarumaka-ra Alata'ala to mpowai'-ta hawe'ea rasi' hante uma ria huka'-na bona tapokagoe'.

1 Yohanes 3:16

Toi-mi pompetonoi-na bona ta'inca to ra'uli' ahi': Yesus mpewai' tuwu'-na bona kita' mporata kalompea'. Jadi', kita' wo'o kana mpewai' tuwu'-ta mpotulungi ompi'-ta.