Lukas 12:15 - Buku Tomoroli' Pojanci to Bo'u

¹⁵ Oti toe na'uli'-raka tauna to wori': ”Mo'inga'–inga'-koi pai' pelompehi, bona neo'-koi mpokahina ba apa–apa rewa dunia'. Apa' nau' wori' rewa-ta, uma ngkai rewa toe pai' lompe' tuwu'-ta.”

Lukas 12:15 Iomraidhean Croise

Markus 7:22

mobualo', mebagiu, metipo', pai' mpobabehi wori' nyala to dada'a. Mpokahina anu doo, mohingi', molangko nono, nakeni hina nono to dada'a, uma tuduia'.

Lukas 12:16

Ngkai ree, Yesus mpololitai-ra hante hanyala lolita rapa', na'uli': ”Ria hadua topo'ua' to tebua' lompe'-ki polia'-na.

Lukas 16:14

To Parisi mpo'epe hawe'ea lolita Yesus toe. Rapotawai lau-i-wadi, apa' hira' toe-mi to mpokahina doi.

Lukas 21:34

”Mo'inga'–inga'-koi, neo'-koi sese' ntora mosusa' pai' nginu palangu–langu, ba ntora mpenonoi katuwu'-ni hi dunia', alaa-na lempe' moto-koi hi eo karata-ku. Apa' rata ncorobaa-a mpai'.

Lukas 8:14

”Hawua' to monawu' hi laintongo' rui mpobatuai tauna to mpo'epe Lolita Alata'ala, aga ntora mpenonoi katuwu'-ra hi rala dunia', doko' mo'ua' pai' doko' mporata kagoea'. Hawe'ea toe mposesei'-ra, alaa-na uma-ra kaliliu mpotuku' Lolita Alata'ala, pai' uma ria kalaua-na hi katuwu'-ra.

1 Korintus 6:10

topanako, to jampa, topalangu–langu, to mpotipo' doo, topebagiu–tauna to hewa toera, uma-ra jadi' ntodea-na Alata'ala hi rala Kamagaua'-na.

Kolose 3:5

Jadi', apa' mate-tamo hangkaa–ngkania hante Kristus-e, kana tabahaka-mi kehi-ta to mosidai' hante tuwu'-ta to ri'ulu. Neo' mobualo', neo' mogau' sala' ba mpobabehi gau'–gau' to uma tumotoa ntani'-na. Neo' mpokahina to dada'a, neo' mpokahina anu doo. Apa' tauna to mogau' hewa toe, ma'ala ta'uli' mepue'-ra hi napa to rapokahina toe.

2 Timotius 3:2

Apa' wori' mpai' tauna to mpoka'ahi' woto-ra moto-wadi, doko' jadi' topo'ua', mpope'une', molangko nono, pai' mporuge' doo-ra. Uma-ra mengkoru hi totu'a-ra, uma ra'incai motarima kasi, uma-ra mposaile' Alata'ala,

Ibrani 13:5

Neo' wo'o-koi ngkahina rahi doi. Pokagoe'-mi-hana napa to ria hi koi'. Apa' ria lolita Alata'ala to mpo'uli': ”Uma-ko kupelele', uma-ko kupalahii.”

2 Petrus 2:14

Uma rabahakai mponaa tobine doko' rapogaui' sala'. Uma raka'ohai mpobabehi jeko'. Tauna to lente pepangala'-ra ra'opa pai' rapanawu'. Rapo'ihi-mi mpokahina anu doo. Saupa-ra-hanale.

2 Petrus 2:3

Ngkai kampokahina-ra doi, guru–guru to boa' toera mpojarita-kokoi jarita–jarita to ratamangko moto, bona mporata-ra rasi' ngkai koi'. Aga huku'-ra mpolia' mahae-mi naporodo-raka Alata'ala, pai' uma-pi mpai' naderu'–deru' eo karahukua'-ra toe.