Lukas 12:11 - Buku Tomoroli' Pojanci to Bo'u

¹¹ ”Ane rakeni-koi hi tomi posampayaa pai' rapakilu-koi hi topohura agama ba topoparenta sabana petuku'-ni hi Aku', neo'-koi me'eka' ba beiwa mpai' tompoi'-ni ba napa mpai' to kana ni'uli'.

Lukas 12:11 Iomraidhean Croise

Matius 23:34

Ntu'a-ni owi mpopatehi wori' tauna to monoa' ingku-ra, ntepu'u ngkai kampopatehi-ra Habel, tauna to monoa' ingku-na owi, rata–rata hi kampopatehi-ni Zakharia ana' Berekia, to nipatehi hi berewe Tomi Alata'ala hi olo' tomi to moroli' pai' meja' pontunua pepue'. Jadi', hi koi' to tuwu' tempo toi, kupahawa' wo'o mpai' nabi, tauna to pante pai' guru to mpotudui'-koi lolita-ku. Hantongo'-ra mpai' nipatehi, hantongo'-ra niparika', ria wo'o-ra to niweba' hi rala tomi posampayaa-ni, ria wo'o-ra to nidapa' hilou hi ngata–ngata petiboa'-ra. Ka'omea-na mpai', koi' to tuwu' tempo toi-mi to mpokolo hawe'ea kasalaa' totu'a-ni to mpatehi tauna to monoa' owi.

Matius 6:25

”Toe pai' ku'uli'-kokoi: neo'-koi me'eka' ba mpo'uli': ’Napa-le' to takoni'-e pai' to ta'inu-e?’ Neo'-koi me'eka' ba mpo'uli': ’Napa-le' to tapohea-e?’ Apa' tuwu'-ni meliu ngkai pongkoni' pai' pohea.

Matius 6:27

Napa-mi kalaua-na wori' rahi pekiri-ni pai' kakoroa'-ni. Apa' nau' sese' ncuu-ta mpopekiri wori' nyala, uma-ta bisa mpodonihii umuru-ta nau' kampa' hamengi.

Matius 6:28

”Napa pai' sese' rahi-koi mpopekiri pohea-ni? Penonoi-dile katuwu' wunga hi papada-e. Uma-ra mobago, uma-ra mpobabehi pohea-ra.

Matius 6:31

”Toe pai' ku'uli'-kokoi: neo'-koi me'eka' ba mpo'uli': ’Napa-le' to takoni' pai' to ta'inu-e? Napa-le' to tapohea-e?’

Matius 6:34

Jadi', neo'-ta sese' mpopekiri napa to jadi' eo mepulo. Eo toe lau hono'-mi-hawo kasusaa'-na, neo'-pi radonihii tena mpekiri to jadi' hi eo mepulo.

Lukas 12:22

Na'uli' Yesus mpo'uli'-raka ana'guru-na: ”Toe pai' ku'uli'-kokoi, neo'-koi sese' mpopekiri tuwu'-ni. Neo' ni'uli': ’Napa-le' to takoni'-e? Napa-le' to tapohea-e?’