Lukas 12:1 - Buku Tomoroli' Pojanci to Bo'u

¹ Ngkai kamoncobu–ncobu-ra tauna to morumpu doko' mpohilo Yesus, mome'upi'-ra alaa-na momepopongko ngkawiti'. Nto'u toe, Yesus mpololitai ana'guru-na, na'uli': ”Mo'inga'–inga'-koi hi ragi-ra to Parisi. Batua-na, neo' nituku' kehi-ra. Apa' hira' toe lompe' hi mali-na-wadi dada'a moto hi rala nono-ra.

Lukas 12:1 Iomraidhean Croise

Lukas 11:44

Silaka-koi, apa' koi' hewa daeo' to uma ka'incanaa, to uma ria pompetonoi-na. Tauna mpolisa daeo' toe, aga uma ra'incai karia-na anu pope hi rala-na. Lompe'-koi hi mali-na, tapi' dada'a hi rala nono-ni.”

Lukas 12:56

He koi' to lompe' hi mali-na-wadi! Ni'inca lia mpelence tanda hi langi' pai' hi dunia'. Napa-di pai' uma ni'incai mpelence napa to nababehi Pue' Ala tempo toi!

Lukas 5:1

Hangkani, bula-na Yesus mokore hi wiwi' rano Genesaret, wori' tauna mome'upi' doko' mpo'epe Lolita Alata'ala.

Lukas 5:15

Ntaa' molele lau-midi kareba-na hiapa–apa-e, alaa-na mo'iko tauna mpotuku' Yesus doko' mpo'epe lolita-na pai' mpopepaka'uri'.

Lukas 6:17

Oti toe, mana'u-imi Yesus ngkai lolo bulu' hante ana'guru-na, pai'-ra mento'o hi lempe-na. Hi ree, wori'-mi topetuku'-na mpopea-i, pai' wori' lia tauna morumpu. Tauna toera ngkai humalili' tana' Yudea, ngkai ngata Yerusalem pai' ngkai ngata Tirus pai' Sidon to hi wiwi' tahi'.

Suro 21:20

Kara'epe-na pangkeni hi Yerusalem lolita Paulus tohe'e, ra'une'-mi Alata'ala. Ngkai ree, ra'uli'-mi mpo'uli'-ki Paulus: ”Hewa toe, ompi': bona nu'inca, moncobu–ncobu-mi ompi'-ta to Yahudi to mepangala'-mi hi Yesus. Hira' toe, paka' to mpotuku' Atura Musa hante nono mpu'u.

1 Korintus 15:3

Kareba Lompe' to kuparata-kokoi toe ompi', to kutarima wo'o-kuwo. To poko-na mpu'u: Kristus mate mpotolo' jeko'-ta, hewa to te'uki' hi rala Buku Tomoroli'.

Ibrani 12:22

Tapi' koi' ompi'–ompi', uma-koi mponyanyo-pi bulu' to hewa toe. Alata'ala mpololitai-koi ngkai suruga hante wiwi Ana'-na moto-mi. Mponyanyo-koi Bulu' Sion pai' ngata Yerusalem to hi suruga, to napo'ohai' Alata'ala to Tuwu'. Mponyanyo-koi mala'eka to moncobu–ncobu to moromu goe'–goe'.

Yakobus 3:17

Aga ane tauna to mporata mpu'u kanotoa nono ngkai Alata'ala, hewa toi po'ingku-ra: lomo'–lomo'-na moroli' nono-ra. Doko' tuwu' hintuwu'-ra hante doo, mo'olu nono-ra pai'-ra mpotuku' konoa doo. Jau-ra mpotulungi tauna to mpe'ahii', pai' mpobabehi kehi to lompe'. Uma-ra mopahamalia pai' uma-ra turu mpomahapi.

1 Petrus 2:1

Toe pai' kuparesai'-koi ompi': bahaka-mi butu nyala kehi to dada'a pai' hawe'ea lolita-ni to boa'. Neo'-pokoi mebagiu, neo' mohingi', neo' mporuge' doo.