Lukas 11:9 - Buku Tomoroli' Pojanci to Bo'u

⁹ ”Jadi' ku'uli'-kokoi: Perapi'-mi hi Alata'ala, nawai' moto-ta mpai'. Pali' kaparaluua-ta hi Alata'ala, tarata moto mpai'. Neo' tabahakai mpopebea wobo', Alata'ala mpobea moto-taka mpai' wobo'-na.

Lukas 11:9 Iomraidhean Croise

Matius 21:22

Napa–napa to niperapi' hi rala posampaya-ni, ane nipangala', bate nitarima.”

Matius 21:31

Ngkai ree, mepekune'-i Yesus hi pangkeni agama Yahudi, na'uli': ”Jadi', ngkai ana' to rodua toera, hema to mpotuku' hawa' tuama-ra?” Ra'uli' pangkeni to Yahudi toera: ”To lomo'-na.” Na'uli' Yesus: ”Mpu'u ku'uli'-kokoi: tauna topojeko', hewa topesingara' paja' pai' tobine to uma tumotoa gau'-ra, hira' lau-mi to natarima Alata'ala jadi' ntodea-na hi rala Kamagaua'-na, bela koi'.

Matius 6:29

Aga ku'uli'-kokoi: bangku' Magau' Salomo-hawoe' hante hawe'ea ka'uaa'-na, pohea-na uma hewa kancola-na wunga toera lau.

Markus 11:24

Jadi', pe'epei lolita-ku toi: Ane mosampaya-koi mperapi' napa–napa, pangala'-mi-hana kanawai'-nimi Alata'ala napa to niperapi', pai' bate nitarima.

Markus 13:37

Napa to ku'uli'-kokoi tohe'i, ku'uli' wo'o hi hawe'ea tauna: Mo'inga'–inga'-hawoe'!”

Lukas 11:10

Apa' hema to merapi' bate rawai'. Hema to mpali' bate mporata. Hema to mpopebea wobo', bate rabea-ki wobo'.

Yohanes 14:13

Jadi', napa–napa to niperapi' hante hanga'-ku, bate kuwai'-koi, bona to kubabehi toe mpobila' Tuama-ku.

Yohanes 15:16

Bela koi' to mpopelihi-a. Aku'-dile to mpelihi-koie. Kuwai'-koi bago hilou hi rala dunia' bona mowua' wori'. Pai' powua'-ni toe uma mpai' moronto, ria kalaua-na duu' kahae–hae-na. Jadi', napa to niperapi' hi Tuama-ku hante hanga'-ku, bate nawai'-koi.

Yohanes 15:7

Ane tida-koi hintuwu' hante Aku' pai' lolita-ku tida hi rala nono-ni, perapi'-mi-hana hi Alata'ala ba napa–napa konoa-ni, bate nawai'-koile.

Yohanes 4:10

Na'uli' Yesus: ”Ane ke nu'inca kabohe rasi' to nawai' Alata'ala, pai' ane nu'inca-a kahema-ku Aku' to mperapii'-ko ue, tantu merapi' wo'o-ko-kowo hi Aku', pai' kuwai'-ko ue to tuwu'.”

Roma 2:7

Ria tauna to tida mogau' lompe', apa' doko' mporata-ra pe'une', pebila' pai' katuwua' to uma ria ka'otia-na ngkai Alata'ala. Hi tauna to hewa toe Alata'ala mpowai' katuwua' to lompe' duu' kahae–hae-na.

2 Korintus 6:2

Hi rala Buku Tomoroli' owi na'uli' Alata'ala hewa toi: ”Hi tempo to kupakatantu ku'epe pekakae-nu, Kutulungi-moko, kuhore-ko ngkai huku' jeko'-nu.” Ompi'–ompi', ku'uli'-kokoi, tempo toi-mile tempo to napakatantu Alata'ala-e. Ku'uli'-kokoi, hi eo toe-mi lau Alata'ala dota mpohore-koi ngkai huku' jeko'-ni.

Ibrani 11:6

Jadi' monoto-mi ta'inca karia pepangala'-na, apa' uma ria tauna to napokagoe' Alata'ala ane uma-ra mepangala'. Apa' tauna to dota mpomohui' Alata'ala kana mparasaya hewa toi: Alata'ala bate ria, pai' bate nahiwili kehi butu dua tauna to mpu'u–mpu'u mpopali'-i.

Ibrani 4:16

Ngkai toe-mi ompi', neo'-tapa me'eka'. Daho'-tamo rata hi nyanyoa Alata'ala apa' Yesus-mi Imam Bohe-ta. Mai-tamo mpomohui' Alata'ala hi Pohuraa-na to hi suruga, apa' ma'ahi'-i. Mai-ta mpomohui'-i, bona tarasai ahi'-na, pai'-ta natulungi ngkai kabula rala-na, nto'u-na taparaluu.

Yakobus 1:5

Ane ria-ta to uma monoto nono-ta, agina taperapi' kanotoa nono ngkai Alata'ala. Bate nawai' moto-ta mpai' kanotoa nono to taperapi'. Apa' hi butu dua tauna Alata'ala mewai' ngkai kamanara-na, uma-i ria mewai' ngkahuru.

Yakobus 5:15

Ane mosampaya-ra hante nono to mepangala', tauna to peda' bate mo'uri' mpai'. Pue' mpaka'uri'-i, pai' ane ria jeko'-na, ra'ampungi-ki.

1 Yohanes 3:22

pai' napa–napa to taperapi' bate nawai'-ta, apa' tatuku' hawa'-na pai' tababehi napa to mpakagoe' nono-na.

Pangila 2:24

”Aga ria moto-koi hantongo' hi Tiatira to uma mpotuku' tudui' to dada'a toe, uma-koi dota mpo'ao tudui'-na to rahanga' inca seta. Hi koi', ku'uli'-kokoi, uma-pi kutampai parenta ntani'-na.