Lukas 11:49 - Buku Tomoroli' Pojanci to Bo'u

⁴⁹ Aga monoto lia patuju-na Alata'ala, na'uli' hewa toi: ’Kupahawa' mpai' nabi-ku pai' suro-ku hilou hi tauna toera. Hantongo'-ra mpai' rapatehi, hantongo'-ra rasesa'.’

Lukas 11:49 Iomraidhean Croise

Matius 22:6

To ntani'-na wo'o-ra mpohoko' pahawaa' magau' toe, rapao' pai' rapatehi.

Lukas 11:48

Hante pobabehi-ni tetu, nipangaku' moto-mi kanipokono-na kehi ntu'a-ni tetu. Hira' mpatehi nabi to owi, pai' koi' mpakalompe' daeo'-ra.

Lukas 24:47

Pai' hi rala hanga'-ku Kareba Lompe' kana rapalele hi hawe'ea tauna, bona medea-ra ngkai jeko'-ra pai' Alata'ala mpo'ampungi-ra. Kareba toe kana rapalele hi humalili' dunia', ntepu'u ngkai Yerusalem.

Yohanes 16:2

Rapopalai-koi mpai' ngkai tomi posampayaa. Uma muntu' toe, rata mpai' tempo-na ria tauna to doko' mpopatehi-koi, apa' ra'uli'-rana, toe-mi konoa Alata'ala.

Suro 1:8

Sampale-di, mporata-koi mpai' baraka' ane hompo-ipi Inoha' Tomoroli' hi koi'. Nto'u toe mpai', koi' jadi' sabi'-ku hi Yerusalem, hi tana' Yudea pai' Samaria, duu' rata hi humalili' dunia'.”

Suro 11:27

Nto'u toe wo'o, ba hangkuja dua to Kristen ngkai Yerusalem rata hi Antiokhia. To Kristen toera, paka' nabi apa' ria pakulea'-ra mpohowa' lolita Alata'ala.

Suro 22:20

Wae wo'o, hi karapatehi-na sabi'-nu Stefanus, retu wo'o-a-kuwo mpokagoe' karapatehi-na, pai' aku'-mi to mpodongo baju-ra to mpopatehi-i.’

Suro 7:57

Ngkai ree, topohura agama toera mpo'ompo tilinga-ra, pai'-ra mejeu' mpesukui bona neo'-pi ra'epei lolita Stefanus. Karaperapai-nami, rahoko'-i,

Suro 8:3

Hiaa' Saulus-hana, ngasa' mpu'u-i mpobalinai' tauna to mepangala' hi Pue' Yesus. Butu–butu ntomi-na napesua', pai' hema–hema to mepangala' hi Yesus, lompe' tomane lompe' tobine, nahoko' nadii' hilou hi mali-na pai' natonu hi topoparenta bona ratarungku'.

1 Korintus 1:24

Tapi' Alata'ala mpokio' tauna hantongo' jadi' bagia-na. Ria-ra to Yahudi, ria-ra to Yunani. Ane tauna toera mpo'epe Kareba Lompe' pai'-ra mepangala' hi Kristus, ra'inca-mi kabaraka' pai' kanoto nono-na Alata'ala.

1 Korintus 1:30

Muntu' ngkai Alata'ala-hanale pai'-ta mosidai' hante Kristus Yesus-e. Ngkai Kristus Yesus, ta'inca-mi kanoto nono-na Alata'ala: Hi'a-mi to mpomonoa'-ta hi poncilo Alata'ala, napomoroli'-ta jadi' bagia-na, pai' nabahaka-ta ngkai hawe'ea to dada'a.

Efesus 4:11

Kristus toe-imi to mpobagi rasi' hi topetuku'-na: hantongo'-ra nawai' pakulea' jadi' suro-na, hantongo' nawai' pakulea' jadi' nabi to mpohowa' lolita Alata'ala, hantongo' nawai' pakulea' mpopalele Kareba Lompe' hi tauna to ko'ia mpo'epei, pai' hantongo' wo'o nawai' pakulea' jadi' pangkeni to mpewili' pai' to mpotudui' hawe'ea topetuku'-na.

Kolose 2:3

Apa' Kristus toe-imi kunci to mpobea-taka hawe'ea pe'inca pai' kanotoa nono-na Alata'ala to tewuni.

Pangila 16:6

Apa' tauna to hi dunia' toera lou mpopatehi topetuku'-nu, rabowo-mi raa' nabi-nu to wori'. Toe pai' hewa toe lau nubali'-mi ue jadi' raa', nupopo'inui-raka. Toto-na lia-mi tetu-e!”

Pangila 18:20

Goe'-mokoi ihi' suruga, mpokagoe' kamokero-na! Goe'-mokoi topetuku' Alata'ala, suro–suro-na pai' nabi-na! Apa' Alata'ala mpohuku' to Babel, mpehawa-kokoi kehi-ra to dada'a hi koi'.