Lukas 11:45 - Buku Tomoroli' Pojanci to Bo'u

⁴⁵ Hadua guru agama Yahudi mpo'uli'-ki Yesus: ”Guru, hante lolita-nu tetu, kai' wo'o to nusalai'!”

Lukas 11:45 Iomraidhean Croise

Matius 22:35

Hadua ngkai laintongo'-ra, hadua guru agama, mperao mpo'opa petompoi' Yesus hante pompekunea'-na, na'uli':

Lukas 11:46

Mehono' Yesus: ”Silaka wo'o-dakoi guru agama! Apa' nipopokoloi ntodea hante parenta pai' ada to motomo. Hiaa' uma-koi dota mpotulungi-ra ngkolo kinolo toe. Nau' hangkaju karawe-ni uma nihuko-raka.

Lukas 11:52

”Silaka-koi guru agama! Kakoo–kono-na, ke koi'-di to mpotudui' ntodea ohea bona mpo'inca Alata'ala. Ntaa' koi' moto uma dota mpotuku' ohea toe, pai' nilawa' lau wo'o-di tauna to doko' mpotuku'-e.”

Lukas 7:30

Hiaa' to Parisi pai' guru agama-rana, oja'-ra mpotarima patuju Alata'ala hi tuwu'-ra, bo oja'-ra mpopeniu' hi Yohanes.

Yohanes 7:48

Hilo, uma ria hadua pangkeni ba to Parisi to mepangala' hi Yesus.

Yohanes 7:7

apa' uma ria tauna to mpokahuku'-koi. Aku'-e, rapokahuku'-a-kuna tauna to dada'a hi dunia' toi, apa' ntora ku'uli'-raka kadada'a kehi-ra.

Yohanes 9:40

Ba hangkuja dua to Parisi to hi ree mpo'epe lolita-na Yesus. Ra'uli' mpo'uli'-ki Yesus: ”Ha nu'uli'-kona wero wo'o-kai kai'-e?”