Lukas 11:42 - Buku Tomoroli' Pojanci to Bo'u

⁴² ”Silaka-koi to Parisi! Ntahawe' hinu'a to kedi' hewa tarangkada' pai' kula' pai' hinu'a ntani'-na nipopepue' hampobagiahampulu' hi Alata'ala. Hiaa' parenta to bohe, hewa po'ingku to monoa' hi doo-ni pai' ahi' hi Pue' Ala, uma nisaile'. Kakoo–kono-na, ke parenta to bohe toe-hanale to kana nituku'-e, pai' neo' wo'o nilipo' mpotuku' parenta to kedi'.

Lukas 11:42 Iomraidhean Croise

Matius 23:13

”Pai' koi' guru agama pai' to Parisi! Bate mporata silaka-koi mpai'! Lompe' hi mali-na-wadi-koi! Tauna to doko' jadi' ntodea Alata'ala, nitagi-ra. Koi' moto uma dota jadi' ntodea-na Alata'ala, pai' tau ntani'-na to doko' jadi' ntodea-na, nihalawai' lau-rada. [

Matius 23:23

”Silaka-koi, guru agama pai' to Parisi! Lompe' hi mali-na-wadi-koi! Ntahawe' hinu'a to kedi', hewa tarangkada', ngkoromonyi' pai' wunga bonea, nipopepue' hampobagiahampulu' hi Alata'ala. Hiaa' parenta hi rala Atura Pue' to bohe mpu'u, hewa po'ingku to monoa', ma'ahi' hi doo, pai' mpo'ihii' janci, uma nisaile'. Kakoo–kono-na, ke parenta to bohe toe-hanale to kana nituku'-e, pai' neo' wo'o nilipo' mpotuku' parenta to kedi'.

Matius 23:27

”Silaka-koi, guru agama pai' to Parisi! Lompe' hi mali-na-wadi-koi! Hewa daeo' to rasapuru' bula-koi: hi mali-na lompe'-damo hiloa-na, hiaa' bo hi rala-na paka' wuku kiu pai' wori' nyala to merungkui.

Lukas 18:12

Aku', mopuasa'-a rongkani rala-na hamingku. Pai' hampobagiahampulu' ngkai hawe'ea pomporataa-ku kuwai'-koko Pue'.’

Yohanes 5:42

Apa' ku'inca moto-koi, ka'uma-na ria ahi'-ni hi Alata'ala.

1 Yohanes 4:20

Tauna to mpo'uli': ”Kupoka'ahi'-i Alata'ala,” pai'-i mpokahuku' moto ompi'-na, boa'-i-tawo'. Apa' ane uma-i mpoka'ahi' ompi'-na to nahilo, peliu–liu-nami Alata'ala to uma nahiloi.