Lukas 11:41 - Buku Tomoroli' Pojanci to Bo'u

⁴¹ Napa to hi rala sangkiri' pai' piri-ni wai'-raka to mpe'ahii' tuwu'-ra. Ane hewa toe-mi po'ingku-ni, hawe'ea jadi' moroli' hi koi'.

Lukas 11:41 Iomraidhean Croise

Matius 26:11

Apa' tokabu-hana, ria oa' loga-ni mpotulungi-ra apa' ria oa'-ra doo-ni. Aga Aku', uma-a mpai' ria oa' doo-ni.

Matius 5:42

Ane ria to mperapii'-ta ba napa–napa, wai'-i-hawo. Pai' neo' takabosii' doo to doko' mpeboloi-ta ba napa–napa.

Markus 7:19

Apa' pongkoni' toe, uma mesua' hi rala nono-ta. Mesua' hi ta'i-ta-wadi, pai' ngkai ree kaliliu tatadi.” Hante lolita-na toe, Yesus mpakanoto ka'uma-na ria pongkoni' to rapalii'.

Lukas 12:33

Toe pai' ku'uli', pobalu'-mi rewa-ni, pai' oli-na wai'-raka tokabu. Babehi-mokoi karepe' to uma bisa moheu'. Batua-na, babehi kehi to lompe'. Apa' kehi to lompe' toe ma'ala rarapai'-ki rewa to nitimamahi hi suruga, to uma ria karontoa-na, apa' uma ria to mpanako pai' uma ria anutuwu' to mposerohi.

Lukas 16:9

”Toe pai' ku'uli'-kokoi: Kana tapake' ka'uaa' hi dunia' tohe'i mpotulungi doo, bona ane uma-pi mpai' mokalaua ka'uaa' dunia' toi, ratarima lompe'-ta hi po'ohaa' to tida duu' kahae–hae-na.

Lukas 18:22

Mpo'epe toe, na'uli'-mi Yesus: ”Hanyala-pi to kana nubabehi. Pobalu'-mi hawe'ea rewa-nu pai' doi oli-na bagi-raka tokabu. Ane nubabehi hewa toe, bohe mpai' rasi' to nurata hi rala suruga. Oti toe, pai' tumai-moko mpotuku'-a.”

Lukas 19:8

Bula-na Pue' Yesus hi tomi Zakheus, mokore-imi Zakheus mpo'uli'-ki: ”Pue', bagi ntongo' ngkai rewa-ku kuwai'-raka tokabu, pai' hema–hema to kubagiu, kupoponculi' opo' ngkani ngkai to kubagiu-raka.”

Suro 10:15

Na'uli' tena topololita toei mpo'uli'-ki Petrus: ”Napa to na'uli' Alata'ala lompe', neo' nu'uli' iko babo'.”

Suro 11:29

Mpo'epe toe, mohawa'-ramo topetuku' Yesus hi Antiokhia doko' mpotulungi ompi' hampepangalaa'-ra to hi tana' Yudea. Jadi', butu–butu dua-ra mpowai' doi ntuku' pakulea'-ra,

Suro 24:17

”Ba hangkuja mpae-mi, uma-a ria hilou hi Yerusalem. Tapi' bo'u toi, hilou-a hi Yerusalem, mpokeni doi petulungi hi ompi'-ku to Yahudi pai' mpokeni pepue'-ku hi Alata'ala.

2 Korintus 8:12

Apa' ane ria nono-ta mewai', pai'-ta mewai' ntuku' napa-hawo to ria hi kita', goe'-i Alata'ala mpodoa pewai'-ta toe. Uma-i mperapi' pewai' to meliu ngkai pakulea'-ta.

Efesus 4:28

Tauna to biasa manako, neo'-pi-hawo manako oa'. Agina mobago-ra hante pale-ra moto mpali' pongkoni'-ra, bona ma'ala-ra mpobagii doo to nakakurai'.

Titus 1:15

Hi tauna to moroli' nono-ra, uma ria napa–napa to rapalii'. Aga tauna to dada'a nono-ra pai' to uma mepangala', uma ria to moroli', apa' bengku' ami'-mi pekiri-ra, pai' rapo'ihi moto-mi gau'-ra to dada'a, duu'-na uma-pi rarasai kamasala'-ra.

Ibrani 13:16

Neo' tabahakai mpobabehi gau' to lompe' pai' mewai' hi doo, apa' toe-mi pepue' to napokono Alata'ala.

Ibrani 6:10

Alata'ala bate monoa'-i. Uma nalipo' bago-ni to nipobago-ki pai' ahi'-ni mpoka'ahi'-i. Monoto kampoka'ahi'-ni Alata'ala, apa' wori' petulungi-ni hi himpau ompi' hampepangalaa'-ni, lompe' hi tempo to timpaliu-mi, lompe' hi tempo toi.

Yakobus 1:27

Ane po'ingku tauna to mo'agama mpu'u hante uma ria pebagiua-na ba kasalaia'-na hi poncilo Alata'ala to Tuama, hewa toi: mpewili' ana' ilu pai' tobalu to mpe'ahii' tuwu'-ra, pai' neo' mpotuku' gau'-ra to uma mpo'incai Alata'ala.