Lukas 11:4 - Buku Tomoroli' Pojanci to Bo'u

⁴ Ampungi jeko'-kai, apa' kai' wo'o mpo'ampungi hawe'ea tauna to masala' hi kai'. Pai' neo'-kai nupelele' rasori.”

Lukas 11:4 Iomraidhean Croise

Matius 18:35

Napohudu Yesus lolita rapa' toe, na'uli': ”Wae wo'o Tuama-ku to hi rala suruga mpobabehi hi koi'-e, ane uma-koi mpo'ampungi doo-ni ngkai nono-ni mpu'u.”

Matius 26:41

Mojaga pai' mosampaya-mokoi bona neo'-koi mporata pesori. Hi rala nono-ni dota moto-koi mpobabehi to makono, aga uma nidadahi apa' manusia' bate lente.”

Lukas 11:5

Na'uli' wo'o-mi Yesus mpo'uli'-raka ana'guru-na: ”Rapa'-na hilou-ta hi doo-ta mentongo' bengi pai' ta'uli'-ki: ’Bale, wai'-a-kuwo pongkoni' tolu mputu'.

Lukas 13:4

Wae wo'o to hampulu' walu to mate nadungkahi tomi to molangko hi Siloam. Apa' oo-raka kamate-rae, meka' ba lue' ni'uli' melabi-rana sala'-ra ngkai hawe'ea to Yerusalem?

Lukas 22:46

Na'uli'-raka: ”Napa-di pai' leta'-koie! Memata-mokoi pai' mosampaya bona neo'-koi mporata pesori.”

Lukas 8:13

”Hawua' to monawu' hi watu mpobatuai tauna to mpo'epe Lolita Alata'ala pai' ratarima hante goe' nono-ra. Mepangala' moto-ra, aga pepangala'-ra tetu uma moroho, hewa hinu'a to uma morali'. Toe pai' ane rata-damo pesori, mo'ungkere'-ramo, uma-rapa mepangala'.

Yohanes 17:15

Uma kuperapi' bona nu'ala'-ra ngkai dunia' tohe'i. Pomperapia'-ku, bona nupetalawai'-ra ngkai anudaa'.

1 Korintus 10:13

Butu nyala pesori to mporumpa'-ta, pesori to biasa jadi' hi manusia'. Tapi' Alata'ala ngkiwoi oa' janci-na hi kita': uma-ta napelele' rasori meliu ngkai pakulea'-ta. Nto'u-ta narumpa' pesori, nawai' oa'-ta ohea mpetiboi' pesori toe, bona moroho-ta mpengkatarii.

Kolose 3:13

Neo' ntima' sala' doo ba mowuku nono hi doo. Ampungi doo to masala' hi kita'. Hewa Pue' mpo'ampungi sala'-ta, wae wo'o kita' kana mpo'ampungi doo-ta to masala' hi kita' hante karoli' nono-ta.

2 Tesalonika 3:3

Aga uma molaka' pompewili'-na Pue' Yesus hi koi'. Narohoi nono-ni pai' napetalawai'-koi ngkai to dada'a.

2 Timotius 4:18

Wae wo'o mpai' to jadi' tempo toi. Nau' ba rapatehi mpu'u-a mpai', Pue' bate mpobahaka-a ngkai hawe'ea to dada'a, pai' nakeni-a mesua' hi rala Kamagaua'-na hi suruga hante uma kura' napa–napa. Tapomobohe-mi hanga'-na duu' kahae–hae-na. Amin!

Yakobus 2:13

Apa' tauna to uma ria ahi'-na hi doo-na, Pue' mpai' mpohuku'-i hante uma ria ahi'-na. Aga hi tauna to ma'ahi' hi doo-na, Pue' wo'o mpai' mpopohiloi-i ahi'-na hi eo pehukua'.

Pangila 2:10

Bona ni'inca: Magau' Anudaa' mpotarungku'-koi mpai' hantongo', nasori-koi bona ngalai' ngkala'ura-koi ngkai pepangala'-ni. Rabalinai'-koi hampulu' eo kahae-na. Aga neo' nipoka'eka' pebalinai' tetu. Tida-koi mpangaku'-a duu'-ni mate, pai' kuwai'-koi katuwua' to lompe' duu' kahae–hae-na, parasee ngkai pedagia-ni.

Pangila 3:10

Lawi' nituku'-mi hawa'-ku to mpo'uli' kana ntaha-koi, toe pai' kupetalawai'-koi ngkai kasusaa' to mporumpa' humalili' dunia' mpai'. Tempo kasusaa' toe mposori hawe'ea tauna to mo'oha' hi dunia'.