Lukas 11:39 - Buku Tomoroli' Pojanci to Bo'u

³⁹ Toe pai' Pue' Yesus mpo'uli'-ki: ”Koi' to Parisi-le hewa tauna to mpobohoi' sangkiri' pai' piri hi mali-na-wadi, hiaa' hi rala-na babo' moto. Ada agama to kahiloa hi mali-na nituku' lia, hiaa' hi rala nono-ni, dada'a-koi pai' mpokahina anu doo-koi.

Lukas 11:39 Iomraidhean Croise

Matius 15:19

Apa' ngkai rala nono pehupaa' pekiri to dada'a, pai' alaa-na ria to mepatehi, mobualo', mogau' sala' hi tobine ba tomane, manako, mosabi' boa' pai' metipo'.

Matius 7:15

”Mo'inga'–inga'-koi, apa' ria tauna to mpo'uli', nabi-ra. Ntaa' boa'-radi. Hiloa-ra hewa tauna to mepangala' hi Alata'ala. Tapi' patuju-ra doko' mpokero pepangala' doo-wadi.

Lukas 16:15

Yesus mpo'uli'-raka: ”Koi' tetu-mi mpemanoa' po'ingku-ni hi poncilo manusia'. Aga Alata'ala mpo'inca ihi' nono-ni. Apa' napa to rabila' manusia', napokahuku' Alata'ala.

Lukas 7:13

Kanahilo-na Pue' Yesus tobine toei, metumu'-mi ahi'-na pai' na'uli'-ki: ”Neo'-pi-hawo geo'!”

Lukas 7:19

pai' nahubui-ra hilou hi Pue' Yesus, na'uli'-raka: ”Hilou-mokoi hi Yesus pai' uli'-ki retu: ’Ba Iko-mi Magau' Topetolo' to najanci Alata'ala, ba ria-pidi to ntani'-na to kipopea?’ ”

Yohanes 12:6

Kakoo–kono-na, Yudas uma kamposaile'-na mpu'u tokabu. Api' katomanako-nadi! Apa' hi'a to ntimamahi doi-ra, pai' pontu-na na'ala' bongo.

Yohanes 13:2

Yesus pai' ana'guru-na ngkoni'-ra ngkabengia. Magau' Anudaa' mpowara' Yudas ana' Simon Iskariot, mpo'usoki-i mpobalu' Yesus hi bali'-na.

Suro 5:3

Na'uli' Petrus mpo'uli'-ki Ananias: ”Napa-di-kona pai' nupelele' Magau' Anudaa' mpokuasai nono-nue, doko' mpakawa' Inoha' Tomoroli'-e? Nu'uli' doi oli tana'-nu nutonu omea-mi, ntaa' nutimamahi moto-di-kona hantongo'-e!

2 Timotius 3:5

Ane gau' to rahilo doo, mpotuku' moto-ra ada agama hewa tauna to mengkoru hi Alata'ala. Tapi' kuasa Alata'ala to ma'ala mpobalii' nono-ra, rasapuaka lau-wadi-rana. Neo' nuposigalo-raka tauna to hewa toe gau'-ra.

Titus 1:15

Hi tauna to moroli' nono-ra, uma ria napa–napa to rapalii'. Aga tauna to dada'a nono-ra pai' to uma mepangala', uma ria to moroli', apa' bengku' ami'-mi pekiri-ra, pai' rapo'ihi moto-mi gau'-ra to dada'a, duu'-na uma-pi rarasai kamasala'-ra.

Yakobus 4:8

Mohui'-imi Alata'ala, pai' Hi'a wo'o mpomohui'-koi. Koi' to mojeko', bahakai-mi mpobabehi jeko'. Koi' to morompenga nono-ni, pomoroli' nono-ni.