Lukas 11:34 - Buku Tomoroli' Pojanci to Bo'u

³⁴ Mata-ta ma'ala rarapai'-ki hulu'. Ane lompe' mata-ta, monoto pehilo-ta. Aga ane mogawu mata-ta, hewa mobengi pehilo-ta.

Lukas 11:34 Iomraidhean Croise

Markus 4:12

bona madupa'-mi lolita Buku Tomoroli' to mpo'uli': ’Pe'epe moto-ra, aga uma oa' ra'incai batua-na. Pehilo moto-ra, aga hewa to uma oa' monoto rahiloi. Jadi', uma oa'-ra nculii' hi Alata'ala, pai' jeko'-ra uma te'ampungi.’ ”

Markus 7:22

mobualo', mebagiu, metipo', pai' mpobabehi wori' nyala to dada'a. Mpokahina anu doo, mohingi', molangko nono, nakeni hina nono to dada'a, uma tuduia'.

Lukas 11:35

Wae wo'o-hawo hante nono-ta. Kana tapelompehi mpu'u: ane Pue' mpobajahi nono-ta, neo' tapomobengi nculii'.

Suro 13:11

Wae lau, hilo pe'! Pue' mpohuku'-ko! Ngkai wae lau wero-ko, uma-poko pehilo ba hangkuja eo kahae-na!” Hinto'u toe, Elimas mporasai ria to mo'eta hewa rangahu mpoleru mata-na, alaa-na mogao'–gao'-i-damo mpopali' tauna mpotete'-i.

Suro 2:46

Butu eo-na morumpu-ra hi Tomi Alata'ala. Mpopihe–pihe-ra roti mpokiwoi kamate-na Pue' Yesus, pai' ngkoni'-ra hangkaa–ngkania hi rala tomi-ra hante goe' pai' karoli'–roli' nono-ra.

Suro 26:18

Kusuro-ko hilou mpobini' mata-ra, pai' mpotete'-ra ngkai kabengia-na tumai hi kabajaa-ku; bona tebahaka-ra ngkai kuasa Magau' Anudaa' pai' nakuasai-ramo Alata'ala; bona te'ampugi jeko'-ra pai' jadi'-ramo bagia Alata'ala sabana pepangala'-ra hi Aku'.’

2 Korintus 1:12

Bohe nono-kai ompi', apa' ki'inca kamoroli' mpontolumanu'-na nono-kai. Monoa' po'ingku-kai hi hawe'ea tauna, peliu–liu-nami po'ingku-kai hi koi'. Hawe'ea to kibabehi, uma ria to kiwunii', monoa' patuju-kai, bate ntuku' konoa Alata'ala. Po'ingku-kai uma ntuku' kapantea manusia', mo'ingku-kai ntuku' petulungi-na Alata'ala hi kai'.

2 Korintus 11:3

Aga koro'-a toi-e, nee–neo' mpai' ria to mpobagiu-koi alaa-na uma-koi tida mepangala' hi Kristus hante karoli'–roli' nono-ni. Hewa Hawa owi nasori ule hante lolita-na to mo'olu, wae wo'o ria to doko' mposori-koi mpotuku' tudui' to mosisala hante pepangala'-ni hi Kristus.

2 Korintus 4:4

Noto anudaa' to mpokuasai dunia' toi mpohilingai'-ra, bona neo'-ra mpangalai' Kareba Lompe'. Baja ngkai Kareba Lompe' uma mpobajahi nono-ra. Jadi', uma oa' ra'incai kabohe tuwu'-na Kristus, to hibalia tuwu'-na hante Alata'ala.

Efesus 1:17

Mekakae-a hi Alata'ala, Tuama-na Pue'-ta Yesus Kristus pai' Tuama-ta to bohe hanga'-na, kuperapi' bona nanotohi nono-ni hante baraka' Inoha' Tomoroli', duu'-na ni'inca mpu'u-i Alata'ala.

Efesus 6:5

Ompi'–ompi'-ku to rapobatua, tuku' hawa' maradika-ni hi rala dunia' toi. Bila' pai' pengkorui-ra ngkai kabula nono-ni. Toe nibabehi hewa pengkoru-ni hi Kristus.

Kolose 3:22

Ompi'–ompi' to tuwu' batua, tuku' hawe'ea hawa' maradika-ni to hi dunia' toi. Neo' nituku' hawa'-ra nto'u-ni rahilo-wadi apa' kadoko'-ni ra'une'-wadi. Tuku' hawa'-ra ngkai kabula nono-ni, hewa pengkoru-ni hi Pue'.