Lukas 11:29 - Buku Tomoroli' Pojanci to Bo'u

²⁹ Nto'u tauna to wori' mpotipuhi Yesus, napokaliliu lolita-na, na'uli': ”Dada'a lia tauna to tuwu' tempo toi. Merapi'-ra bona kupopohiloi-ra tanda mekoncehi. Aga uma hanyalaa tanda mekoncehi to rapopohiloi-raka. Sampale to rapopohiloi-raka mpai', tanda hewa to jadi' hi nabi Yunus owi.

Lukas 11:29 Iomraidhean Croise

Lukas 11:16

Ria wo'o-ra hantongo' to doko' mposori Yesus. Merapi'-ra hi Yesus bona napopohiloi-ra anu mekoncehi bona monoa' ra'inca kangkai Alata'ala-na mpu'u-i.

1 Korintus 1:22

To Yahudi, uma-ra dota mepangala' ane uma kipopohiloi-ra tanda mekoncehi. Hiaa' to Yunani-hawo, uma-ra dota mepangala' ane uma kipakanoto-raka hante kapantea manusia'.

Lukas 12:1

Ngkai kamoncobu–ncobu-ra tauna to morumpu doko' mpohilo Yesus, mome'upi'-ra alaa-na momepopongko ngkawiti'. Nto'u toe, Yesus mpololitai ana'guru-na, na'uli': ”Mo'inga'–inga'-koi hi ragi-ra to Parisi. Batua-na, neo' nituku' kehi-ra. Apa' hira' toe lompe' hi mali-na-wadi dada'a moto hi rala nono-ra.

Yohanes 8:44

Magau' Anudaa'-hanale tuama-nie! Pai' doko' oa'-koi mpotuku' konoa tuama-ni tetu. Ngkai lomo'-na, topepatehi ami'-imi. Uma-i ria mpo'uli' napa to makono, apa' uma ria napa–napa to makono hi hi'a. Ane moboa'-i, gati-nami-hana, apa' topoboa' ami'-i, pai' hawe'ea tauna to moboa' mpo'uhi kehi-na.

Yohanes 6:30

Ra'uli' wo'o-mi ntodea: ”Ane wae, tanda napa to nupopohiloi-kakai, bona kipangala'-ko kangkai Alata'ala-na mpu'u-ko? Napa to nubabehi?

Yohanes 2:18

Ngkai ree, topoparenta to Yahudi mpo'uli'-ki Yesus: ”Napa ntoto-kowo huraa-nu mpobabehi tetu-e? Ane ria mpu'u huraa-nu, popohiloi-kai tanda mekoncehi!”

Lukas 11:50

Ka'omea-na mpai', koi' to tuwu' tempo toi rahuku' sabana hawe'ea nabi to rapatehi ngkai lomo' kajadi' dunia',

Lukas 9:41

Na'uli' Yesus: ”Uma mowo-koie'! Ko'ia oa'-tano mepangala'-koie! Mesapuaka oa'-pidi-koi mposapuaka konoa Alata'ala! Ni'uli'-koina hangkuja tena-pi kahae-ku dohe-ni, hangkuja tena-pi kahae-na kupengkatarii kalente pepangala'-nie! Keni tumai ana'-nu!”

Markus 8:38

”Mo'oha'-koi hi laintongo' tauna to dada'a pai' to uma mpotuku'-a. Aga hema to me'ea' mpangaku' petuku'-na hi Aku' pai' mpoka'ea' tudui'-ku, Aku' wo'o mpai' me'ea' mpangaku' kahi'a-na topetuku'-ku ane rata-apa mpai' ngkai suruga. Nto'u toe mpai', Aku' Ana' Manusia' mana'u tumai hante mala'eka–mala'eka to moroli', mehini-a hante baraka'-na Tuama-ku.”

Matius 3:7

Wori' wo'o pangkeni agama Yahudi to rahanga' to Parisi pai' to Saduki tumai mpopeniu' hi Yohanes. Kanahilo-ra rata, na'uli'-raka: ”He koi' to bengku' gau'-ni! Napa pai' tumai mpopeniu'-koie? Ba ni'uli'-koina, ma'ala mpai' nipasalewa roe Alata'ala to neo' mporumpa'-koi!