Lukas 11:22 - Buku Tomoroli' Pojanci to Bo'u

²² Aga ane tumai hadua to meliu karoho-na mpo'ewa-i pai' mpodagi-i, nahagoi-i hawe'ea rewa panga'e-na to nasarumaka pai' nabagi–bagi ihi' tomi-na hi doo–doo-na. Jadi', ane Aku' mpopalai seta, batua-na meliu kuasa-ku ngkai seta.

Lukas 11:22 Iomraidhean Croise

Lukas 11:21

”Seta ma'ala rarapai'-ki tauna to parimuku. Ane tauna to parimuku mpodongo tomi-na hante rewa panga'e-na, uma moapa ihi' tomi-na.

Lukas 11:23

”Hema to uma tono' hi Aku', kakono-na bali'-ku-imi. Hema to uma mpotulungi-a mobago, hi'a to mpobalinai' bago-ku.

Efesus 6:11

Henta-mi hawe'ea rewa mpanga'e to naporodo-taka Alata'ala, bona moroho pokore-ta mpo'ewa akala–akala Magau' Anudaa'.

Efesus 6:13

Ngkai toe-mi, henta-mi hawe'ea rewa mpanga'e to ngkai Alata'ala, bona ane rata eo panga'ea, tapakule' moto mpai' mpo'ewa perumpa'–perumpa' bali', bona rata hi kahudua panga'ea, bate moroho oa' pokore-ta.

Kolose 2:15

Nto'u Kristus rapatehi hi kaju parika', nadagi-mi hawe'ea anudaa' to mokuasa pai' to mobaraka', pai' napalele pedagia-na toe hante kanoto–noto-na.

1 Yohanes 3:8

Tauna to mpobabehi jeko' oa', napo'ana' Magau' Anudaa'-ra. Apa' Magau' Anudaa', topojeko' ngkai lomo'-na ami'-imi-hana. Toi-mi patuju-na Ana' Alata'ala mehupa' hi dunia', bona mpogero bago-na Magau' Anudaa'.

1 Yohanes 4:4

Aga koi' ana'-ku, napo'ana' Alata'ala-mokoi, pai' nidagi-ramo nabi to boa' toera, apa' Noto to ria hi rala nono-ni meliu kabaraka'-na ngkai noto to hi rala nono-ra to uma mepangala' hi Pue'.