Lukas 11:2 - Buku Tomoroli' Pojanci to Bo'u

² Na'uli' Yesus mpo'uli'-raka: ”Ane mosampaya-koi, uli' hewa tohe'i: Mama, pomperapia'-kai bona hawe'ea tauna mpobila' hanga'-nu to moroli', bona Iko jadi' Magau' hi dunia'.

Lukas 11:2 Iomraidhean Croise

Matius 10:32

”Hema–hema to mpangaku' hi doo kahi'a-na topetuku'-ku, hi'a wo'o mpai' kupangaku' hi Tuama-ku to hi rala suruga, ku'uli': ’Tau toei topetuku'-ku.’

Matius 3:2

na'uli'-raka: ”Medea-mokoi ngkai jeko'-ni, apa' neo' rata-mi tempo-na Alata'ala jadi' Magau' hi dunia'.”

Matius 5:16

Wae wo'o baja to hi rala nono-ni neo' niwuni. Kana lompe' kehi-ni, bona hawe'ea tauna mpohilo, alaa-ra mpo'une' Tuama-ni to hi rala suruga.

Lukas 11:1

Hangkani Yesus mosampaya. Kahudu-na mosampaya, hadua ana'guru-na mpo'uli'-ki: ”Pue', tudui' wo'o-ka-kaiwo mosampaya, hewa Yohanes Topeniu' mpotudui' ana'guru-na.”

Roma 1:7

Toe pai' kupakatu sura toi hi hawe'ea to Kristen hi Roma. Nape'ahi'-mokoi Alata'ala pai' nakio'-koi jadi' topetuku'-na to moroli'. Wori' tabe: mekakae-a hi Alata'ala Tuama-ta pai' hi Pue' Yesus Kristus bona nagane'-koi ngkai kabula rala-na pai' nawai'-koi kalompea' tuwu'.

Roma 8:15

Ri'ulu, bula-ta tehoo'-pidi hi Atura Pue', me'eka'-ta mpoka'eka' pehuku'-na Alata'ala. Aga hewa toe lau, uma-tapa me'eka', apa' mporata-tamo Inoha' Tomoroli'. Apa' Inoha' Tomoroli' toei mpopajadi'-ta ana'–ana'-na Alata'ala. Pai' ngkai kuasa Inoha' Tomoroli' toei, kita' mpo'uli'-ki Alata'ala: ”O Mama! O Tuama-ku!”

1 Korintus 1:3

Wori' tabe: mekakae-a hi Alata'ala Tuama-ta pai' hi Pue' Yesus Kristus, bona nagane'-koi ngkai kabula rala-na pai' nawai'-koi kalompea' tuwu'.

2 Korintus 1:2

Wori' tabe: mekakae-kai hi Alata'ala Tuama-ta pai' Pue' Yesus Kristus bona nagane'-koi ngkai kabula rala-na pai' nawai'-koi kalompea' tuwu'.

Galatia 1:4

Pue' Yesus mpewai' woto-na rapatehi mpotolo' jeko'-ta, bona nabahaka-ta ngkai kuasa dunia' to dada'a toi. Nababehi toe ntuku' konoa Alata'ala Tuama-ta.

Efesus 1:2

Wori' tabe: mekakae-a hi Alata'ala Tuama-ta pai' Pue' Yesus Kristus, bona nagane'-koi ngkai kabula rala-na pai' nawai'-koi kalompea' tuwu'.

Filipi 1:2

Wori' tabe: mekakae-kai hi Alata'ala Tuama-ta pai' hi Pue' Yesus Kristus bona nagane'-koi ngkai kabula rala-na pai' nawai'-koi kalompea' tuwu'.

Filipi 4:20

Une'-mi Alata'ala Tuama-ta duu' kahae–hae-na. Amin.

Kolose 1:2

kipakatu tilou hi koi' ompi' hampepangalaa'-kai to hi Kolose, to napobagia-mi Alata'ala pai' to mepangala'-mi hi Kristus. Wori' tabe: mekakae-kai hi Alata'ala Tuama-ta, kiperapi' bona nagane'-koi ngkai kabula rala-na pai' nawai'-koi kalompea' tuwu'.

1 Tesalonika 1:1

Sura toi ngkai kai' tau tolu: Paulus, Silas pai' Timotius, kipakatu tilou hi koi' ompi'–ompi' hampepangalaa'-kai to hi Tesalonika, to mepue'-mi hi Alata'ala to Tuama pai' hi Pue' Yesus Kristus! Wori' tabe: mekakae-kai hi Alata'ala bona nagane'-koi ngkai kabula rala-na pai' nawai'-koi kalompea' tuwu'.

1 Tesalonika 1:3

Ane mosampaya-kai hi Alata'ala Tuama-ta, kikiwoi oa' pobago-ni to nipobago sabana pepangala'-ni, pai' kikiwoi wo'o petulungi-ni hi doo sabana ahi'-ni, pai' kikiwoi kantaha-ni hi rala pebalinaia' apa' ncarumaka-koi hi karata-na nculii' Yesus Kristus Pue'-ta.

2 Tesalonika 2:16

Alata'ala mpopohiloi-tamo ahi'-na, pai' napakaroho nono-ta duu' kahae–hae-na pai' nawai'-ta poncarumakaa to lompe' sabana kabula rala-na. Toe pai' mekakae-a hi Pue'-ta Yesus Kristus hante Alata'ala Tuama-ta

Pangila 11:15

Mala'eka kapitu-na mpotuwui' sangkakala-na. Kamogora-rami topololita hi suruga. Bohe mpu'u moni nganga-ra, ra'uli': ”Hewa toe lau, hawe'ea kamagaua' hi dunia' majadi' Kamagaua'-na Pue'-ta, pai' Kamagaua'-na Magau' Topetolo' to napelihi-mi. Moparenta-i duu' kahae–hae-na.”

Pangila 15:4

Hema to uma mpengkorui-ko Pue'! Hema to uma mpangaku' kabohe tuwu'-nu! Apa' Iko-wadi to moroli'-e. Hawe'ea manusia' bate kana tumai mponyompa-ko, Apa' ra'inca kamonoa' pobotuhi-nu hi hawe'ea kara–kara.”

Pangila 19:6

Oti toe, ku'epe wo'o to hewa pogora tauna to wori' lia. Pogora-ra toe hewa kapagugu' ue to bohe, pai' hewa pomoni kuna to bohe. Ku'epe-ra mpo'uli': ”Haleluya! Apa' moparenta-imi Pue'-ta, Pue' Alata'ala! Meliu kuasa-na ngkai hawe'ea.

Pangila 20:4

Oti toe kuhilo ba hangkuja pohuraa, pai' tauna to mpohurai pohuraa toe rawai' kuasa mpobotuhi kara–kara. Kuhilo wo'o rate–rate tauna to rapata' wuroko'-ra apa' mpangaku'-ra kaYesus-na Pue'-ra pai' mpangala'-ra Lolita Alata'ala. Tauna toera, uma-ra-rana mponyompa binata to dada'a ba pinotau-na, uma wo'o-ra mpotarima tanda binata toe hi wingke-ra ba hi pale-ra. Hira' toe tuwu' nculii' pai' moparenta hangkaa–ngkania hante Kristus rala-na hancobu mpae.