Lukas 11:19 - Buku Tomoroli' Pojanci to Bo'u

¹⁹ Aga ria wo'o doo-ni moto to mpopalai seta. Hante kuasa napa doo-ni tetu mpopalai seta? Tantu hante kuasa Alata'ala. Jadi', ngkai pobabehi doo-ni moto, monoto-mi kamasala' pebalihi-ni tetu.

Lukas 11:19 Iomraidhean Croise

Matius 10:25

Biasa-na ana' sikola mpotuku' kehi guru-na, pai' batua mpotuku' kehi maradika-na. Jadi', pelompehi, apa' Aku' Pue'-ni, pai' koi' topetuku'-ku. Ane Aku' rahanga' Beelzebul, magau' hawe'ea seta, peliu-nami koi' to mpotuku'-a. Bate raruge' wo'o-koi mpai'.

Matius 4:24

Pobago-na Yesus toe tetolele hi hawe'ea ngata hi propinsi Siria, alaa-na wori' tauna tumai doko' mpohirua'-ki. Mpokeni-ra hawe'ea doo-ra to mpotodohaka to wori' nyala haki'-ra pai' kasusaa'-ra, ba to nahawi' seta, ba to limpuangaa ba to pungku. Napaka'uri'-ra omea.

Lukas 19:22

”Na'uli' magau' mpo'uli'-ki: ’Iko pahawaa' to dada'a! Ane nu'inca kasoa-ku, ane nu'inca kampepae-ku to bela hinu'a-ku, pai' kampo'ala'-ku to uma kukarokoi,

Lukas 9:49

Na'uli' Yohanes: ”Guru, ria kihilo hadua tauna mpopalai seta hante hanga'-nu, aga kitagi-i apa' bela-i topetuku'-ta.”

Suro 19:13

Nto'u toe, ria wo'o hi Efesus ba hangkuja dua to Yahudi to modao'–dao' mpopalai seta to mpesuai' tauna. Ngkai hira' toe, ria pitu tomane, paka' ana' imam pangkeni to rahanga' Skewa. Hangkani, to pitu toera mperao mpopalai seta ngkai hadua tauna hante mpokahangai' hanga' Pue' Yesus. Ra'uli': ”Hante hanga' Yesus to nakeni Paulus, palai-ko!”

Roma 3:19

Ngkai lolita Atura Pue' toe, ta'inca ka'uma-na ria manusia' to monoa'. Pai' monoto-mi ta'inca, hawe'ea to te'uki' hi Buku Atura Pue', bate mpobelahi to Yahudi to rapowaii' Atura Pue' toe. Jadi', uma ria tauna to ma'ala mpo'uli': ”Aku', monoa'-a-kuna!” Hawe'ea manusia' bate masala' hi poncilo Alata'ala.