Lukas 11:18 - Buku Tomoroli' Pojanci to Bo'u

¹⁸ Wae wo'o hi kamagaua'-na seta. Ane seta mpo'ewa hingka seta-na, bate mogero mpai' kamagaua'-na seta. Hiaa' ni'uli'-koina, mpopalai-a seta hante baraka' Beelzebul, magau' seta.

Lukas 11:18 Iomraidhean Croise

Matius 10:25

Biasa-na ana' sikola mpotuku' kehi guru-na, pai' batua mpotuku' kehi maradika-na. Jadi', pelompehi, apa' Aku' Pue'-ni, pai' koi' topetuku'-ku. Ane Aku' rahanga' Beelzebul, magau' hawe'ea seta, peliu-nami koi' to mpotuku'-a. Bate raruge' wo'o-koi mpai'.

Matius 12:26

Wae wo'o hi kamagaua' seta. Ane magau' seta mpopalai hingka seta-na, batua-na seta mpo'ewa hingka seta-na, alaa-na mogero mpai' kamagaua'-na seta toe.

Matius 4:10

Hampetompoi' Yesus: ”Palai-ko topesori! Apa' hi rala Buku Tomoroli' te'uki' hewa toi: ’Kana mepue'-ta hi Pue'-ta, Pue' Alata'ala. Muntu' Hi'a-wadi to natao tapengkorui.’ ”

Matius 4:24

Pobago-na Yesus toe tetolele hi hawe'ea ngata hi propinsi Siria, alaa-na wori' tauna tumai doko' mpohirua'-ki. Mpokeni-ra hawe'ea doo-ra to mpotodohaka to wori' nyala haki'-ra pai' kasusaa'-ra, ba to nahawi' seta, ba to limpuangaa ba to pungku. Napaka'uri'-ra omea.

Lukas 11:15

Aga ria wo'o-ra to mpo'uli': ”Kuasa-na tetu-le ngkai Beelzebul, magau' hawe'ea seta. Toe-hawo pai' ria baraka'-na mpopalai seta-e.”