Lukas 11:15 - Buku Tomoroli' Pojanci to Bo'u

¹⁵ Aga ria wo'o-ra to mpo'uli': ”Kuasa-na tetu-le ngkai Beelzebul, magau' hawe'ea seta. Toe-hawo pai' ria baraka'-na mpopalai seta-e.”

Lukas 11:15 Iomraidhean Croise

Matius 10:25

Biasa-na ana' sikola mpotuku' kehi guru-na, pai' batua mpotuku' kehi maradika-na. Jadi', pelompehi, apa' Aku' Pue'-ni, pai' koi' topetuku'-ku. Ane Aku' rahanga' Beelzebul, magau' hawe'ea seta, peliu-nami koi' to mpotuku'-a. Bate raruge' wo'o-koi mpai'.

Matius 12:22

Oti toe, ria wo'o tauna to tumai hi Yesus mpokeni hadua tauna to kahawia'. Tauna toei, wero pai' uma-i howa' mololita. Yesus mpaka'uri'-i, alaa-na pehilo pai' howa'-imi mololita.

Matius 4:24

Pobago-na Yesus toe tetolele hi hawe'ea ngata hi propinsi Siria, alaa-na wori' tauna tumai doko' mpohirua'-ki. Mpokeni-ra hawe'ea doo-ra to mpotodohaka to wori' nyala haki'-ra pai' kasusaa'-ra, ba to nahawi' seta, ba to limpuangaa ba to pungku. Napaka'uri'-ra omea.

Matius 9:34

Aga to Parisi, uma rapangalai' kuasa-na Yesus, ra'uli': ”Ah! Kuasa-na tetu-le ngkai magau' seta. Toe-hawo pai' ria baraka'-na mpopalai seta-e.”

Yohanes 10:20

Wori'-ra to mpo'uli': ”Kahawia'-ile! Wuli-i! Napa-pi kalaua-na tape'epei lolita-na.”

Yohanes 7:20

Ra'uli' ntodea: ”Wuli-ko! Hema to doko' mpopatehi-ko?”

Yohanes 8:48

To Yahudi mporuge'-i Yesus, ra'uli': ”To Samaria-ko! Wuli-ko, hewa to ki'uli' ami'-mi!”

Yohanes 8:52

Ra'uli' to Yahudi: ”Wae lau ki'inca mpu'u-mi kawuli-nu! Bangku' Abraham-hawoe', mate moto-i. Wae wo'o hawe'ea nabi owi, mate moto-ra. Hiaa' nu'uli'-kona, hema to mpotuku' lolita-nu uma-ra mate.