Lukas 11:13 - Buku Tomoroli' Pojanci to Bo'u

¹³ Nau' hewa apa-mi kadada'a-nie, ni'inca moto mpowai' to lompe' hi ana'-ni. Peliu–liu-nami Tuama-ni to ria hi rala suruga! Bate nawai' Inoha' Tomoroli' hi tauna to merapi' hi Hi'a.”

Lukas 11:13 Iomraidhean Croise

Matius 5:16

Wae wo'o baja to hi rala nono-ni neo' niwuni. Kana lompe' kehi-ni, bona hawe'ea tauna mpohilo, alaa-ra mpo'une' Tuama-ni to hi rala suruga.

Matius 5:45

Apa' ane lompe' nono-ta hi bali'-ta, tatuku'-mi po'ingku Alata'ala, Tuama-ta to hi rala suruga. Apa' lompe' nono-na Alata'ala hi hawe'ea tauna: napopehupa' eo hi tauna to lompe' pai' hi tauna to dada'a, napopana'u uda hi tauna to monoa' pai' hi tauna to bengku' nono-ra.

Matius 6:14

”Ane ta'ampungi doo-ta to masala' hi kita', Tuama-ta to hi rala suruga wo'o mpo'ampungi sala'-ta.

Matius 6:30

Jadi', ane Alata'ala mpakancola kowo' to hi papada toera lau–to ria hi eo toe lau, pai' rasuwe mepulo–peliu–liu-nami koi'! Meliu pompewili'-na hi koi'. Jadi', napa-di pai' uma nipangala' pompewili'-nae?

Matius 6:32

Hawe'ea tetu lau to ntora rapenonoi tauna to uma mpo'incai Alata'ala. Koi', neo'-pi nipoka'eka' tetu lau, apa' Tuama-ni to hi rala suruga mpo'inca kaniparaluu-na hawe'ea tetu lau.

Matius 7:11

Nau' hewa apa-mi kadada'a-nie, ni'inca moto mpowai' to lompe' hi ana'-ni. Peliu–liu-nami Tuama-ni to hi rala suruga! Na'inca lia mpewai' to lompe' hi tauna to merapi' hi Hi'a.

Lukas 11:12

Ba mpowai'-i pehede' ane merapi'-i ntolumanu'? Tantu uma.

Lukas 11:2

Na'uli' Yesus mpo'uli'-raka: ”Ane mosampaya-koi, uli' hewa tohe'i: Mama, pomperapia'-kai bona hawe'ea tauna mpobila' hanga'-nu to moroli', bona Iko jadi' Magau' hi dunia'.

Lukas 18:7

Peliu–liu-nami Alata'ala doko' mpotulungi topetuku'-na to mekakae ncuu hi eo-na pai' hi bengi-na. Ba ni'uli'-koina, napeka'au ncala' pai' lako' natulungi-rae?

Yohanes 4:10

Na'uli' Yesus: ”Ane ke nu'inca kabohe rasi' to nawai' Alata'ala, pai' ane nu'inca-a kahema-ku Aku' to mperapii'-ko ue, tantu merapi' wo'o-ko-kowo hi Aku', pai' kuwai'-ko ue to tuwu'.”

Suro 2:38

Na'uli' Petrus: ”Medea-mokoi ngkai jeko'-ni, pai'-koi raniu' butu–butu dua-ni jadi' topetuku' Yesus Kristus. Ngkai ree mpai', Alata'ala mpo'ampungi jeko'-ni, pai' nawai'-koi Inoha' Tomoroli'.

Roma 5:17

Ngkai petiboki-na tau hadua toei, hawe'ea tauna bate kana mate sabana posidaia'-ra hante tau hadua toei. Tapi' meliu mpu'u kabohe pobabehi-na tauna to hadua, Hi'a-mi Yesus Kristus! Hema to mepangala' hi Hi'a, mporata-ramo kuasa pai' katuwua' to lompe' duu' kahae–hae-na. Mporata-ra toe hewa pewai' mara ngkai Alata'ala apa' bohe lia pe'ahi'-na hi kita'. Na'uli' kamonoa'-ta hi poncilo-na sabana posidaia'-ta hante Yesus Kristus.

Roma 7:18

Apa' ku'inca moto-le, uma ria to lompe' hi rala nono-ku, aku' toi manusia' topojeko'. Dota moto-a mpobabehi po'ingku to lompe', aga uma kukulei' mpobabehi.

Roma 8:32

Bangku' Ana'-na moto-e' uma napekabosi', nahubui-i tumai bona mate-i mposampei-ta omea. Jadi', bangku' Ana'-na moto uma napekabosi', tantu nawai' wo'o-ta butu nyala-na.

Titus 3:3

Apa' owi-e, mobengi wo'o-pidi-tawo nono-ta, uma ta'incai ohea to makono hilou hi Pue' Ala, tatiboki Atura-na. Katuwu'-ta owi-le nakuasai kahinaa nono to dada'a pai' kagoea' dunia' to uma lompe'. Dada'a nono-ta, mohingi'-ta hi doo, mohuku' pai' momepokahuku'-ta-wadi.