Lukas 10:42 - Buku Tomoroli' Pojanci to Bo'u

⁴² Hiaa' kakono-na, to paraluu nubabehi hanyala lau-wadi, toe-mi mpo'epe Lolita Alata'ala. Ane Maria, napelihi-mi bagia to lompe', pai' bagia toe uma mpai' ra'alai' ngkai hi'a.”

Lukas 10:42 Iomraidhean Croise

Markus 8:36

Napa kalaua-na tarumpu hawe'ea ka'uaa' dunia', ane uma taratai katuwua' to lompe' hi eo mpeno-na.

Lukas 10:39

Ria wo'o ompi'-na Marta, tobine wo'o-wadi, hanga'-na Maria. Maria toei mohura mohu' hi witi'-na Yesus ntora mpe'epei lolita-na.

Lukas 11:1

Hangkani Yesus mosampaya. Kahudu-na mosampaya, hadua ana'guru-na mpo'uli'-ki: ”Pue', tudui' wo'o-ka-kaiwo mosampaya, hewa Yohanes Topeniu' mpotudui' ana'guru-na.”

Lukas 12:20

”Ntaa' we'i Alata'ala mpo'uli'-ki tauna toei: ’He towojo! Bengi toe mpai' lau, ra'alai'-moko inoha'-nu. Jadi', hawe'ea to nurumpu tetu, hema-mi mpai' pue'-na?’

Lukas 12:33

Toe pai' ku'uli', pobalu'-mi rewa-ni, pai' oli-na wai'-raka tokabu. Babehi-mokoi karepe' to uma bisa moheu'. Batua-na, babehi kehi to lompe'. Apa' kehi to lompe' toe ma'ala rarapai'-ki rewa to nitimamahi hi suruga, to uma ria karontoa-na, apa' uma ria to mpanako pai' uma ria anutuwu' to mposerohi.

Lukas 16:2

Toe pai' topo'ua' toei mpokio' topobago-na, na'uli'-ki: ’Napa-di to ku'epe to rapakilu-koko toi-e? Wae lau, popehuwu-ka hawe'ea buku popa'intaa. Ngkai eo toe lau, uma-pi iko to ngkakamu ka'uaa'-ku!’

Lukas 16:25

”Na'uli' Abraham: ’Kiwoi-dile ana': Bula-nu tuwu'-pidi hi rala dunia', iko mporata hawe'ea to lompe', hiaa' Lazarus-hana mporata-i paka' to dada'a. Tempo toi, tetanta'u-imi hi rehe'i, pai' iko-kowo, mporata pepa-moko.

Lukas 18:22

Mpo'epe toe, na'uli'-mi Yesus: ”Hanyala-pi to kana nubabehi. Pobalu'-mi hawe'ea rewa-nu pai' doi oli-na bagi-raka tokabu. Ane nubabehi hewa toe, bohe mpai' rasi' to nurata hi rala suruga. Oti toe, pai' tumai-moko mpotuku'-a.”

Lukas 8:18

”Toe pai' ku'uli', pelompehi-koie' beiwa-koi mpo'epe Lolita Alata'ala. Apa' tauna to mpotarima Lolita Alata'ala, ranotohi nono-ra bona kawoo–woria' to ra'inca. Aga tauna to uma dota mpotarima Lolita Alata'ala, nau' ria hangkedi' to ra'inca, ra'alai' lau-ra.”

Yohanes 11:1

Hadua tomane to rahanga' Lazarus mo'oha' hi ngata Betania hante ompi' bine-na Maria pai' Marta. (Maria toe-mi mpai' to mpolanai witi' Yesus hante lana honga pai' naporihi hante wuluwoo'-na.) Hangkani, peda'-i Lazarus.

Yohanes 11:19

Jadi', wori'-ra to Yahudi to tumai mpotanta'u Marta pai' Maria hi kamate ompi'-ra toe.

Yohanes 12:3

Bula-ra ngkoni', tumai-i Maria ngkeni hantanga' lite lana honga. Lana toe rababehi ngkai rali' kaju to mohonga, masuli' lia oli-na. Natua lana toe hi witi'-na Yesus pai' naporihi hante wuluwoo'-na. Mohonga-damo hobo' hi rala tomi.

Yohanes 17:3

Ane ra'inca-ko Mama, ka'Iko-na Alata'ala to makono to uma ria karodua-na, pai' ane ra'inca Yesus Kristus suro-nu, toe-mi ohea-ra mporata katuwua' to lompe' duu' kahae–hae-na.

Yohanes 4:14

Tapi' hema to mpo'inu ue to kuwai'-raka, uma-rapa ngkamara duu' kahae–hae-na. Apa' ue to kuwai'-raka toe, jadi' ue tuwu' to mo'ili ncuu hi rala nono-ra–batua-na, mporata-ra katuwua' to lompe' duu' kahae–hae-na.”

Yohanes 5:24

”Makono mpu'u lolita-ku toi: Hema to mpo'epe lolita-ku pai'-ra mepangala' hi Pue' Ala to mposuro-a, bate mporata-ra katuwua' to lompe' duu' kahae–hae-na. Uma-ra mpai' rahuku' sabana jeko'-ra. Tebahaka-ramo ngkai kamatea, mporata-ramo katuwua'.

Yohanes 6:27

Neo'-koi mobago mpali' pongkoni' to sohi' oti pai' waha'. Mobago-koi mpali' pongkoni' to uma ria kawahaa'-na pai' to mpowai' katuwua' to lompe' duu' kahae–hae-na. Aku' Ana' Manusia' to mpowai'-koi pongkoni' tohe'e, apa' Alata'ala to Tuama mpotudo' ka'Aku'-nami to napelihi pai' to napokono.”

1 Korintus 13:3

Ane hawe'ea rewa-ta tawai'-raka tokabu, pai' ane ta'agi mate ratunu sabana petuku'-ta hi Pue' Yesus, tapi' ane uma ria ahi'-ta hi doo, uma ria kalaua-na tuwu'-ta.

Galatia 5:6

Ane mosidai'-ta-damo hante Kristus Yesus, ba ratini'-ta ba uma, uma-pi beiwa. Poko-nale, mepangala' hi Yesus, pai' pepangala'-ta toe incana ane ma'ahi'-ta hi doo.