Lukas 10:37 - Buku Tomoroli' Pojanci to Bo'u

³⁷ Natompoi' guru agama toei: ”Tauna to mpotulungi-i.” Na'uli' Yesus: ”Koi'-moko, babehi wo'o-kowo hewa tetu.”

Lukas 10:37 Iomraidhean Croise

Matius 20:28

Kana nituku' po'ingku-ku, Aku' Ana' Manusia'. Patuju-ku tumai hi dunia', uma bona jadi' topohawa'. Pai'-a tumai-le, bona jadi' pahawaa', duu'-na mpewai' woto-ku rapatehi mpotolo' sala' tauna to wori'.”

Matius 23:23

”Silaka-koi, guru agama pai' to Parisi! Lompe' hi mali-na-wadi-koi! Ntahawe' hinu'a to kedi', hewa tarangkada', ngkoromonyi' pai' wunga bonea, nipopepue' hampobagiahampulu' hi Alata'ala. Hiaa' parenta hi rala Atura Pue' to bohe mpu'u, hewa po'ingku to monoa', ma'ahi' hi doo, pai' mpo'ihii' janci, uma nisaile'. Kakoo–kono-na, ke parenta to bohe toe-hanale to kana nituku'-e, pai' neo' wo'o nilipo' mpotuku' parenta to kedi'.

Lukas 10:36

Hudu-mi jarita-na toe, napekune' Yesus hi guru agama toei, na'uli': ”Ntuku' pomporataa-nu, ngkai to tolu toera, hema-ra to ma'ahi' hi doo to rarampaki toei?”

Lukas 10:38

Rala pomakoa'-ra toe, Yesus pai' ana'guru-na mehani hi ngata. Hi rala ngata toe, ria hadua tobine to rahanga' Marta to mpotorata Yesus.

2 Korintus 8:9

Uma mingki' kupahawa'-koi ompi', apa' ni'inca moto-mi kabohe petulungi-na Pue'-ta Yesus Kristus. Bohe katuwu'-na, tapi' ngkai pe'ahi'-na hi kita', nabahaka omea-mi bona mpotulungi-ta. Napakadingki' katuwu'-na jadi' manusia', bona kita' ma'ala mporata kabohea tuwu'.

Efesus 5:2

Hi po'ingku-ta eo–eo-na, kana ma'ahi'-ta hi doo, hewa Kristus wo'o mpoka'ahi'-ta; napewai' woto-na rapatehi bona mpotolo'-ta. Pobabehi-na toe mpakagoe' nono Alata'ala, hewa pepue' to mohonga to ratonu hi Hi'a.

1 Petrus 2:21

Apa' toe-mile pai' nakio'-koi Alata'ala-e: nakio'-koi bona mo'ingku lompe', nau'-koi rabalinai'. Apa' Kristus wo'o mporata kaparia sabana koi', pai' nawai'-koi tonco bona nituku' laa'-na.

Pangila 1:5

pai' ngkai Yesus Kristus. Yesus Kristus toe, Hi'a-mi Sabi' to tida, Hi'a-mi to lomo'-na tuwu' nculii' ngkai kamatea, Hi'a-mi Pangkeni to mpoparentai hawe'ea magau' hi dunia'. Yesus mpoka'ahi'-ta, pai' hante raa' ngkai kamate-na nabahaka-tamo ngkai jeko'-ta,