Lukas 10:29 - Buku Tomoroli' Pojanci to Bo'u

²⁹ Aga guru agama toei uma dota radagi, mpoperaha-i kamonoa' po'ingku-na. Toe pai' na'uli': ”Hiaa' hema doo-ku to kana kupoka'ahi'-e?”

Lukas 10:29 Iomraidhean Croise

Markus 8:34

Oti toe, Yesus mpokio' tauna to wori' bona morumpu hangkaa–ngkania hante Hi'a pai' ana'guru-na. Na'uli'-raka: ”Hema to doko' mpotuku'-a kana mpobahaka konoa-na moto, pai' kana napaha'a kaju parika'-na–batua-na: kana natuku' hawa'-ku nau' napomate-ki. Oti toe-di pai' lako' ma'ala-i mpotuku'-a.

Lukas 10:36

Hudu-mi jarita-na toe, napekune' Yesus hi guru agama toei, na'uli': ”Ntuku' pomporataa-nu, ngkai to tolu toera, hema-ra to ma'ahi' hi doo to rarampaki toei?”

Lukas 16:15

Yesus mpo'uli'-raka: ”Koi' tetu-mi mpemanoa' po'ingku-ni hi poncilo manusia'. Aga Alata'ala mpo'inca ihi' nono-ni. Apa' napa to rabila' manusia', napokahuku' Alata'ala.

Roma 10:3

Rapiri mata-ra hi ohea to napakasadia Alata'ala. Oja'-ra mengkoru hi Kristus bona jadi' monoa'-ra hi poncilo Alata'ala, ra'agi mpotuku' ohea-ra moto-rawo, doko' mpomonoa' woto-ra hi kampotuku'-ra Atura Pue'.

Roma 4:2

Ane rapa'-na Abraham jadi' monoa' hi poncilo Alata'ala sabana po'ingku-na to lompe', ma'ala napomolangko nono-na. Aga uma-hawo ria huraa-na Abraham mpomolangko nono-na hi nyanyoa Alata'ala.

Galatia 3:11

Jadi', monoto-mi tahilo: uma ria haduaa to monoa' hi poncilo Alata'ala ngkai petuku'-ra hi Atura Musa. Apa' ria wo'o lolita Buku Tomoroli' to mpo'uli' hewa toi: ”Tauna to monoa' hi poncilo Alata'ala mporata katuwua' to lompe' ngkai pepangala'-ra.”

Yakobus 2:24

Monoto-mi tahilo kanapomonoa'-ra Alata'ala tauna to lompe' po'ingku-ra, uma wule' mepangala' mara-wadi.