Lukas 10:22 - Buku Tomoroli' Pojanci to Bo'u

²² ”Hawe'ea-na natonu-maka Tuama-ku. Uma ria haduaa to mpo'inca kahema-ku Aku' Ana' Alata'ala, muntu' Tuama-ku to mpo'inca-a. Wae wo'o uma ria to mpo'incai hema-i Tuama-ku, muntu' Aku' Ana'-na to mpo'inca-i, pai' hema–hema to kupopo'incai kahema-nai Tuama-ku.”

Lukas 10:22 Iomraidhean Croise

Matius 11:25

Nto'u toe, Yesus mosampaya, na'uli': ”O Mama, Pue' langi' pai' dunia'! Mpo'uli'-a tarima kasi, apa' hawe'ea toe lau nupopohiloi-raka tauna to uma pe'incai, tapi' nuwunii'-raka tauna to nginca pai' tauna to pante,

Matius 11:27

”Hawe'ea-na natonu-maka Tuama-ku. Uma ria haduaa to mpo'incai-a, Aku' Ana' Alata'ala, muntu' Tuama-ku to mpo'inca-a. Wae wo'o uma ria to mpo'incai-i Tuama-ku, muntu' Aku' Ana'-na to mpo'inca-i, pai' hema–hema to kupopo'incai kahema-nai Tuama-ku.

Matius 28:18

Yesus mpomohui'-ra pai' na'uli'-raka: ”Hawe'ea kuasa hi suruga pai' hi dunia' ratonu-maka.

Yohanes 1:18

Uma ria haduaa to mpohilo Alata'ala. Tapi' Ana'-na to Hadudua toei, to tida oa' hi ncori-na, Hi'a-mi to mpakanoto Alata'ala hi kita'.

Yohanes 13:3

Na'inca Yesus, Tuama-na mpowai'-i hawe'ea kuasa-na. Na'inca wo'o kangkai Alata'ala-nai, pai' nculii' hilou hi Alata'ala wo'o-i mpai'.

Yohanes 17:10

Hawe'ea tauna to kupobagia, bagia-nu Mama. Pai' hawe'ea tauna to nupobagia, bagia-ku. Hira'-mi to mpopehuwu kabohe tuwu'-ku.

Yohanes 17:2

Nuwai'-ama kuasa hi hawe'ea manusia', bona tauna to nuwai'-maka, kuwai'-ra katuwua' to lompe' duu' kahae–hae-na.

Yohanes 17:26

Kupopo'incai-ramo kahema-nu, pai' bate kupohewa toe oa' mpai', bona hira' mporasai ahi'-nu hi rala nono-ra, hewa Aku' mporasai ahi'-nu, pai' bona Aku' mo'oha' hi rala nono-ra.”

Yohanes 17:5

Toe pai' kuperapi' bona nupopehuwu kabohe tuwu'-ku dohe-nu Mama, hewa kabohe tuwu'-ta hangkaa–ngkania kako'ia-na dunia' tohe'i rapajadi'.

Yohanes 3:35

Alata'ala to Tuama mpoka'ahi' Ana'-na, pai' nawai'-imi hawe'ea kuasa-na.

1 Korintus 15:24

Oti toe-di mpai', lako' rata kahudua dunia'. Kristus mpodagi hawe'ea topoparenta pai' hawe'ea to mokuasa pai' to mobaraka', pai'-i moparenta jadi' Magau'. Oti toe, pai' natonu huraa kamagaua'-na hi Alata'ala to Tuama.

2 Korintus 4:6

Apa' nto'u Alata'ala mpopajadi' langi' pai' dunia', na'uli' hewa toi: ”Ngkai kabengia-na mehupa' baja!” Pai' Alata'ala toe wo'o-mi to mpobajahi nono-ta, bona ta'inca kabohe tuwu'-na. Hewa to Yahudi owi mpohilo pehini-na Alata'ala hi lio-na Musa, wae wo'o ta'inca kabohe tuwu'-na Alata'ala ane ta'inca-imi Yesus Kristus.

Efesus 1:21

Kuasa to nawai'-ki Kristus toe, meliu kabohe-na ngkai kuasa hawe'ea topoparenta, hawe'ea to mokuasa, hawe'ea to mobaraka', pai' hawe'ea to rapue'. Kuasa to nawai'-ki Kristus toe meliu kabohe-na ngkai hawe'ea to mporata huraa to molangko, uma muntu' hi to tuwu' tempo toi, tapi' hante to tuwu' hi eo mpeno wo'o.

Ibrani 2:8

Nuwai'-i kuasa mpoparentai butu nyala-na.” Jadi', to tabasa we'i: Pue' Ala mpowai' manusia' kuasa mpoparentai butu nyala-na. Batua-na, uma ria hanyalaa to uma hi rala kuasa manusia'. Hiaa' tempo toi, ko'ia tahiloi butu nyala-na hi rala kuasa manusia'.

1 Yohanes 5:20

To ta'inca-na: rata-imi Ana' Alata'ala hi dunia', pai' nanotohi-mi nono-ta, bona ta'inca-mi Alata'ala to makono. Hintuwu'-tamo hante Alata'ala to makono toei, apa' hintuwu'-tamo hante Yesus Kristus Ana'-na. Hi'a-mi Alata'ala to makono. Ngkai Hi'a-mi tarata katuwua' to lompe' duu' kahae–hae-na.

2 Yohanes 1:9

Hawe'ea tauna to meleli' ngkai tudui' to makono, pai' uma-ra mpotuku' tudui' Kristus, tauna toera uma mosidai' hante Alata'ala. Tauna to tida mpotuku' tudui' Kristus, mosidai'-ramo hante Alata'ala to Tuama pai' hante Alata'ala to Ana'.