Lukas 10:2 - Buku Tomoroli' Pojanci to Bo'u

² Na'uli' mpo'uli'-raka: ”Tauna to doko' mpo'epe Kareba Lompe' ma'ala rarapai'-ki pae to taha'. Wori' pae to kana rapepae, aga topepae uma-ra wori'. Toe pai' kana mekakae-koi hi pue' bonea, niperapi' bona nahubui tauna hilou mepae hi bonea-na.

Lukas 10:2 Iomraidhean Croise

Matius 20:1

Na'uli' Yesus: ”Ane Alata'ala jadi' Magau', kajadi'-na hewa lolita rapa' tohe'i: Hadua pue' bonea anggur hilou mpopali' tauna to dota mobago hi bonea-na. Mepupulo modao'-i mporua' tauna,

Markus 13:34

Ane rata nculii'-apa mpai', kajadi'-na hewa lolita rapa' tohe'i. Hadua pue' tomi mopatuju hilou hi ngata to molaa. Kako'ia-na me'ongko', nahubui pahawaa'-na mpewili' tomi-na, hore–hore nawai'-ra bago-ra. Hi tompodoo wobo' na'uli'-ki: ’Mo'inga'–inga'-koe'!’

Markus 16:15

Na'uli'-raka: ”Hilou-mokoi hi humalili' dunia', mpopalele Kareba Lompe' hi hawe'ea tauna.

Markus 16:20

Ngkai ree, topetuku'-na hilou mpopalele Kareba Lompe' hiapa–apa. Pue' mobago hangkaa–ngkania dohe-ra, pai' nawai'-ra kuasa mpobabehi tanda mekoncehi bona mporohoi kamakono-na Kareba to rakeni. [

Lukas 9:1

Yesus mpokio' ana'guru-na to hampulu' rodua morumpu, pai' nawai'-ra kuasa pai' kabaraka' mpopalai hawe'ea seta pai' mpaka'uri' topohaki'.

Suro 11:19

Jadi', ntepu'u ngkai karapatehi-na Stefanus, topetuku' Yesus hi Yerusalem rabalinai', pai' wori'-ramo to metibo' hilou hi ngata doo, alaa-na pahawu'–hawu'-ramo. Ria-ra to rata hi tana' Fenisia, ria wo'o-ra to loha hi tana' Siprus pai' hi ngata Antiokhia. Hiapa kahilouaa-ra, mpoparata-ra Lolita Pue' Ala, aga muntu' hi to Yahudi-wadi.

Suro 13:2

Hangkani, bula-ra mepue' hi Pue' Ala pai' mopuasa', Inoha' Tomoroli' mpololitai-ra hewa tohe'i: ”Barnabas pai' Saulus toe, kupelihi-ra jadi' topobago-ku. Jadi', patani'-ramo, bona hilou-ra mpobabehi bago to kupopokoloi-raka.”

Suro 13:4

Jadi', apa' Inoha' Tomoroli' mpahawa'-ra mpopalele Kareba Lompe', mako'-ramo hilou hi ngata Seleukia to hi wiwi' tahi'. Ngkai ree, mpohawi' kapal-ramo hilou hi lewuto' Siprus.

Suro 20:28

Pelompehi-koi mpojaga woto-ni moto pai' mpojaga hawe'ea topetuku' Alata'ala to nasarumaka-mikokoi Inoha' Tomoroli'. Kana nipewili'-ra, hewa topo'ewu mpo'ewu bima-na, apa' Pue' Yesus mate, raa'-na mo'ili, mpobayari huku' jeko'-ta, bona kita' jadi' bagia Alata'ala.

Suro 22:21

”Oti toe, na'uli' tena-ka Pue': ’Bate hilou-moko, apa' kuhubui-ko mpai' hilou hi ngata to molaa, hi tauna to bela-ra to Yahudi.’ ”

Suro 8:4

Jadi', topetuku' Yesus to metibo' ngkai Yerusalem toera, hiapa kahiloua-ra raparata oa' Lolita Pue'.

1 Korintus 12:28

Pai' hi rala kahintuwuaa'-ta to Kristen, Alata'ala mohawa' bona hore–hore ria bago-ta: lomo'-na ria to jadi' suro-na, karonyala-na ria nabi to mpohowa' lolita-na, katolu-na ria to metudui'. Oti toe, ria to nawai' kuasa mpobabehi tanda mekoncehi. Oti toe, ria to nawai' kuasa mepaka'uri', ria to mporata pakulea' mpotulungi doo, ria to jadi' pangkeni, ria to mporata pakulea' mololita hante basa–basa to ngkai Inoha' Tomoroli'.

1 Korintus 15:10

Aga ngkai ahi' pai' petulungi-na Alata'ala, pai' alaa-na jadi' hewa tohe'i-ama-kuwo. Pai' ria mpu'u kalaua-na ahi' pai' petulungi-na hi aku'. Apa' aku'-mi to meliu pobago-ku ngkai hawe'ea suro Pue' Yesus to ntani'-na. Aga uma hante karohoa-ku moto. Ahi' pai' petulungi-na Pue'-hanale to mporohoi-ae.

2 Korintus 6:1

Jadi', kai' tohe'i, mobago-kai hangkaa–ngkania hante Alata'ala mpokeni lolita-na hi manusia'. Toe pai' kiperapi' mpu'u ompi', neo' uma nisaile' kalompe' nono-na Alata'ala to mpolia' nitarima-mi.

Filipi 2:21

Ane to ntani'–ntani'-naera, mpenonoi woto-ra moto-ra-wadi, uma-ra mpenonoi konoa-na Yesus Kristus.

Filipi 2:25

Sampale-di, ane ompi'-ta Epafroditus, to mahae-mi nihubui tumai mpongawa'-a, ku'uli' agina kuhubui lau-imi tilou nculii' hi koi'. Kai' rodua hewa tantara to hampanga'ea, apa' hampobagoa-kai hi rala pobago Pue', pai' natulungi-a hi rala kaparia-ku.

Filipi 2:30

Ngkai pobago-na mpobago-ki Kristus, neo' mate lia-i. Uma-i mpenonoi woto-na moto, apa' doko'-i nipopale hi rehe'i mpotulungi-a.

Kolose 1:29

Toe-mi pai' mobago ntomo-ae, kuhuduwukui mpokamu bago-ku, ntuku' karohoa to nawai'-ka Kristus, apa' moroho mpu'u kabaraka'-na hi rala katuwu'-ku.

Kolose 4:12

Tabe wo'o ngkai Epafras, batua Kristus Yesus to hingka ngata-ni moto. Mosampaya oa'-i mpekakae-kokoi nte nono-na mpu'u, bona moroho pokore-ni pai' monoto pepangala'-ni mpotuku' hawe'ea konoa Alata'ala hante uma ria ruke-na.

1 Tesalonika 2:9

Tantu nikiwoi moto ompi' kamowewa-kai wengi mobago, hinamengi hina'eo-kai mpali' pongkoni'-kai, bona neo'-kai mposesei'-koi bula-kai mpotudui'-koi Kareba Lompe' to ngkai Alata'ala.

1 Tesalonika 5:12

Ompi'–ompi', kiperapi' bona nibila'-ra to mpokamu bago Pue' hi laintongo'-ni, apa' hira' to jadi' totu'a-ni hi rala Pue' pai' to mpoparesai'-koi.

2 Tesalonika 3:1

Ka'omea-na ompi', kiperapi' bona niposampayai wo'o-ka-kaiwo. Lomo'–lomo'-na, merapi' hi Pue' bona kawoo–woria' tauna mpo'epe pai' mpotarima Lolita Pue', hewa to jadi' hi koi'-e wengi.

1 Timotius 4:10

Toe-mi pai' mobago ngkoro-ta, apa' ncarumaka-ta hi Alata'ala to tuwu' duu' kahae–hae-na, Magau' Tompohore hawe'ea tauna, peliu–liu-nami tauna to mepangala'.

2 Timotius 4:5

Toe pai' kuparesai'-ko Timotius: pakanoto nono-nu bona sadia-ko nau' napa–napa-mi to jadi', ntaha-ko mpokolo kaparia, mobago-ko mpopalele Kareba Lompe' hi tauna to ko'ia mpo'epei, posipolea hawe'ea pobago to nawai'-koko Pue'.

Filemon 1:1

Sura toi ngkai aku' Paulus, to ratarungku' sabana pobago-ku mpopalele kareba Kristus Yesus, pai' ngkai Timotius, ompi' hampepangalaa'-ta, kipakatu hi iko Filemon, ompi'-kai to kipoka'ahi' pai' ema' hampobagoa-kai.

Ibrani 3:6

Hiaa' Kristus, bela-i muntu' topobago-wadi, Ana' Alata'ala mpu'u-i-hana, to tida mpokamu bago-na jadi' Pangkeni to mpohawai' hawe'ea ihi' tomi Alata'ala. Ihi' tomi Alata'ala toe, kita' toi-mi lau ompi', asala tida oa' nono-ta mposarumaka Yesus-wadi, pai' neo'-ta morara'.

Pangila 2:1

Na'uli' Yesus mpo'uli'-ka: ”Uki' hewa tohe'i hi mala'eka to mpewili' topetuku'-ku hi ngata Efesus: ”Ohe'i lolita-na Pue' Yesus, to ngkakamu betue' to pitu hi pale ka'ana-na pai' to momako' hi laintongo' witi' lampu bulawa to pitu.