Lukas 10:16 - Buku Tomoroli' Pojanci to Bo'u

¹⁶ Oti toe, Yesus mololita tena hi topetuku'-na, na'uli': ”Tauna to mpotarima lolita-ni, batua-na lolita-ku Aku' to ratarima. Tauna to mposapuaka-koi, batua-na Aku' to rasapuaka. Pai' tauna to mposapuaka-a, mposapuaka wo'o-ra Pue' Ala to mposuro-a.”

Lukas 10:16 Iomraidhean Croise

Matius 10:40

”Hema to mpotarima-koi, hibali mpotarima Aku'-ramo. Hema to mpotarima-a, hibali mpotarima Alata'ala wo'o-ramo, apa' Hi'a-mi to mposuro-a.

Matius 18:5

Hema to mpotarima hadua ana' to kedi' hewa ana' toii sabana petuku'-na hi Aku', batua-na Aku'-mi to natarima.

Markus 9:37

”Hema to mpotarima hadua ana' to kedi' hewa ana' toii sabana petuku'-na hi Aku', batua-na Aku'-mi to natarima. Pai' hema to mpotarima-a, uma muntu' Aku' to natarima, mpotarima wo'o-i Alata'ala to mposuro-a.”

Lukas 9:48

pai' na'uli'-raka: ”Hema to mpotarima ana' to kedi' toi sabana petuku'-na hi Aku', batua-na Aku'-mi to natarima. Pai' hema to mpotarima-a, mpotarima wo'o-imi Pue' Ala to mposuro-a. Hema-koi to tuwu' mengkadingki', hi'a-mi to bohe mpu'u tuwu'-na.”

Yohanes 12:44

Yesus mpesukui mekio', na'uli': ”Tauna to mepangala' hi Aku', uma muntu' Aku' to rapangala'. Mepangala' wo'o-ramo hi Pue' Ala to mposuro-a.

Yohanes 12:48

Tauna to mposapuaka-a pai' uma mpotarima lolita-ku, ria-mi mpai' to mpohuku'-ra. Lolita-ku to kupohowa', toe-mi mpai' to mpohuku'-ra hi Eo Kiama.

Yohanes 13:20

Makono mpu'u lolita-ku toi: hema to mpotarima suro-ku, hewa Aku' moto-mi to natarima. Wae wo'o, hema to mpotarima-a, hewa Tuama-ku moto-mi to natarima, apa' Hi'a-mi to mposuro-a.”

Suro 5:4

Kako'ia-na nupobalu' tana' tetu, iko moto-kowo pue'-na. Pai' ka'oti-na wo'o nupobalu', oli-na bate-na iko moto-kowo pue'-na. Jadi', napa-di pai' ria patuju nono-nu mpobabehi hewa tetu-e? Bela kai' toi to nupakawa'. Alata'ala-hana to nupakawa'!”

Galatia 4:14

Haki'-ku toe mpakasusa'-koi. Aga nau' wae, uma-a nipokarungku ba nipoka'oja'. Nitarima lau-ada, niponcawa mala'eka ngkai Alata'ala, niponcawa hewa Kristus Yesus lau-ada.