Lukas 10:15 - Buku Tomoroli' Pojanci to Bo'u

¹⁵ ”Pai' koi' wo'o to Kapernaum! Ha ni'uli'-koina na'ongko' napomolangko-koi mpai' Alata'ala-e? Uma-e'! Natadi pai' nahuku' lau-dakoi mpai'.”

Lukas 10:15 Iomraidhean Croise

Matius 10:28

Neo'-koi mpoka'eka' manusia' to doko' mpopatehi-koi, apa' uma ria kuasa-ra mpohuku'-koi hi rala naraka. To nipoka'eka'-le, Alata'ala, apa' mokuasa-i mpatehi-koi, pai' mokuasa wo'o-i mpohuku'-koi hi rala naraka.

Matius 11:23

”Pai' koi' wo'o to Kapernaum! Ha ni'uli'-koina wae, na'ongko' napomolangko-koi mpai' Alata'ala-e? Uma-e'! Natadi pai' nahuku' lau-dakoi mpai'. Ane rapa'-na tanda mekoncehi to kubabehi hi ngata-ni tetu rababehi owi hi ngata Sodom, ke uma-hawo nakero Alata'ala, ke ria-pidi ngata toe duu' hewa toe-e lau.

Matius 4:13

Oti toe, kaliliu-imi ngkai Nazaret hilou mo'oha' hi ngata Kapernaum. Kapernaum toe, ngata hi wiwi' rano Galilea, hi tana' Zebulon pai' Naftali.

Lukas 13:28

”Nto'u toe mpai', geo' pai' ntodohaka-mokoi, apa' nihilo Abraham, Ishak pai' Yakub hante hawe'ea nabi, mohura goe'–goe'-ra hi rala Kamagaua' Alata'ala, hiaa' koi' ra'uncahi hi mali-na.

Lukas 16:23

Hi po'ohaa' tomate, ntora ntodohaka-i. Hampengoa'-na ngkai ree, nahilo-hawo molaa lia, oe-imi mai Abraham, hante Lazarus mohura hi ncori-na.

2 Petrus 2:4

Bangku' mala'eka–mala'eka to mojeko' owi, Alata'ala uma mpelele'-ra tebahaka ngkai huku'-ra, bate natadi-ra hi rala naraka, pai' napotuhu-ra hi rala wulou'laa to mobengi duu' rata Eo Pobotuhia-na.