Lukas 1:78 - Buku Tomoroli' Pojanci to Bo'u

⁷⁸ Apa' ma'ahi' lia Alata'ala Pue'-ta. Toe pai' hompo-imi tumai mpotulungi-ta. Tumai-i ngkai suruga hewa eo mebere'.

Lukas 1:78 Iomraidhean Croise

Yohanes 3:16

Hewa toi-mi Alata'ala mpoka'ahi' hawe'ea tauna hi dunia', alaa-na napewai' Ana'-na to Hadudua, bona hema–hema to mepangala' hi Ana'-na toe, uma-ra mporata huku', tapi' mporata-ra katuwua' to lompe' duu' kahae–hae-na.

Efesus 5:14

Toe pai' ria rona' to mpo'uli': ”Molike-mokoi toleta', Memata-mokoi ngkai kamatea-ni, Pai' Kristus mpobajahi nono-ni.”

Filipi 1:8

Alata'ala mposabii' kamakono-na lolita-ku tohe'i. Lentora mpu'u-a ngkalentorai-koi omea, pai' kalentora-ku toi, hewa ahi'-na Kristus Yesus moto.

Filipi 2:1

Jadi' ompi'–ompi', ku'inca katerohoi-na nono-ni apa' mosidai'-mokoi hante Kristus. Tetanta'u-mi nono-ni apa' napoka'ahi'-mokoi. Hintuwu'-mokoi apa' ngkai petete' Inoha' Tomoroli'. Momepoka'ahi'-koi hadua bo hadua.

Kolose 3:12

Alata'ala mpoka'ahi'-ta pai' napelihi-tamo jadi' bagia-na to moroli'. Toe pai' kana mometulungi-ta pai' lompe' nono-ta hadua bo hadua, pakadingki' nono-ta, paka'olu kehi-ta, pai' mosabara hi doo.

2 Petrus 1:19

Jadi', ngkai to kihilo toe, kamoroo–rohoa lau-mi pepangala'-kai hi lolita nabi–nabi to owi. Uma mowo kalompe'-na ane nipoinono lolita nabi toe, ompi', apa' lolita-ra toe hewa lampu to mehini hi rala kabengia-na. Penonoi lolita nabi toe, duu'-na Pue' Yesus rata nculii' hi rala dunia' toi, pai' ni'inca-i hante kanoto–noto-na. Karata-na nculii' Yesus toe hewa pengiri'-na eo ba hewa pehupa'-na betue' pompoka–eo.

1 Yohanes 3:17

Rapa'-na ria hadua tauna to nakariai rewa dunia' toi, pai' mpohilo-i ompi'-na nakakurai' ba napa–napa, pai' nanaa mara-wadi, uma natulungi, tantu tauna toe uma-i ma'ahi' hewa Alata'ala.

Pangila 22:16

”Aku' Yesus mpohubui mala'eka-ku tilou mpoparata lolita paresa'-ku toi hi koi' to mpotuku'-a. Aku' muli Magau' Daud, Aku' Betue' Pompoka–eo to mehini.”