Lukas 1:46 - Buku Tomoroli' Pojanci to Bo'u

⁴⁶ Na'uli' Maria: ”Mpo'une'-a Pue' hante nono-ku mpu'u.

Lukas 1:46 Iomraidhean Croise

Roma 5:11

Pai' uma muntu' toe, goe' nono-ta mpokagoe' posidaia'-ta hante Alata'ala to tarata sabana Pue'-ta Yesus Kristus. Apa' ngkai Yesus Kristus toe, hintuwu'-tamo hante Alata'ala.

1 Korintus 1:31

Jadi', hewa to te'uki' hi rala Buku Tomoroli': ”Hema to doko' bohe nono-ra, kana mpomobohe-ra napa to nababehi Pue'.”

2 Korintus 2:14

Aga mpo'uli'-a tarima kasi hi Alata'ala, apa' ngkai posidaia'-ta hante Kristus natete' oa'-ta dohe-na pai' nawai'-tamo pedagia. Batua-na, hiapa kahiloua-kai, kipalele Kareba Lompe' bona hawe'ea tauna mpo'epe pai' mpo'inca Alata'ala.

Filipi 3:3

Kita' toi-mile to monoa' hi poncilo Alata'ala-e, kita' to mpopue'-i ngkai petete' Inoha' Alata'ala, bohe nono-ta apa' mosidai'-tamo hante Kristus Yesus. Uma-ta ncarumaka ada to kahiloa-wadi bona ngalai' jadi' monoa'-ta hi poncilo Alata'ala.

Filipi 4:4

Ompi'–ompi', kana goe' oa'-koi, apa' mosidai'-mokoi hante Pue'. Hangkani-pi ku'uli': pakagoe' ncuu nono-ni.

1 Tesalonika 5:23

Mekakae-a hi Alata'ala to mpowai'-ta kalompea' tuwu', kuperapi' bona napakaroli' kehi-ni, duu'-na moroli' mpu'u-koi. Kuperapi' bona napewili'-koi, lompe' woto-ni lompe' nono ba kao'-ni, bona uma ria kasalaia'-ni nau' hangkedi' ane rata nculii'-ipi Pue'-ta Yesus Kristus.

1 Petrus 1:8

Yesus Kristus toei, nau' ko'ia-i ria nihiloi owi, nipoka'ahi'-imi. Nau' uma-i nihiloi wae lau, nipangala'-imi. Toe pai' goe' nono-ni, pai' kagoe' nono-ni toe uma-pi hudu ra'uli', apa' bohe mpu'u.