Lukas 1:42 - Buku Tomoroli' Pojanci to Bo'u

⁴² Mekio'-imi napesukui mpo'uli'-ki Maria: ”Iko-mi-kona to nagane' Alata'ala meliu ngkai hawe'ea tobine ntani'-na, pai' Alata'ala mpogane' ana' to nupotina'i-ki tetu.

Lukas 1:42 Iomraidhean Croise

Lukas 1:28

Karata-na mala'eka hi ria, na'uli'-ki Maria: ”Wori' tabe! Pue' mpogane'-ko pai' mpodohei-ko!”

Lukas 1:41

Kana'epe-na Elisabet petabe-na Maria toe, pongkale-nami ana' to hi rala puanaka-na, pai' Elisabet, nakuasai Inoha' Tomoroli'-imi.

Lukas 1:43

Ha hema-a-kuwo aku' toi-e, pai' iko tina-na Pue'-ku tumai mpokinomo-a!

Lukas 1:48

Nakiwoi-awa-kuwo, aku' batua-na to mpe'ahii'. Ngkai wae lau, hawe'ea tauna mpo'uli' ka'aku'-na tobine to nagane' Alata'ala.

Lukas 19:38

Ra'uli' hi rala pe'une'-ra: ”Pue' Ala mpogane' Magau' to tumai mpokeni hanga'-na!” ”Une'-imi Pue' Ala to hi suruga, apa' nawai'-tamo kalompea'.”

Roma 9:5

Hira' toe muli Abraham, Ishak pai' Yakub, totu'a-ra owi to napelihi Alata'ala. Pai' hi kaputu-na Magau' Topetolo' mewali manusia', putu ngkai muli to Israel wo'o-i-wadi-hawo. Magau' Topetolo' toei meliu kuasa-na ngkai hawe'ea, Hi'a-mi Alata'ala to masipato' ta'une' duu' kahae–hae-na. Amin!

Ibrani 12:2

Mata-ta mpototopa Yesus, Pangkeni-ta to mpotate ohea-ta pai' to mposipolea pepangala'-ta. Ntaha-i mpotodohaka kaparia duu'-na mate hi kaju parika'. Kamate-na hi kaju parika' toe anu me'eai' lia. Aga nau' wae, uma natapari, na'agi mate raparika', apa' napoimata–mata kagoea' to narata mpai' ngkabokoa'. Wae lau mohura-imi hi mali ngka'ana Pohuraa Alata'ala hi suruga.