Lukas 1:4 - Buku Tomoroli' Pojanci to Bo'u

⁴ Patuju-ku, bona nu'inca kamakono-na mpu'u napa to oti-mi ratudui'-koko.

Lukas 1:4 Iomraidhean Croise

Yohanes 20:31

Aga napa to ku'uki' hi rehe'i, ku'uki' bona nipangala' kaYesus-na Magau' Topetolo', Ana' Alata'ala, pai' bona mporata-koi katuwua' to lompe' duu' kahae–hae-na ngkai pepangala'-ni hi Hi'a.

Suro 18:25

Oti wo'o-imi ratudui' tutura-na Pue' Yesus. Jadi', karata-na hi Efesus, metudui'-i hante nono-na mpu'u, mpotudui' tauna tutura Yesus hante kanoto–noto-na. Aga ko'ia na'incai omea tudui'-na Yesus, lako' peniu' Yohanes Topeniu'-pidi to na'inca.

Roma 2:18

Kita' to Yahudi, ta'inca konoa Pue' pai' ta'inca mpoposisala napa to lompe' pai' napa to dada'a, apa' tarata tudui' ngkai Atura Pue'.

1 Korintus 14:19

Aga hi rala pogamparaa, agina lau-pi mololita-a hante basa to ra'inca doo bona rapaha lolita-ku. Agina-pi mololita hamela romela-wadi mpotudui' doo, ngkai mololita moloe hi rala basa to ngkai Inoha' Tomoroli' to uma rapaha doo.

Galatia 6:6

Tauna to ratudui' Lolita Alata'ala kana mpobagii to mpotudui'-i ngkai rasi' ba napa–napa to ria hi hi'a.