Lukas 1:32 - Buku Tomoroli' Pojanci to Bo'u

³² Hi'a mpai' jadi' tauna to bohe tuwu'-na, pai'-i rahanga' Ana' Alata'ala to hi suruga. Pai' Pue' Alata'ala mpo'ongko'-i jadi' Magau', hewa Magau' Daud, ntu'a-na owi.

Lukas 1:32 Iomraidhean Croise

Matius 1:1

Toi-mi pomeduncu–duncu to mpomuli-ki Yesus Kristus. Yesus muli Magau' Daud, muli Abraham.

Matius 12:42

Wae wo'o hi Eo Kiama, raja bine ngkai Selatan rapotuwu' nculii' hangkaa–ngkania hante koi' to tuwu' tempo toi, pai' natudo' sala'-ni. Apa' momako'-i tumai ngkai ngata-na to molaa lia, apa' doko' mpu'u-i mpo'epe lolita Magau' Salomo to pante lia. Hiaa' ria-mi hi laintongo'-ni to meliu kabohe tuwu'-na ngkai Salomo, aga uma oa' nipangala' lolita-na.

Matius 28:18

Yesus mpomohui'-ra pai' na'uli'-raka: ”Hawe'ea kuasa hi suruga pai' hi dunia' ratonu-maka.

Matius 3:11

Na'uli' wo'o-mi Yohanes: ”Aku' toi mponiu'-koi hante ue, tanda kamedea-ni ngkai jeko'-ni. Tapi' tumai-i mpai' ngkabokoa' ngkai aku' hadua to meliu kuasa-na ngkai aku'. Bangku' jadi' pahawaa'-na to mpokeni sapatu'-na, uma-a-kuwo natao. Hi'a mpai' to mponiu'-koi hante Inoha' Tomoroli' pai' hante apu.

Markus 14:61

Aga Yesus, uma-i winihi, uma-i metompoi' nau' hamelaa. Hangkani-pi Imam Bohe mpekune'-i: ”Ha Iko mpu'u-mi Magau' Topetolo', Ana' Alata'ala to Moroli'?”

Markus 5:7

Yesus mpohubui anudaa' malai, na'uli': ”Malai-moko ngkai tauna tetui!” Mejeu' tau toei na'uli': ”Ee Yesus Ana' Alata'ala to hi suruga! Napa-di-kona pai' tumai-koe? Hante hanga' Alata'ala merapi'-a bona neo'-a-kuwo nusesa'.”

Lukas 1:15

Hi'a jadi' tau bohe hi poncilo Pue'. Uma-i ma'ala nginu anggur ba napa–napa to melanguhi, pai' Inoha' Tomoroli' mpokuasai-i ngkai lomo' kaputu-na.

Lukas 1:35

Na'uli' mala'eka: ”Inoha' Tomoroli' mpai' mana'u hi iko, pai' kabaraka' Alata'ala to hi suruga ngkamoui-ko. Toe pai' ana' to putu toe mpai' rahanga' moroli', Ana' Alata'ala.

Lukas 1:76

Hiaa' ane iko, ana'-ku, iko mpai' rahanga' nabi Pue' Ala to hi suruga. Apa' iko-mi mpai' to mako' meri'ulu ngkai Pue', bona mporodo ohea-na.

Lukas 3:16

Toe pai' Yohanes mpo'uli'-raka omea: ”Ane aku'-le, mponiu'-koi hante ue-wadi, tanda kamedea-ni ngkai jeko'-ni. Tapi' tumai-i mpai' to meliu kuasa-na ngkai aku'. Bangku' jadi' pahawaa'-na to mpobongka koloro sapatu'-na, uma-a-kuwo natao. Hi'a mpai' to mponiu'-koi hante Inoha' Tomoroli' pai' hante apu.

Lukas 6:35

”Neo' hewa tetu! Kana tapoka'ahi' bali'-ta, mo'ingku lompe' hi hira'. Wai'-ra hema to doko' mpohentai-ta, pai' neo' ncarumaka ponculia'-na. Ane wae po'ingku-ta, bohe mpai' rasi' to tarata hi eo mpeno, pai' tatuku'-mi po'ingku Pue' Ala to hi suruga. Apa' manara-i Pue' hi tauna to uma mpo'incai mpo'uli' tarima kasi pai' hi tauna to dada'a.

Yohanes 12:34

Ra'uli' ntodea: ”Hi rala Atura Pue' kibasa: Magau' Topetolo' tuwu' duu' kahae–hae-na. Napa-kona pai' nu'uli' Ana' Manusia' kana rapokalangko hi wongko dunia'? Ana' Manusia' to'uma wo'o-pi to nu'uli' tetu-e?”

Yohanes 6:69

Kipangala'-mi pai' ki'inca ka'Iko-na Suro to moroli' ngkai Alata'ala.”

Suro 16:17

Tobine toei ntora mpotuku'-kai kai' Paulus, pai' ntora mejeu'-i, na'uli': ”Tauna tohe'ira batua Alata'ala to meliu baraka'-na ngkai hawe'ea to rapue'! Tumai-ra toi-e mpo'uli'-kokoi ohea bona tehore-koi ngkai huku' jeko'-ni.”

Suro 2:30

Daud hadua nabi, pai' na'inca ami' napa to nababehi Alata'ala hi eo mpeno. Alata'ala mpobabehi janci-na hi Daud hante mosumpa, na'uli': hadua mpai' ngkai muli Daud na'ongko' jadi' magau' hewa Daud moto. Jadi', toe pai' Daud mpolowa ami'-mi katuwu'-na nculii' Magau' Topetolo', na'uli': uma-i rapelele' hi po'ohaa' tomate, pai' woto-na uma rapelele' hi rala daeo' duu'-na pope.

Suro 2:36

Jadi', toe pai' hawe'ea to Israel kana mpo'inca mpu'u–mpu'u: Yesus to niparika'-e, Hi'a toe-mi to napelihi Alata'ala jadi' Pue' pai' Magau' Topetolo'.”

Suro 7:48

”Tapi' kakoo–kono-na, Alata'ala uma-i-hana mo'oha' hi tomi to nababehi manusia'. Apa' meliu kabaraka'-na ngkai hawe'ea to rapue'. Ria hadua nabi owi to mpo'uli' hewa toi:

Pangila 3:7

Na'uli' wo'o-mi Pue' Yesus mpo'uli'-ka: ”Uki' hewa tohe'i hi mala'eka to mpewili' topetuku'-ku hi ngata Filadelfia: ”Ohe'i lolita-na Pue' Yesus, Hi'a to moroli' pai' to makono. Hi'a-mi to mokuasa hi kamagaua' Daud. Ane Hi'a mpobea wobo', uma hema to ma'ala mpo'unca. Ane Hi'a mpo'unca, uma hema to ma'ala mpobea.