Lukas 1:30 - Buku Tomoroli' Pojanci to Bo'u

³⁰ Na'uli' wo'o-mi mala'eka: ”Neo'-ko me'eka' Maria, apa' iko-mi to napokono Alata'ala bona mporata pegane'-na.

Lukas 1:30 Iomraidhean Croise

Matius 14:27

Ncaliu na'uli'-raka Yesus: ”Pakaroho nono-ni! Neo' me'eka'! Aku'-mile toi-e.”

Matius 28:5

Na'uli' mala'eka mpo'uli'-raka tobine toera: ”Neo'-koi me'eka', ku'inca moto mpali'-koi Yesus to mate raparika'.

Lukas 1:13

Na'uli' mala'eka toei: ”Zakharia, neo'-ko me'eka', apa' Pue' Ala mpo'epe pomperapia'-nu. Elisabet tobine-nu mo'ana' mpai', hadua ana' tomane. Ana' tetui kana nuhanga' Yohanes.

Lukas 12:32

”Koi' to mpotuku'-a, uma-koi hangkuja-na. Aga nau' wae, neo'-koi me'eka'. Apa' Alata'ala Tuama-ni mpopelihi-mokoi ngkai kabula rala-na, napajadi'-koi ntodea-na hi rala Kamagaua'-na.

Suro 27:24

Na'uli'-ka mala'eka toei: ’Neo'-ko me'eka', Paulus. Apa' bate rata moto-ko mpai' hi Roma mponyanyo magau' hi ria. Pai' ngkai kama'ahi'-na Alata'ala hi iko, hawe'ea tauna to hi rala kapal dohe-nu, uma-ra moapa.’

Roma 8:31

Ane tapenonoi hawe'ea to nababehi Alata'ala toe, teperohoi-mi nono-ta. Ane ntoa' Alata'ala tono' hi kita', hema mpai' to hompe mpo'ewa-ta!

Ibrani 13:6

Toe pai' moroho nono-ta, pai' ta'uli': ”Pue' to mpotulungi-a, uma-a me'eka'. Uma kupoka'eka' ba napa to rababehi-ka manusia'.”