Lukas 1:20 - Buku Tomoroli' Pojanci to Bo'u

²⁰ Napa to ku'uli'-koko toe we'i, bate madupa' ane rata-pi mpai' tempo-na. Aga iko-kona, apa' uma nuparasaya lolita-kue, wae-pi ngkai wae lau, uma-poko howa' mololita duu'-na madupa' mpu'u lolita-ku.”

Lukas 1:20 Iomraidhean Croise

Markus 16:14

Ngkai ree, mehupa' wo'o-imi hi ana'guru-na to hampulu' hadua bula-ra ngkoni'. Nakamaro-ra apa' kura' pepangala'-ra pai' motu'a nono-ra. Nau' ria-mi tauna to mpohilo-i, uma oa'-ra dota mparasaya katuwu'-na nculii' mpu'u-imi.

Markus 9:19

Na'uli' Yesus: ”Uma mowo-koie'. Ko'ia oa'-tano mepangala'-koie! Ni'uli'-koina hangkuja tena-pi kahae-ku dohe-ni, hangkuja tena-pi kahae-na kupengkatarii kalente pepangala'-nie! Keni tumai ana' tetui!”

Lukas 1:19

Natompoi' mala'eka toei: ”Aku' toi Gabriel, pahawaa' Alata'ala to ngkai suruga. Alata'ala mposuro-a tumai mpoparata-koko kareba toe.

Lukas 1:21

Bula-na Zakharia hi rala Tomi Alata'ala, kapea–pea-ramo ntodea hi mali-na. Ingu'-ra apa' mahae rahi-i.

Lukas 1:22

Pehupa'-na hi mali-na, uma-ipi howa' mpololitai-ra. Muntu' mohuka'-i-damo pai' bate uma-i howa' mololita. Toe pai' ra'inca-mi ntodea karia-na to nahilo hi rala Tomi Alata'ala.

Lukas 1:45

Morasi' mpu'u-ko, apa' nupangala' lolita Pue', apa' napa to na'uli'-koko bate madupa'.”

Lukas 1:64

Nto'u toe, muu–mule' howa' nculii'-imi mololita, pai'-i mpo'une'–une' Alata'ala.

Roma 3:3

To Yahudi to hantongo' uma tida mepangala' hi Alata'ala. Aga nau' wae, Alata'ala bate tida mpo'ihii' tipa'-na.

2 Timotius 2:13

Nau' molaka' pepangala'-ta hi Hi'a, uma molaka' pepewili'-na hi kita'. Apa' uma-i bisa mo'ungkere' ngkai lolita-na.

Titus 1:2

duu'-na mporata-tamo katuwua' to lompe' duu' kahae–hae-na, hewa to najanci-taka. Apa' kako'ia-na napajadi' dunia', mojanci-i kanawai'-ta katuwua' to lompe'–pai' Alata'ala uma-i-hana moboa'.

Ibrani 6:18

Alata'ala, uma-i boa' mpo'uli' janci-na, uma wo'o-i boa' mpohowa' sumpa-na. Pai' lolita-na to ronyala toe uma mobali'. Jadi', ngkai pojanci pai' posumpa-na Alata'ala toe, moroho-mi nono-ta ompi'. Apa' kita' toi, tauna to mpopepotuwu' hi Alata'ala, tasarumaka Hi'a-damo to mpowai'-ta kalompea'. Ngkai pojanci pai' posumpa Alata'ala toe, terohoi-mi nono-ta bona neo' tabahakai ncarumaka Alata'ala pai' mpopea napa to najanci-taka hi eo mpeno-na.

Pangila 3:19

Butu dua tauna to kupe'ahi', kukaroe pai' kuweba' mpotudui'-ra. Toe pai' ku'uli', apui nono-ni, pai' medea-mokoi ngkai kamo'omu'eo-ni!