Lukas 1:2 - Buku Tomoroli' Pojanci to Bo'u

² To ra'uki' tohe'e, hibalia hante tutura to raparata-taka tauna to mpohilo mata moto-mi hawe'ea to jadi' toe ngkai lomo'-na pai' to jadi' pangkeni Lolita Pue'.

Lukas 1:2 Iomraidhean Croise

Markus 1:1

Tohe'i-mi Kareba Lompe', tutura katuwu'-na Yesus Kristus, Ana' Alata'ala.

Markus 16:20

Ngkai ree, topetuku'-na hilou mpopalele Kareba Lompe' hiapa–apa. Pue' mobago hangkaa–ngkania dohe-ra, pai' nawai'-ra kuasa mpobabehi tanda mekoncehi bona mporohoi kamakono-na Kareba to rakeni. [

Markus 4:14

Topohawu', hira'-mi tauna to mpoparata Lolita Alata'ala.

Lukas 24:48

Koi'-mile to jadi' sabi' ngkai hawe'ea tohe'e-e lau.

Yohanes 15:27

Pai' koi' wo'o jadi' sabi'-ku, apa' koi'-mi to dohe-ku ngkai pontepu'ua bago-ku hi dunia'.

Yohanes 16:4

Ku'uli'-kokoi tohe'i, bona ane madupa'-pi mpai', nikiwoi-mi ka'oti-nami ku'uli'-kokoi. ”Hawe'ea tudui' toi uma ku'uli'-kokoi ngkai lomo'-na, apa' hi rehe'i-a-pidi dohe-ni.

Suro 1:8

Sampale-di, mporata-koi mpai' baraka' ane hompo-ipi Inoha' Tomoroli' hi koi'. Nto'u toe mpai', koi' jadi' sabi'-ku hi Yerusalem, hi tana' Yudea pai' Samaria, duu' rata hi humalili' dunia'.”

Suro 14:25

Ngkai ree-ra mpokeni Lolita Alata'ala hi ngata Perga, pai' lako' mana'u-ra hilou hi wiwi' tahi' rata hi ngata Atalia.

Suro 16:6

Inoha' Tomoroli' uma mpiliu-ra Paulus pai' doo-na mpoparata Lolita Pue' Ala hi propinsi Asia. Toe pai' rabalii'-mi patuju-ra, pai' hilou-ramo mpodaoi' tana' Frigia pai' Galatia.

Suro 17:11

To Yahudi to hi Berea toera, lompe' nono-ra, uma-ra hewa to hi Tesalonika. Goe'-ra mpo'epe Kareba Yesus, pai' butu eo-na rapewulihi' Buku Tomoroli' bona ra'inca ba makono lolita Paulus ba uma.

Suro 26:16

Aga wae lau, mokore-moko! Mehupa'-ama hi iko hewa toe lau, apa' ria patuju-ku hi iko: kupelihi-moko jadi' topobago-ku pai' sabi'-ku. Iko kana mpoparata hi tau ntani'-na napa to nuhilo-mi eo toe lau, pai' napa to kupopohiloi-koko hi eo–eo to tumai mpai'.

Suro 4:20

Ane kai'-kaina, uma ma'ala kipento'oi mpololita napa to kihilo pai' to ki'epe-mi.”

Suro 8:4

Jadi', topetuku' Yesus to metibo' ngkai Yerusalem toera, hiapa kahiloua-ra raparata oa' Lolita Pue'.

Roma 15:16

Na'ongko'-a jadi' pahawaa' Kristus Yesus, napajadi'-a suro-na hi tauna to bela-ra to Yahudi. Pai' bago-ku toe ma'ala rarapai'-ki pobago imam, apa' kuparata Kareba Lompe' hi tauna to bela-ra to Yahudi, pai' hira' to mepangala' hi Pue' Yesus kuponcawa hewa pepue' to kutonu hi Alata'ala. Pai' pepue'-ku toe bate natarima Alata'ala, apa' Inoha' Tomoroli' mpomoroli'-ra pai' mpopajadi'-ra bagia Alata'ala.

1 Korintus 4:1

Ane kai' pangkeni-ni, agina ni'uli' pahawaa'-wadi-ka-kaiwo, apa' kai' pahawaa' Kristus, to nasarumaka mpokeni kareba ngkai Alata'ala to ko'ia ra'incai ihi' dunia'.

Ibrani 2:3

Jadi', hangkedi' katomo-na pehuku' Alata'ala hi tauna to uma mposaile' kareba kalompea' to naparata Ana' Alata'ala hi kita'! Apa' meliu kalompe'-na kareba toe ngkai lolita to raparata mala'eka owi. Jadi', ane uma tasaile' kalompea' toe, bate uma-tale tebahaka ngkai huku'-e! Pue' Yesus moto-mi to lomo'-na mpopalele kareba kalompea' toe. Pai' tauna to mpo'epe kareba toe ngkai wiwi-na moto-mi, hira' to mpotutura-taka, alaa-na ta'inca kamakono-na.

1 Petrus 5:1

Ria wo'o pomperapia'-ku hi koi' to jadi' pangkeni hi rala agama. Ku'uki'-kokoi tohe'i apa' aku' wo'o hadua pangkeni agama, pai' kusabii' moto-mi kaparia to narata Kristus owi. Pai' ane rata nculii'-ipi mpai' Kristus mpopehuwu kabohe tuwu'-na hi hawe'ea tauna, aku' wo'o mporata bagia hi rala kabohe tuwu'-na toe.

2 Petrus 1:16

Kitudui'-kokoi kabohe baraka'-na Pue'-ta Yesus Kristus pai' karata-na nculii' mpai' hi dunia'. To kitudui'-kokoi toe, bela jarita to ratamangko-wadi. Ki'inca toe, apa' mata-kai moto-mi mposabii' kabohe tuwu'-na.