Lukas 1:17 - Buku Tomoroli' Pojanci to Bo'u

¹⁷ Ana'-nu tetui mpai' jadi' suro to mako' meri'ulu ngkai Pue' hante kuasa pai' kabaraka'-na nabi Elia owi. Napopohintuwu' ana'–ana' hante tuama-ra. Pai' tauna to uma mpotuku' Pue' natete' nculii' hi ohea to monoa' bona monoto nono-ra. Hawe'ea toe nababehi bona mporodo nono ntodea, bona sadia-ramo mpotarima Pue'.”

Lukas 1:17 Iomraidhean Croise

Matius 11:14

Ria nabi owi to mpolowa karata-na nculii' nabi Elia. Jadi', ane dota nipangala', Yohanes toe-mile nabi Elia to ralowa owi-e.

Matius 3:3

Yohanes toe-imi to nalowa nabi Yesaya owi. Na'uli' Yesaya hewa toi: ”Ria tauna to mekio' hi papada to wao', na'uli': ’Neo' rata-imi Pue'! Porodo ami'-miki ohea-na. Nipakalempe ami'-mi ohea to natara mpai'.’ ”

Matius 3:4

Pohea-na Yohanes rababehi ngkai wulu porewua to rahanga' unta. Salepe'-na ngkai kuliba. Koni'-na lari pai' ue wani.

Lukas 1:16

Wori' muli Israel natete' nculii' bona mepangala'-ra hi Alata'ala to rapue' ntu'a-ra owi.

Lukas 1:76

Hiaa' ane iko, ana'-ku, iko mpai' rahanga' nabi Pue' Ala to hi suruga. Apa' iko-mi mpai' to mako' meri'ulu ngkai Pue', bona mporodo ohea-na.

Yohanes 1:13

Uma-ra mewali ana' Alata'ala sabana totu'a-ra, bela wo'o ngkai kuasa manusia', ba ngkai poncamoko. Alata'ala moto to mpopajadi'-ra ana'-na.

Yohanes 3:28

Ni'epe moto-mi wengi lolita-ku. Ku'uli': aku' bela Magau' Topetolo'. Pai'-a tumai-kuwo-le, tumai meri'ulu ngkai Hi'a mporodo-ki ohea-na.

Suro 10:33

Toe pai' kupesahui mpotuma tauna tilou mpokio'-ko. Hiaa' lompe' mpu'u nono-nu, baa' he'i-madakoe. Jadi' hewa toe lau, morumpu-makai hi rehe'i natiroi Alata'ala, doko' mpo'epe hawe'ea to nahubui-koko Alata'ala mpo'uli'-kakai.”

Roma 9:23

Nababehi toe bona mpopohiloi ka'uma-na mowo kabohe tuwu'-na hi tauna to napoka'ahi' pai' to napakasadia ami'-mi mporata bagia hi rala kabohe tuwu'-na toe.

Kolose 1:12

Mosampaya-kai bona goe' oa' nono-ni mpo'uli' tarima kasi hi Tuama-ta, apa' Hi'a-mi to mpo'ongko'-koi jadi' ana'-na, alaa-na masipato'-koi mporata bagia hangkaa–ngkania hante hawe'ea topetuku'-na hi rala Kamagaua'-na to mobaja.

2 Timotius 2:21

Jadi', ane tabahakai kehi-ta to dada'a, kita' jadi' hewa rewa to lompe', to rahenta mpobila' torata. Batua-na, kita' jadi' topobago to moroli' pai' to ria kalaua-na hi Pue'-ta, pai' sadia-ta mpobago butu nyala pobago to lompe'.

1 Petrus 2:9

Aga koi' ompi'–ompi', napelihi-moko-koina Alata'ala, napajadi'-koi imam–imam to mpokamu bago mpepue' hi Magau'-ta. Napatani'-koi jadi' bagia-na pai' ntodea-na to moroli'. Nababehi toe bona koi' mpopalele hi hawe'ea tauna babehia-na to mobaraka', nitutura-raka kanakio'-ni malai ngkai kabengia-na mesua' hi rala kabajaa-na to uma mowo kalompe'-na.

1 Yohanes 2:28

Kakaliliua-na ana'–ana'-ku, tida-mokoi hintuwu' hante Kristus, bona ane rata nculii'-ipi mpai', daho'-tamo mponyanyo-i, uma-ta mpai' me'ea' nakaratai.

Pangila 20:4

Oti toe kuhilo ba hangkuja pohuraa, pai' tauna to mpohurai pohuraa toe rawai' kuasa mpobotuhi kara–kara. Kuhilo wo'o rate–rate tauna to rapata' wuroko'-ra apa' mpangaku'-ra kaYesus-na Pue'-ra pai' mpangala'-ra Lolita Alata'ala. Tauna toera, uma-ra-rana mponyompa binata to dada'a ba pinotau-na, uma wo'o-ra mpotarima tanda binata toe hi wingke-ra ba hi pale-ra. Hira' toe tuwu' nculii' pai' moparenta hangkaa–ngkania hante Kristus rala-na hancobu mpae.