Lukas 1:11 - Buku Tomoroli' Pojanci to Bo'u

¹¹ Nto'u toe, mehupa'-mi hadua mala'eka Pue' hi mali ngka'ana meja' pontunua dupa'.

Lukas 1:11 Iomraidhean Croise

Lukas 1:19

Natompoi' mala'eka toei: ”Aku' toi Gabriel, pahawaa' Alata'ala to ngkai suruga. Alata'ala mposuro-a tumai mpoparata-koko kareba toe.

Lukas 1:28

Karata-na mala'eka hi ria, na'uli'-ki Maria: ”Wori' tabe! Pue' mpogane'-ko pai' mpodohei-ko!”

Lukas 2:10

Na'uli' mala'eka toei mpo'uli'-raka: ”Neo'-koi me'eka', apa' katumai-ku toi mpokeni kareba lompe' hi koi', kareba to mpakagoe' lia hawe'ea tauna.

Lukas 2:9

muu–mule' mehupa'-mi hadua mala'eka Pue' mpohirua'-raka, pai' kabaraka' Pue' mehini mpohinii-ra, alaa-na me'eka' lia-ramo.

Suro 5:19

Ngkabengia toe, hadua mala'eka Pue' mpobea wobo' tarungku' pai' nakeni-ra hilou hi mali-na. Na'uli' mala'eka toei mpo'uli'-raka:

Ibrani 1:14

Ane hawe'ea mala'eka, pahawaa' Alata'ala-ra-wadi, to napahawa' mpotulungi tauna to mporata katuwua' to lompe' duu' kahae–hae-na.

Pangila 9:13

Oti toe, mala'eka ka'ono-na mpotuwui' sangkakala-na. Ku'epe, ria to mololita ngkai opo' huno meja' pontunua dupa' to ngkai bulawa to hi nyanyoa Alata'ala.