Lukas 1:1 - Buku Tomoroli' Pojanci to Bo'u

¹ Teofilus to rabila': Wori'-mi tauna mperao mpo'uki' dala ngkatuwu'-na Yesus, hewa to jadi' ba hangkuja mpae to liu hi laintongo'-ta.

Lukas 1:1 Iomraidhean Croise

Markus 16:20

Ngkai ree, topetuku'-na hilou mpopalele Kareba Lompe' hiapa–apa. Pue' mobago hangkaa–ngkania dohe-ra, pai' nawai'-ra kuasa mpobabehi tanda mekoncehi bona mporohoi kamakono-na Kareba to rakeni. [

Yohanes 20:31

Aga napa to ku'uki' hi rehe'i, ku'uki' bona nipangala' kaYesus-na Magau' Topetolo', Ana' Alata'ala, pai' bona mporata-koi katuwua' to lompe' duu' kahae–hae-na ngkai pepangala'-ni hi Hi'a.

Roma 14:5

Ria wo'o tauna to mpo'uli' karia-na eo to matantu to meliu kanatao-na tapepuei'. Hiaa' hantongo' mpo'uli' hibalia-wadi-hawo hawe'ea eo. To poko-nale, butu dua-ta kana mparasaya hi rala nono-ta kanapokono-na Pue' pobabehi-ta.

Roma 4:21

apa' naparasaya kamobaraka'-na Alata'ala mpopadupa' janci-na.

Kolose 2:2

Pai' ku'uli'-kokoi toe, bona terohoi nono-ni omea pai' momepoka'ahi'-koi, duu'-na hintuwu'-mokoi. Konoa-ku, bona monoto mpu'u nono-ni mpopaha patuju-na Alata'ala to ko'ia ra'incai manusia' ngkai owi. Konoa-ku, bona ni'inca patuju-na Alata'ala toe hante uma ria kamoraraa'-na–batua-na, bona ni'inca-imi Kristus.

Kolose 4:12

Tabe wo'o ngkai Epafras, batua Kristus Yesus to hingka ngata-ni moto. Mosampaya oa'-i mpekakae-kokoi nte nono-na mpu'u, bona moroho pokore-ni pai' monoto pepangala'-ni mpotuku' hawe'ea konoa Alata'ala hante uma ria ruke-na.

1 Tesalonika 1:5

Ki'inca toe apa' uma kiparata kareba mara hi koi' ompi'. Kareba Lompe' to kiparata-kokoi toe, kiparata hante baraka' ngkai Inoha' Tomoroli'. Pai' kiparasaya mpu'u kamakono-na Kareba Lompe' toe. Ni'inca moto kehi-kai pai' petulungi-kai hi koi' bula-kai hi retu-pidi wengi dohe-ni. Kehi-kai toe-le mpakanoto-kokoi kamakono-na Kareba to kikeni.

1 Timotius 3:16

Uma mowo kalompe'-na tudui' to tatuku' hi pengkoru-ta hi Alata'ala. Ngkai owi, tudui' toe ko'ia rapopehuwu hi manusia', tapi' hewa toe lau napopehuwu-mitaka Alata'ala. Apa' mepangala'-ta hi Alata'ala to mewali manusia'. Inoha' Tomoroli' mpakanoto kahema-na, pai'-i rahilo mala'eka. Rapalele kareba-na hi tauna to ko'ia mpo'incai Alata'ala. Tauna hi humalili' dunia' mepangala' hi Hi'a. Ra'ongko'-imi hilou hi suruga, pai'-i rawai' kabohea tuwu'.

2 Timotius 4:17

Aga nau' uma ria doo-ku to mpodohei-a, Pue' tida oa' mpodohei-a. Nawai'-a karohoa mpohudu bago-ku mpopalele Kareba Lompe', bona hawe'ea tauna to bela-ra to Yahudi ma'ala mpo'epe. Ka'omea-na, nabahaka-a ngkai pale-ra to doko' mpopatehi-a.

Ibrani 10:22

Nono-ta napomoroli' hante raa'-na bona ta'inca ka'uma-napi ria kasalaa'-ta. Woto-ta naniu' hante ue tanda kanabohoi'-ta. Toe pai' ku'apui nono-ni ompi', mai-tamo mpomohui' Alata'ala hante nono mpu'u pai' hante pepangala' to uma-pi morara'.

Ibrani 6:11

Aga kiperapi' mpu'u ompi', bona butu dua-ni mpohuduwukui mpobabehi oa' po'ingku to hewa toe duu' hi ka'omea-na, bona nirata mpu'u mpai' napa to nisarumaka ngkai Alata'ala.