Ibrani 8:3 - Buku Tomoroli' Pojanci to Bo'u

³ Butu dua Imam Bohe ra'ongko' bona mpotonu porewua pai' pepue' ntani'-na hi Alata'ala. Wae wo'o Yesus Imam Bohe-ta toe, kana ria wo'o-hawo pepue' to natonu hi Alata'ala, toe-mi woto-na moto.

Ibrani 8:3 Iomraidhean Croise

Yohanes 6:51

Aku' toi-mi pongkoni' to mana'u tumai ngkai suruga, pongkoni' to tuwu'. Tauna to ngkoni' pongkoni' toi tuwu' duu' kahae–hae-na. Pongkoni' to tuwu' tohe'i, batua-na woto-ku to kupewai' bona manusia' mporata katuwua'.”

Roma 4:25

Yesus toe mpewai' woto-na rapatehi bona mpotolo' sala'-ta. Pai' oti toe Alata'ala mpotuwu' nculii'-i bona kita' jadi' monoa' hi poncilo-na.

Roma 5:6

Hewa toi-mi ahi' Alata'ala hi kita': hi tempo to napakatantu Alata'ala, nto'u-na uma ria karohoa-ta mpotulungi woto-ta moto, nto'u toe-mi Kristus mate mposampei-ta. Hiaa' bo nto'u toe, molaa-ta ngkai Alata'ala.

Roma 5:8

Aga uma hewa toe ahi' Alata'ala. Alata'ala mpopehuwu ahi'-na hi kita' nto'u-ta mojeko'-pidi. Apa' bula-ta mojeko'-pidi, Kristus mate mposampei-ta.

Galatia 2:20

Bela-pi aku' to tuwu' toi-e, Kristus-mi-hanale to tuwu' hi rala katuwu'-kue. Jadi', kahae-ku hi rala dunia' toi, bate mepangala'-a hi Ana' Alata'ala to mpoka'ahi'-a pai' to mpewai' woto-na rapatehi mposampei-a.

Efesus 5:2

Hi po'ingku-ta eo–eo-na, kana ma'ahi'-ta hi doo, hewa Kristus wo'o mpoka'ahi'-ta; napewai' woto-na rapatehi bona mpotolo'-ta. Pobabehi-na toe mpakagoe' nono Alata'ala, hewa pepue' to mohonga to ratonu hi Hi'a.

Titus 2:14

Napewai' woto-na rapatehi mpotolo' jeko'-ta, nabahaka-ta ngkai hawe'ea kehi-ta to dada'a, napakaroli'-ta pai' napajadi'-ta ntodea-na pai' bagia-na, to baka' mpobabehi kehi to lompe'.

Ibrani 2:17

Toe pai' Yesus kana mewali manusia' pai' jadi' hibalia hante kita' ompi'–ompi'-na hi butu nyala-na, bona Hi'a jadi' Imam Bohe to ma'ahi' pai' to tida hi kampobago-na bago to nawai'-ki Alata'ala, mpohompo' jeko' ntodea.

Ibrani 3:1

Ompi'–ompi' to napobagia Alata'ala pai' to nakio' mesua' hi suruga! Penoto' kahema-nai Suro Alata'ala pai' Imam Bohe to taparasaya, Hi'a-mi Yesus.

Ibrani 5:1

Butu dua Imam Bohe rapelihi ngkai laintongo' hingka manusia', pai'-ra ra'ongko' mpobago bago Alata'ala. Imam Bohe, pangkeni agama to mponyanyo Alata'ala mpokeni hanga' ntodea. Bago-ra, mposumale' porewua mpohompo' jeko' ntodea pai' mpotonu pepue' ntani'-na hi Alata'ala.

Ibrani 7:27

Uma-i hewa imam–imam bohe to ntani'-na. Imam toera, butu eo-na mpotonu-ra pepue', lomo'-na pepue' to mpohompo' jeko'-ra moto ulu, pai' lako' mpotonu-ra pepue' to mpohompo' jeko' ntodea. Yesus, hangkani lau-i-wadi mpotonu pepue'-na hi Alata'ala, nto'u-na mpotonu woto-na moto bona rapatehi. Pepue'-na toe uma-pi mingki' rahulii' tena duu' kahae–hae-na.

Ibrani 8:4

Ane rapa'-na hi dunia' toi-i-pidi Yesus, ke uma-i jadi' imam, apa' ria-ramo imam to mpotonu pepue' hi Alata'ala ntuku' Atura Musa.

Ibrani 9:14

peliu–liu-nami raa' Kristus! Hante pekeni Inoha' Tomoroli' to tuwu' duu' kahae–hae-na, Kristus mpotonu woto-na moto-mi hi Alata'ala raponcawa pepue' to uma ria kakuraa'-na. Raa'-na toe mpobohoi' nono-ta ngkai hawe'ea gau' to uma ria kalaua-na, bona ma'ala-tamo mepue' hi Alata'ala to Tuwu'.