Filipi 4:9 - Buku Tomoroli' Pojanci to Bo'u

⁹ Napa to nipenau' ngkai aku', lompe' tudui'-ku to ni'epe-mi pai' to nitarima, duu'-na gau'-ku to nihilo moto-mi, toe-mi to nibabehi. Ane hewa toe-pi kehi-ni, Alata'ala mpodohei-koi pai' mpakarodo nono-ni.

Filipi 4:9 Iomraidhean Croise

Matius 1:23

”Hadua toronaa mpai' motina'i, mpo'ana'-ki hadua ana' tomane. Ana' toei mpai' rahanga' Imanuel.” Batua-na: ”Alata'ala mpodohei-ta.”

Matius 28:20

Tudui'-ramo mpotuku' hawe'ea to kuhawai'-kokoi. Kiwoi-koi: kudohei moto-koi duu'-na hi kahudua dunia'.”

Matius 7:21

”Wori' tauna to mpokio'-a ’Pue'! Pue'!’ aga uma hawe'ea-ra to jadi' ntodea Alata'ala hi rala Kamagaua'-na. Muntu' tauna to mpobabehi konoa Tuama-ku-wadi to jadi' ntodea-na.

Lukas 6:46

”Napa pai' nikio'-a ’Pue'! Pue'!’ bo uma-di nituku' hawa'-kue!

Lukas 8:21

Tapi' Yesus mpo'uli'-raka: ”Ane to kupotina pai' to kupo'ompi'-le, tauna to mpo'epe pai' mpotuku' Lolita Alata'ala.”

Yohanes 13:17

Ane ni'inca-damo tudui' toi, marasi'-koi ane nituku'.

Yohanes 15:14

Doo-ku omea-mokoi, ane nituku' hawa'-ku.

Yohanes 2:5

Ngkai ree, na'uli' tina-na Yesus mpo'uli'-raka topobago: ”Napa–napa mpai' to nahubui-kokoi Yesus, nibabehi-e'!”

Suro 9:6

Wae-pi, memata-moko, mesua' hi rala ngata. Hi ria-damo mpai' ra'uli'-koko napa to kana nubabehi.”

Roma 15:33

Kusarumaka Alata'ala to mpowai'-ta kalompea' tuwu' mpodohei-koi omea. Amin!

Roma 16:20

Mekakae-a hi Alata'ala to mpowai'-ta kalompea' tuwu' bona haliu nadagi pai' nakero kuasa Magau' Anudaa' hi rala katuwu'-ni. Kabula rala-na Pue'-ta Pue' Yesus Kristus rata hi koi' ompi'. Amin!

1 Korintus 10:31

Aga aku' mpo'uli': ane ngkoni' ba nginu-ta, ba napa–napa to tababehi, babehi-mi-hana bona Alata'ala rapomobohe.

1 Korintus 14:33

Apa' konoa Alata'ala, bona tiapa' pogampara-ta, uma napokonoi to moguriwo'. Toe-mi atura to ratuku' hi hawe'ea pogamparaa to Kristen hi butu–butu ngata.

1 Korintus 4:16

Toe pai' kuperapi' mpu'u ompi' bona nituku' po'ingku-ku.

2 Korintus 13:11

Ka'omea-na ompi', kana goe'-koi. Pakanoto petuku'-ni hi Pue', pakaroho nono-ni hante paresa'-ku, hanono lau-mokoi pai' tuwu' hintuwu'. Pai' Alata'ala mpodohei-koi: napopohiloi-koi ahi'-na pai' nawai'-koi kalompea' tuwu'.

Filipi 3:17

Ompi'-ku omea, kuperapi' bona nipenau' po'ingku-ku. Bula-kai ria dohe-ni, kipopohiloi-mokoi kehi to lompe'. Petonoi pai' penonoi tauna to mpotuku' po'ingku-kai toe.

Filipi 4:7

Ane nitonu kakoroa'-ni hi Alata'ala, nawai'-koi kalompea' to meliu ngkai pekiri manusia', alaa-na rodo-mi nono-ni pai' pekiri-ni hi posidaia'-ni hante Kristus Yesus.

1 Tesalonika 1:6

Pai' koi' ompi', kani'epe-na Kareba Lompe' toe, nituku'-mi kehi-kai, pai' kehi-na Pue' Yesus wo'o. Apa' nau' rabalinai' gaga-koi, goe' oa' nono-ni mpotarima Kareba Lompe' toe. Inoha' Tomoroli'-hana to mpowai'-koi kagoea' tetu-e ompi'.

1 Tesalonika 2:14

Ki'inca toe ompi', apa' napa to jadi' hi to Kristen hi tana' Yudea to mepue' hi Alata'ala, wae wo'o to jadi' hi koi'. Koi' rabalinai' hingka ngata-ni moto, wae wo'o ompi'-ta to napobagia Kristus Yesus hi Yudea toera rabalinai' hingka to Yahudi-ra.

1 Tesalonika 5:23

Mekakae-a hi Alata'ala to mpowai'-ta kalompea' tuwu', kuperapi' bona napakaroli' kehi-ni, duu'-na moroli' mpu'u-koi. Kuperapi' bona napewili'-koi, lompe' woto-ni lompe' nono ba kao'-ni, bona uma ria kasalaia'-ni nau' hangkedi' ane rata nculii'-ipi Pue'-ta Yesus Kristus.

2 Tesalonika 3:4

Jadi', apa' lawi' Pue' to mpewili'-koie, toe pai' monoa'-mi ki'inca kanituku'-na napa to kitudui'-kokoi, pai' nipokaliliu mpai' mpotuku' napa–napa to kitudui'-kokoi.

2 Timotius 4:22

Pue' mpodohei-ko, Timotius. Pai' Pue' mpogane'-koi omea. Hudu rei.

Yakobus 1:22

Jadi', kana tatuku'-mi Lolita Pue', neo' ra'epe mara-wadi. Apa' ane ta'epe mara-wadi, mpobagiu woto-ta moto-tamo.

2 Petrus 1:10

Toe-mi ompi', apa' lawi' napelihi-mokoi Alata'ala pai' nakio'-koi jadi' topetuku'-nae, nihuduwukui mpu'u-e' mpotuku' Alata'ala, bona monoa' ni'inca kanapelihi-ni pai' kanakio'-ni. Apa' ane nidonihii pepangala'-ni hante kehi hewa to ku'uli'-e we'i, bate uma-wakoi mpai' monawu',

1 Yohanes 3:22

pai' napa–napa to taperapi' bate nawai'-ta, apa' tatuku' hawa'-na pai' tababehi napa to mpakagoe' nono-na.