Filipi 4:8 - Buku Tomoroli' Pojanci to Bo'u

⁸ Ka'omea-na ompi', kuperapi' bona nipenonoi oa' napa–napa to lompe' pai' to natao ra'une'. Napa to makono, napa to masipato', napa to monoa', napa to moroli', napa to ncola, pai' napa to lompe' ra'epe doo, toe-mi to nipenonoi.

Filipi 4:8 Iomraidhean Croise

Matius 22:16

Rarata-mi akala-ra: mpahawa'-ra ba hangkuja dua topetuku'-ra hante ba hangkuja dua tauna to tono' hi Magau' Herodes hilou hi Yesus. Ra'uli' mpo'uli'-ki: ”Guru, ki'inca Guru tau manoa'. Monoa' lia tudui'-nu mpo'uli' napa konoa Alata'ala hi manusia'. Uma nupengkorui ba hema–hema, apa' uma-ko mpelence tauna.

Markus 6:20

apa' Herodes mpohubui tantara-na mpojaga-i hi rala tarungku'. Me'eka'-i mpatehi Yohanes apa' na'inca, tauna to monoa'-i pai' moroli' wo'o-i. Ane Herodes mpo'epe Yohanes mpololitai-i, mokarara' nono-na, aga goe' wo'o-i mpo'epe-i mololita.

Lukas 16:15

Yesus mpo'uli'-raka: ”Koi' tetu-mi mpemanoa' po'ingku-ni hi poncilo manusia'. Aga Alata'ala mpo'inca ihi' nono-ni. Apa' napa to rabila' manusia', napokahuku' Alata'ala.

Lukas 2:25

Hi Yerusalem nto'u toe, ria hadua tauna to rahanga' Simeon. Simeon toei, tau monoa' to mengkoru hi Alata'ala. Inoha' Tomoroli' mpodohei-i, pai'-i ncarumaka kaneo'-na rata-mi tempo-na Alata'ala mpotulungi muli Israel.

Lukas 23:50

Ria hadua tomane to rahanga' Yusuf to ngkai ngata Arimatea hi tana' Yudea. Yusuf toei, tauna to lompe' pai' monoa' ingku-na, pai' to mpopea wo'o tempo-na Alata'ala jadi' Magau' hi dunia'. Nau'-i hadua topohura hi Polibua' Bohe Agama to Yahudi, aga uma napokonoi hawa' pai' kabotu'-ra to mpo'uli' Yesus kana rapatehi.

Yohanes 7:18

Tauna to mpokeni lolita-na moto, mpope'une'-i-wadi. Tapi' tauna to mpali' karabilaa'-na Alata'ala to mposuro-i, tauna to monoa'-i, uma ria pebagiua-na.

Suro 10:22

Ratompoi': ”Kai' tohe'i, napowiwi Kapitee Kornelius. Hi'a toe, tauna to monoa' ingku-na. Mengkoru-i hi Alata'ala, pai'-i rabila' hawe'ea to Yahudi. Hadua mala'eka Pue' mpohubui-i mpokio'-ko hilou hi tomi-na, bona na'epe ba napa to nu'uli'-ki.”

Suro 22:12

”Hi Damsyik toe, ria hadua tomane, Ananias hanga'-na. Ananias toei, tau monoa'-i, moroho petuku'-na hi Atura Musa. Hawe'ea to Yahudi to mo'oha' hi Damsyik mpobila'-i.

Suro 6:3

Jadi' ompi'–ompi', agina tapelihi ngkai laintongo'-ta tau pitu to lompe' po'ingku-ra, to nakuasai Inoha' Tomoroli' pai' to monoto nono-ra, bona hira'-mi to kiwai' bago mpo'urusi kara–kara pongkoni' toe.

Roma 13:13

Babehi gau' to masipato' hi kabajaa-na. Neo' ntora mosusa' palangu–langu. Hi gau' tomane pai' tobine neo' mogau' sala' ba mpotuku' kahinaa nono-ta to dada'a. Neo' motuda' ba mohingi'.

Roma 13:3

Ane lompe' kehi-ta ompi', uma-ta me'eka' hi topoparenta. To me'eka'-le, tauna to dada'a kehi-ra. Jadi', bona neo'-ta me'eka' hi topoparenta, babehi to lompe', bona topoparenta mpo'une'-ta mpai'.

Roma 14:18

Ane hewa toe-mi petuku'-ta hi Kristus, kehi-ta mpakagoe' nono Alata'ala, pai' doo-ta mpobila'-ta.

Roma 2:29

To Yahudi to jadi' ntodea Alata'ala mpu'u-le, tauna to jadi' to Yahudi hi rala nono-ra, pai' to ratini' hi rala nono-ra. Batua-na, pobago Inoha' Tomoroli' hi rala nono-ra mpopajadi'-ra ntodea Alata'ala, uma-ra jadi' ntodea Alata'ala hi kampotuku'-ra atura–atura to te'uki'. Tauna to hewa toe-mi to na'une' Alata'ala. Nau' manusia' uma mpo'une'-ra, aga Alata'ala bate mpo'une'-ra.

1 Korintus 4:5

Toe-mi ompi', neo' mpotuntui' doo ba lompe' pobago-na ba uma. Popea karata-na nculii' Pue'. Hi'a moto mpai' to mpowongka hawe'ea to tewuni hi rala kabengia-na, Hi'a to mpopehuwu hawe'ea patuju to hi rala nono manusia'. Nto'u toe-damo mpai', butu dua tauna mporata pe'une' ngkai Alata'ala hewa to kasipato'-na.

2 Korintus 13:7

Mekakae-kai hi Alata'ala bona neo'-koi mpobabehi to sala'. Patuju-kai mosampaya hewa toe, uma-hawo bona monoto kasuro-na Pue' Yesus mpu'u-kai. Patuju-kaile, bona koi' ompi' mpobabehi to lompe'. Nau' tauna to hantongo' tetura tilou mposapuaka oa' kuasa-kai, uma beiwa, asala koi' ompi' mpobabehi to lompe'.

2 Korintus 6:8

Nau' raruge' ba ra'une'-kai, nau' ratuntui' ba rabila'-kai, bate monoto katopobago-na Alata'ala mpu'u-kai. Ria to mpo'uli' topebagiu-kai, tapi' makono lolita-kai.

2 Korintus 8:18

Dohe Titus, kihubui wo'o hadua ompi'-ta tilou. Hawe'ea topepangala' hi Pue' Yesus mpo'une' ompi'-ta toii ngkai pobago-na mpokeni Kareba Lompe'.

2 Korintus 8:21

Toe pai' ki'atoro' ami' kahema-ra doo-kai hi pomakoa'-kai toi-e, bona monoto kamonoa' po'ingku-kai, uma muntu' hi poncilo Pue', hi poncilo manusia' wo'o.

Galatia 5:22

Tapi' ane natete'-ta Inoha' Tomoroli', kehi-ta hewa toi: mpoka'ahi' doo-ta, goe'-ta, rodo nono-ta, mosabara, mo'olu pai' lompe' kehi-ta, tida pepangala'-ta,

Efesus 4:25

Toe-mi ompi', bahakai mpu'u-mi po'ingku-ni to ri'ulu toe: neo'-pi moboa', agina mpo'uli' to monoa' hi doo, apa' kita' omea bagia ngkai Woto Kristus-tamo.

Efesus 5:9

Petonoi napa kehi to masipato' hi poncilo Pue'. Apa' ngkai kamobaja nono-ni toe mehupa' hawe'ea kehi to lompe', to monoa' pai' to monoto.

Efesus 6:14

Jadi', pakaroho mpu'u pokore-ta hante rewa mpanga'e to ngkai Alata'ala. Pakaroho petuku'-ta hi tudui' to makono, taponcawa salepe' to taperii hi hope'-ta bona neo'-ta lempe'. Pakanoa' po'ingku-ta, taponcawa baju ahe' to mpetalawai' woto-ta ngkai pesori.

Filipi 3:1

Wae-pi ompi'–ompi', kana goe'-koi apa' lawi' mosidai'-mokoi hante Pue'. Uma kupemokoroi mpohulii' hi rehe'i napa to ku'uki'-mi ri'ulu. Apa' doko' kupopo'ingai'-koi bona neo' mpai' ria to mpobagiu-koi hante tudui'-ra to sala'.

Kolose 4:5

Ane niposigalo-raka to uma hampepangalaa'-ta, pakanoto mpu'u nono-ni, pai' pake' lompe' loga to ria hi koi', nibawai-ra mepangala' hi Pue'.

1 Tesalonika 4:12

Ane hewa toe po'ingku-ni, uma-koi mpai' karapi'–rapi' hi doo. Pai' tauna to uma mepangala' hi Pue' Yesus mpobila'-koi.

1 Timotius 2:2

mposampayai magau' duu'-na hawe'ea topoparenta. Kana taposampayai-ra, bona rodo-hawo katuwu'-ta pai' neo'-tawo ria to mpobalinai'-ta, bona mologa-ta mepue' hi Alata'ala pai' mpobabehi oa' gau' to natao rabila' doo.

1 Timotius 3:11

Wae wo'o tobine-ra, kana to monoto kehi-ra pai' to natao rabila', neo' to ngkeni lolita hilou–tumai. Kana ra'inca mpengkatarii konoa nono-ra to dada'a, pai' monoa' gau'-ra bona ma'ala-ra rasarumaka hi butu nyala-na.

1 Timotius 3:4

Kana na'inca mpo'atoro' lompe' tauna to tida hi rala tomi-na, pai' ana'-na kana mengkoru hi totu'a-ra pai' mpobila'-ra.

1 Timotius 4:12

Nau' mongura-pidi-ko, aga neo'-ko ma'ala rapemarua'. Kana jadi' tonco-ko hi ompi'–ompi' hampepangalaa' hi rala pololita-nu, pogau'-nu, ahi'-nu hi doo–doo, pepangala'-nu hi Pue', pai' po'ingku-nu to moroli'.

1 Timotius 5:10

Kana to monoto kalompe' gau'-ra, rapa'-na: mpewili' lompe' ana'-ra, jole' mpopehani toliu, mpotulungi ompi'–ompi' hampepangalaa'-ra, mpojampangi tauna to hi rala kasusaa', pai' biasa mpobabehi butu nyala pobago to lompe'. Tobalu to hewa toe-mi to natao rapewili' ompi'–ompi' hampepangalaa'.

1 Timotius 5:2

Tobine to meliu umuru-ra ngkai iko nuponcawa tina-nu. Pai' tobine to mongura ngkai iko nuponcawa tu'ai-nu, pai' pelompehi bona moroli' gau'-nu pai' pekiri-nu.

Titus 1:8

Tauna to nu'ongko' jadi' pangkeni agama, kana tauna to jole' metorata, tida mpobabehi to lompe', monoto pai' monoa' nono-ra, moroli' po'ingku-ra pai' to mpokule' mpengkatarii kahinaa nono-ra to dada'a.

Titus 2:14

Napewai' woto-na rapatehi mpotolo' jeko'-ta, nabahaka-ta ngkai hawe'ea kehi-ta to dada'a, napakaroli'-ta pai' napajadi'-ta ntodea-na pai' bagia-na, to baka' mpobabehi kehi to lompe'.

Titus 2:2

Totu'a–totu'a tomane kana nutudui' bona monoto nono-ra, bona ra'inca mpengkatarii kahinaa nono-ra to dada'a, pai' bona po'ingku-ra hewa totu'a to natao rabila'. Pepangala'-ra hi Pue' Yesus kana mantata' mpu'u, ahi'-ra hi doo ngkai nono mpu'u, ntaha-ra hi rala kasusaa'.

Titus 2:7

Pai' iko-kowo Titus, kana jadi' tonco-ko hi doo. Ane metudui'-ko, metudui' ngkai nono-nu mpu'u, pai' kana monoa' kehi-nu bona natao-ko rabila' doo.

Titus 3:14

Ompi'–ompi' hampepangalaa'-ta kana tida oa' mpobago bago to lompe', bona mporata-ra kaparaluua eo–eo-na, nee–neo' mpai' uma ria kalaua tuwu'-ra.

Ibrani 11:2

Ngkai pepangala'-ra, tauna tempo owi napokagoe' Alata'ala.

Ibrani 13:18

Kiperapi' bona niposampayai oa'-kai. Ki'inca kamoroli' mpontolumanu' nono-kai, apa' hi butu nyala-na doko' oa'-kai mpobabehi to monoa'.

Yakobus 1:27

Ane po'ingku tauna to mo'agama mpu'u hante uma ria pebagiua-na ba kasalaia'-na hi poncilo Alata'ala to Tuama, hewa toi: mpewili' ana' ilu pai' tobalu to mpe'ahii' tuwu'-ra, pai' neo' mpotuku' gau'-ra to uma mpo'incai Alata'ala.

Yakobus 3:17

Aga ane tauna to mporata mpu'u kanotoa nono ngkai Alata'ala, hewa toi po'ingku-ra: lomo'–lomo'-na moroli' nono-ra. Doko' tuwu' hintuwu'-ra hante doo, mo'olu nono-ra pai'-ra mpotuku' konoa doo. Jau-ra mpotulungi tauna to mpe'ahii', pai' mpobabehi kehi to lompe'. Uma-ra mopahamalia pai' uma-ra turu mpomahapi.

1 Petrus 1:22

Jadi' ompi'–ompi', nituku'-mi Kareba to makono, pai' nipakaroli' nono-ni bona ma'ala-koi mpoka'ahi' ompi' hampepangalaa'-ni hante nono-ni mpu'u. Toe pai' kuparesai'-koi bona momepoka'ahi' mpu'u–mpu'u-koi hadua pai' hadua hante karoli'–roli' nono-ni.

1 Petrus 2:12

Pontu-na ria tauna to uma mpo'incai Pue' to mpobalihi-koi, ra'uli' dada'a gau'-ni. Toe pai' kana nipelompehi mpu'u po'ingku-ni, bona rahilo kalompe' po'ingku-ni toe. Ka'omea-na mpai', rapangaku'-mi kalompe' po'ingku-ni, pai' mpo'une' Alata'ala-ramo hi eo karata-na.

1 Petrus 4:8

Melabi ngkai hawe'ea-na, momepoka'ahi'-mokoi ngkai nono-ni mpu'u, apa' ane tapoka'ahi' doo-ta, uma tapoinono sala'-ra to wori' hi kita'.

2 Petrus 3:1

Ompi'–ompi' to kupe'ahi'! Toi sura-ku karongkani-na hi koi'. Rala sura-ku to rontau toi, ku'apui nono-ni hante mpopokiwoii-koi tudui' to makono, bona moroli' pekiri-ni.

1 Yohanes 3:18

Ana'–ana'-ku, neo' ma'ahi' hi wiwi-wadi, neo' ta'uli' kampoka'ahi'-ta ompi'-ta pai' uma tababehi napa–napa mpotulungi-ra. Ma'ahi'-ta hante kehi-ta, apa' toe-mi ahi' to makono mpu'u.

1 Yohanes 3:3

Hawe'ea tauna to ncarumaka Kristus hewa toe, bate mpakaroli' katuwu'-ra, hewa kamoroli'-na Kristus.

1 Yohanes 4:1

Ompi'–ompi' to kupe'ahi'! Neo' ncaliu nipangala' hawe'ea tauna to mpo'uli' ria Inoha' Alata'ala hi hira'. Petonoi ulu, ba mpu'u–mpu'u-ra ngkai Alata'ala ba uma-di. Apa' wori' nabi boa' modao' hiapa–apa.