Filipi 4:7 - Buku Tomoroli' Pojanci to Bo'u

⁷ Ane nitonu kakoroa'-ni hi Alata'ala, nawai'-koi kalompea' to meliu ngkai pekiri manusia', alaa-na rodo-mi nono-ni pai' pekiri-ni hi posidaia'-ni hante Kristus Yesus.

Filipi 4:7 Iomraidhean Croise

Lukas 1:79

Tumai-i mpobajahi nono tauna to hi rala kabengia-na pai' to me'eka' mpoka'eka' kamatea. Natete'-ta hi ohea to mpotoa' kalompea' tuwu'.”

Lukas 2:14

”Mai-tamo mpo'une' Alata'ala to hi suruga! Pai' hi dunia', tauna to napokono mporata kalompea' tuwu'.”

Yohanes 14:27

”Kalompea' kutu'u-kokoi. Kalompea' to ngkai Aku' moto-mi to kuwai'-kokoi. To kuwai'-kokoi toi-e, uma hewa to nirata ngkai dunia' toi. Neo' susa' nono-ni, pai' neo' me'eka'.

Yohanes 16:33

Hawe'ea toi ku'uli'-kokoi, bona mporata-koi kalompea' tuwu' ngkai posidaia'-ni hante Aku'. Bula-ni hi rala dunia' toi-pidi, bate rabalinai'-koi. Aga pakaroho nono-ni, apa' kudagi-mi dunia' toi.”

Roma 1:7

Toe pai' kupakatu sura toi hi hawe'ea to Kristen hi Roma. Nape'ahi'-mokoi Alata'ala pai' nakio'-koi jadi' topetuku'-na to moroli'. Wori' tabe: mekakae-a hi Alata'ala Tuama-ta pai' hi Pue' Yesus Kristus bona nagane'-koi ngkai kabula rala-na pai' nawai'-koi kalompea' tuwu'.

Roma 14:17

Apa' hi rala Kamagaua' Alata'ala, bela ada pongkoni' ba ponginu to jadi' poko-na. Poko-nale, nono to monoa', hintuwu' hante doo, pai' kagoea' nono to nawai'-taka Inoha' Tomoroli'.

Roma 15:13

Alata'ala mpu'u-mi poncarumakaa-ta! Toe pai' mekakae-a hi Alata'ala, kuperapi' bona nawai'-koi kagoea' pai' kalompea' tuwu' to hompe mpu'u, ngkai pepangala'-ni hi Pue' Yesus. Kuperapi' bona narohoi nono-ni hante baraka' Inoha' Tomoroli' bona kamoroo–rohoa poncarumakaa-ni hi Hi'a.

Roma 5:1

Jadi', apa' lawi' monoa'-tamo hi poncilo Alata'ala ngkai pepangala'-tae, lompe'-mi posidai'-ta hante Alata'ala sabana Pue'-ta Yesus Kristus.

2 Korintus 10:5

kipakule' mpodagi-ra to mpohono' tudui' to makono, kipakule' mpo'ewa-ra to molangko nono-ra pai' to mpolawa' doo bona neo'-ra mpo'incai Alata'ala. Hante karohoa to ngkai Alata'ala, kibalii' nono-ra to mesapuaka, pai' kikeni-ra mengkoru hi Kristus.

2 Korintus 13:11

Ka'omea-na ompi', kana goe'-koi. Pakanoto petuku'-ni hi Pue', pakaroho nono-ni hante paresa'-ku, hanono lau-mokoi pai' tuwu' hintuwu'. Pai' Alata'ala mpodohei-koi: napopohiloi-koi ahi'-na pai' nawai'-koi kalompea' tuwu'.

Galatia 5:22

Tapi' ane natete'-ta Inoha' Tomoroli', kehi-ta hewa toi: mpoka'ahi' doo-ta, goe'-ta, rodo nono-ta, mosabara, mo'olu pai' lompe' kehi-ta, tida pepangala'-ta,

Filipi 1:1

Sura toi ngkai aku' Paulus pai' Timotius, batua Kristus Yesus, kipakatu tilou hi koi' ompi'–ompi' hampepangalaa'-kai hi rala Kristus Yesus to hi ngata Filipi, duu'-na hi pangkeni-ni pai' tauna to mpokamu pobago Pue' hi laintongo'-ni.

Filipi 1:2

Wori' tabe: mekakae-kai hi Alata'ala Tuama-ta pai' hi Pue' Yesus Kristus bona nagane'-koi ngkai kabula rala-na pai' nawai'-koi kalompea' tuwu'.

Filipi 4:19

Uma bisa kuhiwili kalompe' nono-ni ompi'. Alata'ala to kupue', Hi'a-damo to mpakagana hawe'ea kaparaluua-ni, ntuku' ka'uaa'-na to uma mowo kabohe-na, hi posidaia'-ni hante Kristus Yesus.

Filipi 4:21

Parata-ka-kuwo tabe-ku hi hawe'ea topepangala' hi Kristus Yesus to hi retu. Doa wo'o-koi tabe ngkai ompi'–ompi' hampepangalaa'-ni to dohe-ku hi rehe'i.

Filipi 4:9

Napa to nipenau' ngkai aku', lompe' tudui'-ku to ni'epe-mi pai' to nitarima, duu'-na gau'-ku to nihilo moto-mi, toe-mi to nibabehi. Ane hewa toe-pi kehi-ni, Alata'ala mpodohei-koi pai' mpakarodo nono-ni.

Kolose 3:15

Alata'ala mpokio'-tamo pai' napajadi'-ta hewa hawoto lau hi rala posidaia'-ta hante Kristus. Jadi', neo' tababehi napa–napa to mpokero kahintuwuaa' pai' karodoa nono-ta to ngkai Kristus toe. Pai' mpo'uli' tarima kasi oa'-ta.

2 Tesalonika 3:16

Ngkai Pue'-wadi kalompea' tuwu'-ta. Toe pai' mekakae-a hi Pue', kuperapi' bona nawai'-koi kalompea' tuwu' butu eo-na pai' hi butu nyala-na. Pue' mpodohei-koi omea.

Ibrani 13:20

Hi kamate-na Pue'-ta Yesus, raa'-na mporohoi pojanci to mpoposidai'-ta hante Alata'ala duu' kahae–hae-na. Alata'ala mpopemata-i nculii' ngkai kamatea, pai' napajadi'-i Poko Topo'ewu, pai' kita' toi-mi bima ewua-na. Toe pai' mekakae-a hi Alata'ala, pehupaa' kalompea' tuwu',

Yudas 1:1

Sura toi ngkai aku' Yudas, batua Yesus Kristus pai' ompi'-na Yakobus, kupakatu tilou hi ompi'–ompi' to nakio' Alata'ala to Tuama jadi' ntodea-na. Napoka'ahi'-koi pai' napewili' oa'-koi duu' hi karata-na nculii' mpai' Yesus Kristus.

Pangila 1:4

Sura toi ngkai aku', Yohanes, kupakatu hi topetuku' Yesus to mo'oha' hi pitu ngata to hi propinsi Asia. Wori' tabe: mekakae-a hi Alata'ala bona nagane'-koi ngkai kabula rala-na pai' nawai'-koi kalompea' tuwu'. Pegane' toi ngkai Alata'ala to ria ngkai lomo'-na, to ria wae lau, pai' to ria duu' kahae–hae-na. Pai' pegane' toi ngkai Inoha' Alata'ala to Pitu, to ria hi nyanyoa Pohuraa Alata'ala,

Pangila 2:17

”Hema to tilingaa, pe'epei mpu'u-e' napa to na'uli' Inoha' Tomoroli' hi topetuku'-ku hi butu ngata-na. ”Hema to medagi, kupiliu-ra ngkoni' manna to tewuni. Kuwai'-ra hameha' watu to bula. Hi watu toe te'uki' hanga' to bo'u, to uma ra'incai tau ntani'-na. To mpo'inca, muntu' tauna to mpotarima watu toe-wadi.”