Filipi 4:6 - Buku Tomoroli' Pojanci to Bo'u

⁶ Neo' mpokakoro' ba napa–napa. Hi butu nyala-na tida oa'-koi mosampaya, mekakae, merapi' hi Alata'ala, pai' mpo'uli' oa' tarima kasi.

Filipi 4:6 Iomraidhean Croise

Matius 10:19

”Ane rakeni-koi hilou hi topohura, neo'-koi me'eka' ba napa-mi mpai' to ni'uli'-raka ba beiwa petompoi'-ni. Apa' nto'u toe mpai', Alata'ala moto mpo'uli'-kokoi napa to masipato' ni'uli'.

Matius 13:22

”Hawua' to monawu' hi olo' rui-hawo mpobatuai tauna to mpo'epe Lolita Alata'ala, aga sese'-ra ntora mpenonoi katuwu'-ra hi rala dunia'-wadi, pai' doko'-ra mporumpu rewa dunia'-wadi. Hawe'ea toe mposesei'-ra, alaa-na uma ria po'ohaa' Lolita Alata'ala hi rala nono-ra, pai' uma ria kalaua-na Lolita toe hi katuwu'-ra.

Matius 6:34

Jadi', neo'-ta sese' mpopekiri napa to jadi' eo mepulo. Eo toe lau hono'-mi-hawo kasusaa'-na, neo'-pi radonihii tena mpekiri to jadi' hi eo mepulo.

Matius 6:8

Neo' mpenau' kehi-ra toe! Na'inca ami'-mi Tuama-ta to hi rala suruga napa to taparaluu kako'ia-na taperapi'.

Lukas 10:41

Na'uli' Pue' Yesus: ”Ee' Marta! Sese' pai' kawuhe rahi-ko mpenonoi to wori' nyala.

Lukas 12:22

Na'uli' Yesus mpo'uli'-raka ana'guru-na: ”Toe pai' ku'uli'-kokoi, neo'-koi sese' mpopekiri tuwu'-ni. Neo' ni'uli': ’Napa-le' to takoni'-e? Napa-le' to tapohea-e?’

Lukas 12:29

Jadi' neo'-koi sese' rahi mpenonoi napa to nikoni' ba napa to ni'inu. Neo'-koi me'eka'.

Lukas 18:1

Oti toe, Yesus mpo'uli' hanyala lolita rapa', mpotudui' ana'guru-na bona tida-ra mosampaya pai' neo' mere' nono-ra.

Lukas 18:7

Peliu–liu-nami Alata'ala doko' mpotulungi topetuku'-na to mekakae ncuu hi eo-na pai' hi bengi-na. Ba ni'uli'-koina, napeka'au ncala' pai' lako' natulungi-rae?

1 Korintus 7:21

Ane rapa'-na tuwu' batua-ta, pai'-ta nakio' Alata'ala jadi' to Kristen, neo' tapopeda' nono. Bate tuwu' batua moto-mi. Tapi' ane ria-hawo kalogaa-ta tebahaka ngkai kabatua-ta, mengkabahaka-tamo.

1 Korintus 7:32

Konoa-ku ompi' bona neo'-koi sese' mpenonoi katuwu'-ni. Tauna to uma motobinei, mpenonoi Pue'-i-wadi, doko' mpakagoe' nono Pue'.

2 Korintus 1:11

Pai' koi' wo'o ompi' kana mpohorongko-kai hante posampaya-ni. Apa' ane wori' tauna mposampayai-kai, Alata'ala bate mpogane'-kai, alaa-na wori' tauna mpo'uli' tarima kasi hi Alata'ala.

Efesus 5:20

mpo'uli' tarima kasi oa' hi Alata'ala to Tuama hante hanga' Yesus Kristus Pue'-ta ngkai butu nyala-na to nawai'-taka;

Efesus 6:18

Pai' hi rala panga'e-ni mpo'ewa Magau' Anudaa' toe, mosampaya pai' mekakae oa'-koi hi Alata'ala. Hi butu nyala-na mosampaya-koi ntuku' petete' Inoha' Tomoroli'. Hi rala posampaya-ni toe, kana mojaga oa' pai' neo' lempe', neo' nibahakai mposampayai hawe'ea topepangala' hi Pue' Yesus.

Kolose 3:15

Alata'ala mpokio'-tamo pai' napajadi'-ta hewa hawoto lau hi rala posidaia'-ta hante Kristus. Jadi', neo' tababehi napa–napa to mpokero kahintuwuaa' pai' karodoa nono-ta to ngkai Kristus toe. Pai' mpo'uli' tarima kasi oa'-ta.

Kolose 3:17

Napa–napa to tababehi, to talolita, babehi pai' lolita-mi hi rala hanga' Pue' Yesus. Pai' uli' tarima kasi hi Alata'ala to Tuama hi rala hanga' Pue' Yesus.

Kolose 4:2

Tida-koi mosampaya, neo' nibahakai mpo'uli' tarima kasi hi Alata'ala.

1 Timotius 2:1

Lomo'–lomo'-na, mohawa'-a bona hawe'ea topetuku' Pue' Yesus mosampaya, mpobua' pekakae, pomperapia' pai' pontarima kasi-ta hi Alata'ala. Mosampaya-ta mposampayai hawe'ea tauna,

1 Timotius 5:5

Ane tobine to balu mpu'u, batua-na uma hema to mpewili'-i, ncarumaka Alata'ala-i-wadi, hina'eo hinamengi mosampaya-i mekakae hi Alata'ala.

1 Petrus 4:7

Ompi'–ompi', neo' rata-mi kahudua dunia' hante hawe'ea ihi'-na. Toe pai' mo'inga'–inga'-mokoi pai' pakanoto-mi nono-ni, bona motora-koi mosampaya.

1 Petrus 5:7

Tonu hawe'ea kakoroa'-ni hi Pue', apa' Hi'a to mpewili'-koi.