Filipi 4:5 - Buku Tomoroli' Pojanci to Bo'u

⁵ Kusarumaka hawe'ea tauna mpohilo kalompe' nono-ni. Kiwoi-e', uma-pi mahae rata Pue'!

Filipi 4:5 Iomraidhean Croise

Matius 6:25

”Toe pai' ku'uli'-kokoi: neo'-koi me'eka' ba mpo'uli': ’Napa-le' to takoni'-e pai' to ta'inu-e?’ Neo'-koi me'eka' ba mpo'uli': ’Napa-le' to tapohea-e?’ Apa' tuwu'-ni meliu ngkai pongkoni' pai' pohea.

Matius 6:34

Jadi', neo'-ta sese' mpopekiri napa to jadi' eo mepulo. Eo toe lau hono'-mi-hawo kasusaa'-na, neo'-pi radonihii tena mpekiri to jadi' hi eo mepulo.

Lukas 21:34

”Mo'inga'–inga'-koi, neo'-koi sese' ntora mosusa' pai' nginu palangu–langu, ba ntora mpenonoi katuwu'-ni hi dunia', alaa-na lempe' moto-koi hi eo karata-ku. Apa' rata ncorobaa-a mpai'.

1 Korintus 16:22

Tauna to uma mpoka'ahi' Pue' Yesus, kana natotowi-ra Alata'ala. Maranata! Tumai-moko Pue'!

1 Korintus 6:7

Neo' lau-pi ta'uli' to mpobua' kara–kara hi to bela to Kristen. Bangku' ria pome'anua-ni hi himpau koi' moto, me'eai' lia. Toe mpakanoto ka'uma-nakoi mo'ingku hewa topetuku' Pue' Yesus. Ane ria to mpobagiu-koi ba to mpakarugi-koi, pelele' moto-ramo-rana, neo' rabua' hi topohura. Agina-pi koi' rabagiu! Agina-pi koi' rapakarugi!

1 Korintus 8:13

Toe pai' ku'uli'-kokoi: ane rapa'-na ngkai kehi-ku mpokoni' bau' ba napa–napa pai' alaa-na monawu' ompi'-ku, bate uma-apa ngkoni' bau' toe duu' kahae tuwu'-ku. Nee–neo' mpai' ngkai aku'-kuna pai' monawu' ompi'-ku toei.

1 Korintus 9:25

Tauna to motanta' toera, wori' nyala palia-ra, pai'-ra mpengkatarii butu nyala-na, apa' doko' mpu'u-ra mporata parasee. Parasee toe, wunga to molaju-wadi mpai'. Hiaa' kita', tapengkatarii butu nyala-na apa' mehina-ta mporata parasee to tida duu' kahae–hae-na.

2 Korintus 10:1

Wae lau, aku' Paulus tohe'i-e, ria pomperapia'-ku hi koi' ompi'. Ria tauna hi retu to mpo'uli' hewa toi: ”Ane ngkai kalaa-nai Paulus-e, ngkerepa' lia moni sura-na, hampa ane hi nyanyoa-tai, mempou' lia-i.” Jadi', hante nono to dingki' pai' hante nono to mo'olu, hewa kadingki' nono-na pai' kamo'olu nono-na Kristus,

Titus 3:2

Neo' metuntui', neo' momehono'. Kana rapaka'olu kehi-ra, pai' rapakadingki' oa' nono-ra hi hawe'ea tauna.

Ibrani 10:25

Neo' tabahakai mogampara hangkaa–ngkania, hewa to rababehi tauna hantongo'. Kana tida-ta morumpu pai' momerohoi ngkanono, peliu–liu-nami hi tempo toi, apa' ta'inca moto neo' rata-imi Pue'.

Ibrani 10:37

Uma-pi mahae, madupa' Lolita Alata'ala to mpo'uli': ”Bate tumai-ile to tumai-e, uma-ipi mahae rata, uma-i leba' ntalu'aa'.

1 Petrus 4:7

Ompi'–ompi', neo' rata-mi kahudua dunia' hante hawe'ea ihi'-na. Toe pai' mo'inga'–inga'-mokoi pai' pakanoto-mi nono-ni, bona motora-koi mosampaya.

Pangila 22:20

Yesus mposabii' hawe'ea lolita toi, pai' na'uli': ”Makono! Neo' rata-ama.” Amin! Tumai-moko, Pue' Yesus!

Pangila 22:7

Na'uli' Pue' Yesus: ”Neo' rata-amae'! Marasi'-ra tauna to mpotuku' paresa' to te'uki' hi rala sura pelowa toi.”