Filipi 4:4 - Buku Tomoroli' Pojanci to Bo'u

⁴ Ompi'–ompi', kana goe' oa'-koi, apa' mosidai'-mokoi hante Pue'. Hangkani-pi ku'uli': pakagoe' ncuu nono-ni.

Filipi 4:4 Iomraidhean Croise

Matius 5:12

Nabi–nabi to owi, rabalinai' wo'o-ra-rawo hewa toe. Jadi', pakagoe'-mi nono-ni, apa' bohe mpai' rasi' to nirata hi rala suruga.

Suro 16:25

Jadi' ngkai ree, ba ntongo' bengi-mi, Paulus pai' Silas mosampaya pai' morona' mpo'une' Alata'ala. Tauna to ratarungku' ntani'-na mpo'epe rona'-ra.

Suro 5:41

Malai-ramo suro toera ngkai porumpua. Goe'-ra, ra'uli': ”Marasi'-ta apa' Alata'ala mpopelihi-ta bona rabalinai' pai' raruge' sabana petuku'-ta hi Yesus.”

Roma 12:12

Pakagoe' nono-ta, apa' moroho poncarumakaa-ta hi Pue'. Tari hi rala kasusaa'. Tida mosampaya.

2 Korintus 6:10

Wori' kasusaa'-kai, aga goe' oa' moto-kai. Kabu-kai, aga kai'-mi to mpokeni rasi' hi wori' tauna. Hiloa-na hewa uma-kai nakariai napa–napa, tapi' kakoo–kono-na ria omea moto-di hi kai'-e.

Galatia 1:8

Aga ku'uli'-kokoi, hema–hema to mpokeni kareba to ntani'-na to uma hibalia hante Kareba Lompe' to mpolia' kiparata-mikokoi, Alata'ala mpototowi-ra! Nau' ba kai' moto-mi ba paiana mala'eka ngkai suruga mpu'u-i, bate kana natotowi Alata'ala-ra!

Filipi 2:18

Kusarumaka wo'o bona ompi'–ompi' motarima kasi pai' goe' hangkaa–ngkania hante aku'.

Filipi 3:1

Wae-pi ompi'–ompi', kana goe'-koi apa' lawi' mosidai'-mokoi hante Pue'. Uma kupemokoroi mpohulii' hi rehe'i napa to ku'uki'-mi ri'ulu. Apa' doko' kupopo'ingai'-koi bona neo' mpai' ria to mpobagiu-koi hante tudui'-ra to sala'.

1 Petrus 4:13

Pokagoe' lau-mi-hana, apa' lawi' mporata-mokoi bagia hi rala kaparia to narata-mi Kristus. Ngkai toe-mi ompi', ane rata-damo tempo-na Kristus mpopehuwu kabohe tuwu'-na hi hawe'ea tauna, uma mpai' mowo kagoe'-ni.