Filipi 4:3 - Buku Tomoroli' Pojanci to Bo'u

³ Pai' kuperapi' hi iko, Sunsugus, ema'-ku to tida, tulungi-ra-rawo tobine to rodua toera, bona neo'-rapa mosisala. Bula-ku hi retu-pidi dohe-ni, mobago ntomo-ra mpodohei-a mpopalele Kareba Lompe', hante Klemens pai' wo'o doo–doo hampobagoa-ku to ntani'-na. Hanga'-ra ria omea te'uki' hi rala Buku Katuwua'.

Filipi 4:3 Iomraidhean Croise

Lukas 10:20

Aga nau' wae, neo' nipokagoe' kamengkoru-ra seta hi koi'. Agina mpokagoe'-koi kate'uki'-nami hanga'-ni hi rala suruga.”

Roma 12:1

Ngkai toe-mi ompi'–ompi', ku'apui nono-ni: apa' wae-mi kabohe ahi' Alata'ala hi kita'-e, toe pai' kana nitonu woto-ni hi Alata'ala, niponcawa pepue'-ni to tuwu'. Tonu woto-ni hi Alata'ala, bona Hi'a to mpo'atoro' katuwu'-ni, pai' bona moroli' po'ingku-ni. Toe-hana ada mpepue'-ni to masipato', toe to mpakagoe' nono Alata'ala.

Roma 16:12

Tabe-ku hi Trifena pai' Trifosa to mobago mpu'u-ramo hi rala bago Pue' Yesus. Tabe-ku hi Persis to kupe'ahi', to wori' wo'o-wadi pobago-na rala pobago Pue'.

Roma 16:9

Tabe-ku hi Urbanus, ema' hampobagoa-ta hi rala pobago Kristus. Tabe-ku wo'o hi Stakhis to kupe'ahi'.

Filipi 1:12

Jadi', bona ni'inca ompi', nau' ratarungku'-a tohe'i-e, goe' moto-a, apa' ngkai karatarungku'-ku toi, kawoo–woria' lau-mi tauna to mpo'epe Kareba Lompe'.

Filipi 1:16

Hira' mpopalele Kareba Kristus apa' nakeni ahi'-ra, apa' ra'inca ka'aku'-na to na'ongko' Alata'ala jadi' suro-na to mpakanoto Kareba Lompe' hi hawe'ea tauna.

Filipi 1:27

Jadi', nau' ba napa to jadi' hi aku', po'ingku-ni kana to masipato' hi tauna to mpotuku' Kareba Lompe' Kristus. Ba kupohirua'-pidi-kokoi mpai' ompi' ba uma-pi, kusarumaka ku'epe moto mpai' kareba to mpo'uli' katida pokore-ni, hanono pai' hintuwu'-koi mobago bona wori' tauna mepangala' hi Kareba Lompe'.

Filipi 1:5

Ku'uli' tarima kasi hi Pue' Alata'ala, apa' ngkai lomo'-na duu' tempo toi-e nitulungi ncuu-a hi rala bago-ku mpopalele Kareba Lompe'.

Filipi 1:7

Toto-na lia-a mpoinono-koi omea hewa toe-e ompi', apa' kupoka'ahi'-koi, apa' hampobagoa-ku omea-koi hi rala pobago to nawai'-ka Alata'ala toi. Nitulungi ncuu-a, lompe' bula-ku rala tarungku' toi-e, lompe' nto'u-ku mpo'uli' noa'-ku pai' mpakanoto kamakono-na Kareba Lompe'.

Filipi 4:2

Ompi'-ku Euodia pai' ompi'-ku Sintikhe! Kuperapi' bona hintuwu'-koi hewa to masipato' hi tauna to mepangala' hi Pue'.

Kolose 1:7

Ni'epe Kareba Lompe' toe ngkai Epafras, doo hampobagoa-kai to kipoka'ahi'. Epafras toei, batua Kristus to tida mobago mpotulungi-koi.

Pangila 13:8

Hawe'ea tauna to mo'oha' hi dunia' mpopue'-i. Sampale to uma mpopue'-i, tauna to te'uki' ami'-mi hanga'-ra hi rala Buku Katuwua' kako'ia-na dunia' rapajadi'. Buku Katuwua' toe, buku-na Ana' Bima to tesumale' toei, hi rala buku toe te'uki' hanga' tauna to mporata katuwua' to lompe' duu' kahae–hae-na.

Pangila 17:8

Tuwu'-i owi, tempo toi uma-ipi ria, aga mehupa' nculii' moto-i mpai' ngkai wulou'laa to uma tepetudu kanala-na. Pai' oti toe hilou rahuku'-imi duu' kahae–hae-na. Tauna to mo'oha' hi dunia' to uma te'uki' hanga'-ra hi rala Buku Katuwua' kako'ia-na dunia' rapajadi', konce-ra mpohilo binata toei. Apa' owi tuwu'-i, hiaa' tempo toi uma-ipi ria, aga mehupa' nculii' moto-i mpai'.

Pangila 20:12

Pai' kuhilo-ramo tauna to mate, to kedi' ba to bohe tuwu'-ra, mokore hi nyanyoa Pohuraa toe. Tauna to mate matala hi tahi', tauna to mate ntani'-na, hawe'ea tauna to ria hi po'ohaa' tomate, mokore omea-ramo hi nyanyoa Pohuraa toe. Pai' buku–buku rawole-mi. Hi rala buku toe, te'uki' babehia tomate toera. Jadi', hawe'ea tomate toera ratu'u-miraka huku'-ra ntuku' napa to te'uki' hi rala buku–buku toe, huku'-ra ntuku' babehia-ra. Pai' rawole wo'o-mi buku kahanyala-na, hanga'-na Buku Katuwua'.

Pangila 21:27

Aga uma mpu'u ma'ala mesua' hi rala-na napa–napa to babo', ba tauna to mogau' dada'a ba to moboa'. To ma'ala mesua', muntu' tauna to te'uki' hanga'-ra hi rala Buku Ana' Bima toe, buku po'ukia' hanga'-ra to mporata katuwua' to lompe' duu' kahae–hae-na.

Pangila 3:5

”Hema to medagi, kuheai wo'o-ra-rawo mpai' hante pohea to bula. Hanga'-ra uma kupori ngkai rala Buku Katuwua', buku po'ukia' hanga'-ra to mporata katuwua' to lompe' duu' kahae–hae-na. Pai' hi nyanyoa Tuama-ku pai' mala'eka-na kupangaku' kahira'-na topetuku'-ku.