Filipi 4:1 - Buku Tomoroli' Pojanci to Bo'u

¹ Toe-mi ompi' to kupe'ahi' pai' to kukalentorai: pakaroho mpu'u-mi pokore-ni mpopangala' Pue'. Koi'-die ompi' kabohea nono-kue pai' to mpakagoe' nono-ku.

Filipi 4:1 Iomraidhean Croise

Yohanes 8:31

Na'uli' Yesus mpo'uli'-raka to Yahudi to mepangala' hi Hi'a: ”Ane tida-koi mpotuku' tudui'-ku, koi' jadi' topetuku'-ku mpu'u.

Suro 11:23

Karata-na Barnabas hi ria, goe' lia-mi nono-na, apa' nahilo kabohe pegane' Alata'ala mpogane' tauna to mepangala' hi Yesus toera. Jadi', Barnabas mporohoi nono-ra pai' na'uli'-raka bona tida-ra mpotuku' Pue' Yesus hante nono mpu'u.

Suro 14:22

Hi butu ngata to rakahiloui toe, rarohoi nono-ra topetuku' Yesus, ra'uli'-raka: ”Neo' tabahakai mepangala' hi Pue' Yesus, apa' kita' to jadi' ntodea-na Alata'ala kana mporata kaparia ncala', aga hi eo mpeno mo'oha'-ta dohe-na hi rala Kamagaua'-na.”

Suro 2:42

Topetuku' Yesus to bo'u toera ntora mpopetudui' hi suro Pue' Yesus, pai' tida-ra morumpu hangkaa–ngkania. Ngkoni'-ra hangkaa–ngkania, mpopihe–pihe roti mpokiwoi kamate-na Pue' Yesus, pai' mosampaya wo'o-ra hangkaa–ngkania.

Roma 2:7

Ria tauna to tida mogau' lompe', apa' doko' mporata-ra pe'une', pebila' pai' katuwua' to uma ria ka'otia-na ngkai Alata'ala. Hi tauna to hewa toe Alata'ala mpowai' katuwua' to lompe' duu' kahae–hae-na.

1 Korintus 15:58

Ngkai toe-mi ompi'–ompi' to kupe'ahi', pakaroho pepangala'-ni, neo'-koi mogego', baka' oa'-koi mpobago bago Pue', apa' ni'inca moto-hawo napa to nipobago-ki Pue' uma-hawo mpai' bayangi', bate ria hiwili-na.

1 Korintus 16:13

Mo'inga'–inga'-koi, pakaroho pokore-ni! Pakaroho-koi pai' bia' hi pepangala'-ni!

Galatia 5:1

Kristus mpobahaka-tamo ngkai Atura Musa bona tebahaka mpu'u-tamo. Toe pai' pakatida nono-ni, neo'-pi dota rapobatua nculii'!

Filipi 1:27

Jadi', nau' ba napa to jadi' hi aku', po'ingku-ni kana to masipato' hi tauna to mpotuku' Kareba Lompe' Kristus. Ba kupohirua'-pidi-kokoi mpai' ompi' ba uma-pi, kusarumaka ku'epe moto mpai' kareba to mpo'uli' katida pokore-ni, hanono pai' hintuwu'-koi mobago bona wori' tauna mepangala' hi Kareba Lompe'.

Filipi 1:8

Alata'ala mposabii' kamakono-na lolita-ku tohe'i. Lentora mpu'u-a ngkalentorai-koi omea, pai' kalentora-ku toi, hewa ahi'-na Kristus Yesus moto.

Filipi 2:16

apa' niparata-raka Kareba Lompe' to ngkeni katuwua'. Ane hewa toe po'ingku-ni ompi', bohe mpai' nono-ku hi karata-na nculii' Kristus. Apa' po'ingku-ni toe-mi to mpakanoto hawe'ea bago-ku uma wa bayangi', ria moto wua'-na.

Filipi 2:26

Lentora lia-imi hi koi' omea ompi', pai' susa' nono-na, meka' ba lue' ni'epe-mi kapeda'-na wengi.

Kolose 4:12

Tabe wo'o ngkai Epafras, batua Kristus Yesus to hingka ngata-ni moto. Mosampaya oa'-i mpekakae-kokoi nte nono-na mpu'u, bona moroho pokore-ni pai' monoto pepangala'-ni mpotuku' hawe'ea konoa Alata'ala hante uma ria ruke-na.

1 Tesalonika 3:13

Kiperapi' hi Alata'ala bona narohoi nono-ni, bona moroli'-koi hante uma ria kasalaia'-ni hi nyanyoa-na ane rata-ipi mpai' Pue' Yesus hante hawe'ea topetuku'-na to moroli'.

2 Tesalonika 2:15

Jadi' ngkai toe-mi ompi', pakaroho pepangala'-ni, perohoi ngkakamu hawe'ea to kitudui'-kokoi, lompe' to ki'uli' hante wiwi, lompe' to ki'uki' hi rala sura.

2 Timotius 2:1

Jadi', Timotius ana'-ku! Pakaroho mpu'u nono-nu hante karohoa to tarata ngkai Kristus Yesus ngkai kabula rala-na Alata'ala.

Ibrani 10:23

Neo' tabahakai ncarumaka Yesus, tapangaku' kahi'a-na Pue'-ta, apa' Alata'ala mpopadupa' oa' janci-na hi kita'.

Ibrani 3:14

Apa' kita' tohe'i, mporata-tamo bagia hi rala Kristus, asala napa to taparasaya ngkai lomo'-na takakamu ncuu hante nono to uma morara' duu' hi ka'omea-na.

Ibrani 4:14

Jadi', ria-taka Imam Bohe to meliu mpu'u kabohe tuwu'-na: Hi'a-mi Yesus Ana' Alata'ala. Hilou-imi mpotara langi' pai' mesua' hi rala suruga mponyanyo Alata'ala jadi' Imam Bohe-ta to mpome'alai'-ta. Toe pai' kana taperohoi ngkakamu pepangala'-ta, pai' neo' tabahakai mpangaku' kaYesus-na Pue'-ta.

2 Petrus 3:17

Aga koi', ompi'–ompi' to kupe'ahi', ni'inca ami'-mi hawe'ea toe lau. Jadi', mo'inga'–inga'-koi hi guru agama to boa' toera, bona neo'-koi himpataua' hante kasalaa'-ra, duu'-na monawu'-koi ngkai pokorea-ni to moroho.