Filipi 3:9 - Buku Tomoroli' Pojanci to Bo'u

⁹ pai' mposidai'-ki. Alata'ala mpo'uli' kamonoa'-ku hi poncilo-na, bela ngkai petuku'-ku hi Atura Musa, tapi' ngkai pepangala'-ku hi Kristus. Aku' jadi' monoa' hi poncilo Alata'ala, bela ngkai po'ingku-ku, tapi' muntu' ngkai Alata'ala-hana, apa' mepangala'-a.

Filipi 3:9 Iomraidhean Croise

Matius 9:13

Uma-a tumai mpokio' tauna to monoa' ingku-ra. Katumai-ku toi-le, mpokio' topojeko'-a-kuna bona medea-ra ngkai jeko'-ra. Jadi', paresa'-koi ulu napa batua-na Lolita Alata'ala to te'uki' hewa toi: ’Uma kuperapi' porewua to nipopepue' hi Aku'. To kuperapi'-le, bona ma'ahi'-koi hi doo.’ ”

Roma 1:17

Hi Kareba Lompe' toe, Alata'ala mpo'uli'-taka beiwa ohea jadi' monoa' hi poncilo-na. Ohea-na toe muntu' ngkai pepangala'-ta hi Alata'ala-wadi, uma ria ohea ntani'-na. Hewa to te'uki' hi Buku Tomoroli' owi: ”Tauna to monoa' hi poncilo Alata'ala-le, hira'-mi tauna to mporata katuwua' to lompe' ngkai pepangala'-ra.”

Roma 10:10

Apa' mepangala'-ta hi Yesus hante nono-ta, alaa-na Alata'ala mpo'uli' kamonoa'-ta hi poncilo-na. Pai' tapangaku' Yesus hante wiwi-ta, alaa-na tehore-tamo ngkai huku' jeko'-ta.

Roma 16:7

Parata wo'o tabe-ku hi Andronikus pai' Yunias. Hira' toe ompi' hingka to Yahudi-ku, pai' ria wo'o-ramo ratarungku' hangkaa–ngkania hante aku'. Hawe'ea suro Pue' Yesus mpobila'-ra. Mahae-ramo mepangala' hi Pue' Yesus. Kako'ia-ku mpangala' Pue' Yesus, mpolia' mepangala'-ramo-rana.

Roma 5:21

Ri'ulu jeko' to mokuasa hi rala katuwu' hawe'ea manusia', alaa-na hawe'ea manusia' kana rahuku' mate pai' ragaa' ngkai Alata'ala. Aga hewa toe lau, kabula rala Alata'ala-mi to mokuasa hi rala katuwu'-ta. Ngkai kabula rala-na toe, Alata'ala mpo'uli' kamonoa'-ta hi poncilo-na pai' nawai'-ta katuwua' to lompe' duu' kahae–hae-na sabana petauntongoi'-na Yesus Kristus Pue'-ta.

Roma 8:1

Jadi' ngkai toe-mi, uma-pi ria pehuku' hi kita' to mosidai' hante Kristus Yesus.

Roma 8:3

Atura Pue' uma bisa mpobahaka-ta ngkai kuasa jeko', apa' hante karohoa-ta moto uma takulei' mpotuku' Atura Pue' toe. Tapi' napa to meliu ngkai pakulea' Atura Pue', nababehi-mi-hana Alata'ala: nahubui Ana'-na tumai hi dunia' mewali manusia'; wotoloka'-na hibalia hante wotoloka' manusia' topojeko'. Pai' Ana'-na toe mate mpotolo' jeko' manusia'. Jadi', ngkai kamate Ana'-na toe-e, Alata'ala mpodagi jeko' to hi rala nono manusia'.

1 Korintus 1:30

Muntu' ngkai Alata'ala-hanale pai'-ta mosidai' hante Kristus Yesus-e. Ngkai Kristus Yesus, ta'inca-mi kanoto nono-na Alata'ala: Hi'a-mi to mpomonoa'-ta hi poncilo Alata'ala, napomoroli'-ta jadi' bagia-na, pai' nabahaka-ta ngkai hawe'ea to dada'a.

2 Korintus 5:17

Jadi', ane tauna mosidai' hante Kristus, manusia' to bo'u-imi. Katuwu'-na to ri'ulu timpaliu-mi. Mporata-imi katuwua' to bo'u.

2 Korintus 5:21

Kristus, uma-i mojeko'. Tapi' Alata'ala mpopokoloi-i jeko'-ta, napohewa tauna to mojeko'-i bona Hi'a to mposampei-ta. Alata'ala mpobabehi toe bona kita' to mosidai' hante Kristus ma'ala napohewa tauna to monoa' hi poncilo-na.

Galatia 2:16

Aga nau' wae, ki'inca kabela-na kehi-kai to lompe' pai'-kai jadi' monoa' hi poncilo Alata'ala. Nau' kituku' lia hawe'ea parenta hi rala Atura Musa, bela tetu to mpomonoa'-kai hi poncilo Alata'ala. Ohea bona jadi' monoa' hi poncilo Alata'ala-le, muntu' mepangala' hi Kristus Yesus-wadi. Toe pai' mepangala'-makai hi Kristus Yesus bona jadi' monoa'-kai hi poncilo-na Alata'ala sabana pepangala'-kai hi Kristus. Uma-pi kisarumaka petuku'-kai hi Atura Musa, apa' uma ria haduaa tauna to jadi' monoa' hi poncilo Alata'ala ngkai kampotuku'-ra parenta to hi rala Atura Musa.

Filipi 3:6

Nto'u toe mantata' mpu'u petuku'-ku hi agama Yahudi, duu'-na ngasa'-a mposesa'-ra topetuku' Yesus. Kutuku' butu nyala parenta to hi rala Atura Musa, uma ria to kutiboki-na.

2 Timotius 1:9

Nahore-tamo ngkai huku' jeko'-ta pai' nakio'-ta jadi' bagia-na to moroli'. Nahore pai' nakio'-ta toe, uma sabana po'ingku-ta to lompe'. Nababehi toe, muntu' ngkai kabula rala-na, pai' ntuku' patuju-na moto-hawo. Apa' kako'ia-na dunia' rapajadi', ria ami'-mi patuju-na Alata'ala mpowai'-ta kalompea' ngkai kabula rala-na sabana posidaia'-ta hante Kristus Yesus.

Titus 3:5

Napa pai' nahore-ta ngkai huku' jeko'-ta toe-e? Ba nahore-ta apa' monoa' kehi-ta? Bela-hawo. Nahore-ta toe, muntu' ngkai kalompe' nono-na moto-hawo. Yesus Kristus mate mpotolo' jeko'-ta jadi' Magau' Tompohore-ta, alaa-na Alata'ala mpowai'-tamo Inoha' Tomoroli', to uma mowo kabohe kuasa-na hi rala nono-ta. Hante kuasa Inoha' Tomoroli' toe, nabohoi'-tamo ngkai jeko'-ta, nawai'-ta katuwua' to bo'u pai' nono to bo'u.

Ibrani 6:18

Alata'ala, uma-i boa' mpo'uli' janci-na, uma wo'o-i boa' mpohowa' sumpa-na. Pai' lolita-na to ronyala toe uma mobali'. Jadi', ngkai pojanci pai' posumpa-na Alata'ala toe, moroho-mi nono-ta ompi'. Apa' kita' toi, tauna to mpopepotuwu' hi Alata'ala, tasarumaka Hi'a-damo to mpowai'-ta kalompea'. Ngkai pojanci pai' posumpa Alata'ala toe, terohoi-mi nono-ta bona neo' tabahakai ncarumaka Alata'ala pai' mpopea napa to najanci-taka hi eo mpeno-na.

Yakobus 3:2

Kita' omea pontu-na hala' mpo'ingku. Ane rapa'-na ria tauna to uma hala' mpo'ingku hi pololita-ra, hira' toe-mi tauna to moroli'. Ma'ala-ra mpokuasai hawe'ea kahinaa nono-ra.

2 Petrus 1:1

Sura toi ngkai aku', Simon Petrus, batua pai' suro-na Yesus Kristus, kupakatu tilou hi ompi'–ompi' to bela-koi to Yahudi to mepangala'-mi hi Yesus Kristus hibalia hante kai'. Yesus Kristus toei, Hi'a-mi Alata'ala pai' Magau' Tompohore-ta ngkai huku' jeko'-ta. Napajadi'-koi mepangala' hibalia hante kai' apa' pobabehi-na monoa'.

1 Yohanes 3:4

Hawe'ea tauna to mpobabehi jeko', mpotiboki hawa' Alata'ala. Apa' toe-mi to rahanga' jeko', mpotiboki hawa' Alata'ala.