Filipi 3:8 - Buku Tomoroli' Pojanci to Bo'u

⁸ Meliu ngkai toe, butu nyala-na ku'uli' mepakarugi omea-wadi, apa' to meliu kalompe'-na, mpo'inca-ama Kristus Yesus Pue'-ku. Jadi', kubahaka-mi hawe'ea to ntani'-na, kuponcawa momo-damo, bona ma'ala-a mporata Kristus,

Filipi 3:8 Iomraidhean Croise

Lukas 1:43

Ha hema-a-kuwo aku' toi-e, pai' iko tina-na Pue'-ku tumai mpokinomo-a!

Lukas 11:20

Tapi' Aku', mpopalai-a seta hante baraka' Alata'ala. Ngkai toe, monoa'-mi ni'inca karata-nami tempo-na Alata'ala jadi' Magau' hi laintongo'-ni.

Yohanes 14:20

Ane rata-pi mpai' tempo toe, ni'inca-mi ka'Aku'-na hintuwu' hante Tuama-ku, pai' koi' hintuwu' hante Aku', pai' Aku' hintuwu' hante koi'.

Yohanes 14:7

Ane ntoa' ni'inca-ama Aku'-e, tantu ni'inca wo'o-imi Tuama-ku. Ngkai wae-e lau, ni'inca-imi pai' nihilo-imi.”

Yohanes 16:3

Hawe'ea toe rababehi hi koi', apa' uma ra'incai Tuama-ku, pai' Aku' wo'o, uma-a ra'incai.

Yohanes 17:3

Ane ra'inca-ko Mama, ka'Iko-na Alata'ala to makono to uma ria karodua-na, pai' ane ra'inca Yesus Kristus suro-nu, toe-mi ohea-ra mporata katuwua' to lompe' duu' kahae–hae-na.

Yohanes 17:8

Kuparata-miraka hawe'ea lolita to nuparata-ka. Ratarima-mi, pai' ra'inca-mi Aku' toi ngkai Mama mpu'u-a, pai' rapangala'-mi ka'Iko-na to mposuro-a.

Yohanes 20:13

Mepekune' mala'eka toera hi Maria ra'uli': ”Napa pai' geo'-ko?” Na'uli' Maria: ”Apa' ra'ala'-imi Pue'-ku ngkai rei, pai' uma ku'incai hiapa karatu'ua-na.”

Yohanes 20:28

Na'uli' Tomas: ”Pue'-ku! Alata'ala-ku!”

Suro 20:24

Aga uma kuparipoko woto-ku moto. Nau' ba rapatehi mpu'u-a mpai', uma beiwa. Asala ma'ala kupohudu pobago to nawai'-ka Pue' Yesus. Pobago-ku tetu-le, mpokarebai Kareba Lompe' to mpo'uli' Alata'ala mpowai'-ta kalompea' ngkai kabula rala-na.

Roma 8:18

Ntuku' pomporataa-ku, hawe'ea kasusaa' to mporumpa'-ta tempo toi hewa hangkutuno'-wadi, ane mpenonoi kabohe tuwu' to rapopehuwu-taka hi eo mpeno.

1 Korintus 2:2

Apa' ria-mi rala nono-ku mpo'uli': hangkuja kahae-ku dohe-ni, uma-a mpololita napa–napa to ntani'-na, muntu' mpololita-a Yesus kaHi'a-na Magau' Topetolo' to mate raparika'.

1 Korintus 9:10

Ba kita'-di to natoa' rapa' lolita-na toe-e. Lolita to te'uki' owi toe, bate mpobelahi kita'. Tauna to mpobago ba napa–napa, hewa rapa'-na tauna to molia' ba tauna to momanyu, masipato' lia-i ncarumaka mporata bagia ngkai wua' bago-na.

2 Korintus 4:4

Noto anudaa' to mpokuasai dunia' toi mpohilingai'-ra, bona neo'-ra mpangalai' Kareba Lompe'. Baja ngkai Kareba Lompe' uma mpobajahi nono-ra. Jadi', uma oa' ra'incai kabohe tuwu'-na Kristus, to hibalia tuwu'-na hante Alata'ala.

2 Korintus 4:6

Apa' nto'u Alata'ala mpopajadi' langi' pai' dunia', na'uli' hewa toi: ”Ngkai kabengia-na mehupa' baja!” Pai' Alata'ala toe wo'o-mi to mpobajahi nono-ta, bona ta'inca kabohe tuwu'-na. Hewa to Yahudi owi mpohilo pehini-na Alata'ala hi lio-na Musa, wae wo'o ta'inca kabohe tuwu'-na Alata'ala ane ta'inca-imi Yesus Kristus.

Galatia 1:16

Nto'u toe, napopo'incai-a kahema-na Ana'-na, bona ma'ala kuparata kareba Ana'-na toe hi tauna to bela-ra to Yahudi. Nto'u kanakio'-ku Alata'ala toe, uma-a momewai' ngkalolita hante manusia'.

Efesus 4:13

Nabagi-taka rasi' toe, duu'-na rata mpai' tempo-na kita' omea jadi' hanono lau-ta-damo apa' kita' omea mpo'inca pai' mpopangala' Ana' Alata'ala. Kamoroo–rohoa pai' kamonoo–notoa-tamo, duu'-na uma-pi ria kakuraa'-ta, hibalia hante Kristus-tamo.

Filipi 1:1

Sura toi ngkai aku' Paulus pai' Timotius, batua Kristus Yesus, kipakatu tilou hi koi' ompi'–ompi' hampepangalaa'-kai hi rala Kristus Yesus to hi ngata Filipi, duu'-na hi pangkeni-ni pai' tauna to mpokamu pobago Pue' hi laintongo'-ni.

Filipi 3:10

Kahinaa-ku mpu'u, doko' ku'inca-i-kuna Kristus, doko' kurasai baraka' to mpotuwu'-i nculii' ngkai kamatea. Doko' kurata kaparia hewa to narata, duu'-na ba mate-a hibalia hante Hi'a,

Filipi 3:12

Ompi'–ompi', uma ku'uli' kakurata-na mpu'u-mi hawe'ea toe, duu'-na moroli'-ama hante uma-pi ria jeko'-ku. Uma-kuwo. Aga kuhuduwukui bona kurata hawe'ea toe, bona jadi' moroli' mpu'u-a–apa' toe-mi pai' napelihi-a Kristus Yesus jadi' bagia-na.

Filipi 3:7

Hawe'ea toe owi ku'uli' rasi'-ku. Tapi' tempo toi ku'uli' mepakarugi-wadi, apa' muntu' Kristus-damo to kusarumaka.

2 Timotius 4:6

Kuwai'-ko paresa'-ku toi, apa' ku'inca uma-apa mahae hi dunia' toi, neo' rata-mi ioa'-ku. Pai' ane rapatehi-apa mpai', kutonu katuwu'-ku toi hi Alata'ala, hewa pepue'-ku hi Hi'a.

Ibrani 3:14

Apa' kita' tohe'i, mporata-tamo bagia hi rala Kristus, asala napa to taparasaya ngkai lomo'-na takakamu ncuu hante nono to uma morara' duu' hi ka'omea-na.

1 Petrus 2:7

Magau' Topetolo' toei hewa watu to masuli' oli-na hi koi' to mpopangala'-i. Aga tauna to uma mpopangala'-i bate mporata silaka, alaa-na madupa'-mi lolita Buku Tomoroli' to mpo'uli': ”Watu toe ratadi topowangu tomi. Ntaa' we'i, watu toe lau-idi to jadi' poko parawatu-e.” Pai'

2 Petrus 1:2

Wori' tabe: mekakae-a hi Alata'ala bona nawai'-koi kawoo–woria' gane'-na pai' kalompea' tuwu', apa' ni'inca-imi Alata'ala pai' Yesus Pue'-ta.

2 Petrus 1:3

Bohe mpu'u katuwu'-na Alata'ala, pai' lompe' lia nono-na. Ngkai kabohe tuwu'-na pai' kalompe' nono-na toe, nakio'-tamo jadi' ana'-na, duu'-na ta'inca mpu'u-imi. Pai' napake' baraka'-na to bohe lia, nawai'-ta butu nyala to taparaluu hi rala katuwu'-ta pai' petuku'-ta hi Hi'a.

2 Petrus 1:8

Ane hewa toe-damo kehi-ni pai' ane nidonihii ncuu, mokalaua mpu'u-koi mpo'inca Pue'-ta Yesus Kristus, pai' moroho petuku'-ni hi Hi'a.

2 Petrus 3:18

Donihii lau-mi petuku'-ni hi Pue'-ta Yesus Kristus, Magau' Tompohore-ta ngkai huku' jeko'-ta, bona nirasai mpu'u ahi'-na. Pai' donihii wo'o pe'inca-ni mpo'inca-i. Une'-imi wae lau duu' kahae–hae-na. Amin.

1 Yohanes 1:3

Napa to oti kihilo pai' to ki'epe, toe-mi to kiparata-kokoi, bona hintuwu'-koi hangkaa–ngkania hante kai'. Pai' kahintuwua'-ta tohe'i-e, kahintuwua' hante Alata'ala to Tuama pai' Yesus Kristus Ana'-na.

1 Yohanes 2:19

Bali' Kristus toera, tauna to dohe-ta ri'ulu, tapi' kakoo–kono-na, bela-ra doo-ta. Toe pai' malai-ramo ngkai kahintuwuaa'-ta. Ane ke doo-ta mpu'u-rale, ke bate tida moto-ra dohe-ta. Tapi' malai-ramo-rana ngkai kahintuwuaa'-ta, toe pai' ta'inca-mi ka'uma-na ria haduaa-ra to tono' hi kita'.

1 Yohanes 5:20

To ta'inca-na: rata-imi Ana' Alata'ala hi dunia', pai' nanotohi-mi nono-ta, bona ta'inca-mi Alata'ala to makono. Hintuwu'-tamo hante Alata'ala to makono toei, apa' hintuwu'-tamo hante Yesus Kristus Ana'-na. Hi'a-mi Alata'ala to makono. Ngkai Hi'a-mi tarata katuwua' to lompe' duu' kahae–hae-na.